TAITAS 2:6 - Anutuning midi totangka ingaʼni

⁶ Ka aming ka uyamang da'ning undu' ningsa' ininga adi sasuk a iiksi' u kafakafa katatoranting.

TAITAS 2:6 ပူးပေါင်းရင်းမြစ်များ

1 TESALONAIKA 5:6

Ka indi kuma'sa' yabitam, aming ka dama dek ga'sa' nakiting wa tiim ganangsa' dekiting. Abanga aming ka ama kagaya topnanga papenga fatiangating undu' adi kangam ganangsa' titing. Wara' indi adisining kadapmang waraga' sura sasuk guk mokngang ka dama dekiting ningda'ning mo' ikantam, mokngang, indi sasuk guk ka ka'sa' ningda'ning ikantam.

1 Timoti 5:1

Ka Timoti gu naktangka aming tangandang ka ni wari kadagang kabi' tinga tipdidima tonga wa kadapmang ka midi kugurang ka ganing babangga anini ning ningda'ning wara'ganangsa' yaranga tipdidimotang. A saba uyamang undu' midi kadapmang kugurang kareng ka ganing kuyaga sini' ningda'ning tanga tipdidimotang.

1 Pita 5:5

Ka na naktangka aming ka uyamang sidindu' ning sanotik, sidi aming ka saptatora titing wara'sining kapmik ganangsa' ikanting. Ning tanga kadapmang ka sidining iiksi' bema afuning u yaranga naktangka aming kuyase fam ning kapmik ikanting. Indi midi nua'ni ka ning yoking undu' kuma'sa' nakitam, Anutu adi aming ka anasining fuksi' bema areting wara'siga' u manda ukiamita'. A aming ka anasining kabaksi' bema afuting wa adi yotangkayap tanga ai'dap tiamita'.

1 Jon 2:13

O naktangka aming timini ka babangse da'ning iking ka girii Jisas ka fikifiki ningsa' ira abuta' u kuma' naknga ikiting sidita' umpang i yoksamarik. A naktangka aming ka sasuksi' tangkunang sini' mo' ka saba uyamang da'ning iking ka naktangka tanga aming kadagang Setan ning tangkunang tarafiking sidita' umpang i yoksamarik.