TAITAS 1:9 - Anutuning midi totangka ingaʼni

⁹ abanga Anutuning midi didimeng ka tim kuma' nakita' u kafakafa surotangkanga tanga ira aming arantagim u kadapmang kareng ka wara'guk yorafiabinga adindu' Anutuning midi ki didimeng sini' u nakeda wara'ning sasuk kareng guk ikanting. Ning tanga adi aming fam wari kadapmang nua'ni yara ga' ina adisigok arok tanga ganang wa adi sasuk kareng guk wara' adisa' irafira kadapmang kareng u yangtintingneting, wara' sidi naktangka aming arantagim ning yaptatora aming ipmonga wa aming ka kadapmang kareng ka u torik ningwara' titisi unggungsa' yapma ipmanting.

TAITAS 1:9 ပူးပေါင်းရင်းမြစ်များ

Ap 18:28

Ning tanga adi yong yong u yangara ananing amine Juda ning midi ararok u utapaim waraga' tangkunang sini' ina ning tanga midi ka Anutuning midi umpang wari Jisas wa Kasira Aming ning tuguta' wa beng guk sini' ning u sareng sini' tokadofaima fiararugu'.

1 Kor 14:24

A dabiksa' sidi Anutuning midi fam sareng sini' ituanting wa aming ka naktangka guk mo' titing wa ma aming ka Anutuning midi ki kafakafa guk mo' nakdidimating wara'sining kabaksi' beng sini' ifimarakanting. Ning tinga adi sidining midi wara'ning ki u naksasu'nanga yareinga midi wari kabaksi' idefiinga kabasi' faranga ning tanga adisining kadagang dabiksa' u sidining dasi'ganang sarengsa' ubu ifadaksasu'nanga mangmungkupnanga mera Anutuga' mesisiringa tang ning tonting, o beng sini' Anutuning tang wari sidiganang ira sidining midi wari indining kabakni' beng sini' idefara' nakem.

1 TESALONAIKA 5:21

Sidi midi a napa'napa' wa kafakafa yapdidimanga ning tanga karesi yapma wa surotangka ning tinting.

2 TESALONAIKA 2:15

Wara' kuyane sidi waraga' sura midi beng guk ka indi mini' ganang sini' sanggekum a umpang ganang yoksamem u naknga surotangka tanga tangkunang ikanting.

1 Timoti 1:10

Abanga aming ka fuksi' naknga napa' kadagang sansaramik titiga'sa' naknga kadapmang mumungguk kadagang ka aming wari titining guk mokngang u titing a aming ka ami wa ma taming fam u iromkubuniapma manggara fonga adisining kane tiam ga' wadigi' ipmiting a aming ka mandaga' giknanga amise sige yangbeting a aming ka nasi' nasi' kadagasi kabi'mo' ka Anutuning midi kadapmang kareng wari mo' titiga' tuguta' u titing wari naknga kadapmang didimeng yara wara'ning waraga' ikita' kadapmang tang wa.

1 Timoti 1:15

Ka Kasira Aming Jisas wari kamaganangga' afugu' wa adi sasuk ka aming kadagang titisi u yotangkayabinga gi' giri ubu iik waraga'sa' tanga afugu'. Midi ka wa midi girii tim iyak sini' ka aming wari naknga suktangka tanga iik wara'ning. Ka aming kadagasi wa aming fam sa' mo', mokngang, kadagang titining aming tim iyak sini' wa naga yang.

1 Timoti 4:9

Midi ka i ganarik ya beng guk sini' ka aming wari naknga waraga' naktangka sini' titi wara'ning u ganirik.

1 Timoti 6:3

Ka beng sini' girini' Kasira Aming Jisas ning midi beng a Anutuning kadapmang kareng ning midi kareng ka indi yanggekitam wa didimeng beng guk. A aming ka sasukni ka kadapmang ka u mo' yaranga aming fam u kadapmang nua'ni yanggerota' wa adi sasuk kareng kabi'guk mo' ira ananing wap bema ara ga'sa' sukita'. Aming ka ningwara' undu' sarengsa' ka ning u yapkedatam, adi kabaksi' wa midi sige usingsa' waraga' sige tonga arok waraga'sa' nakiting. Adi kadapmang ka ningwara' u tanga napa' kadagasi kabi'mo' ka aming fam ga' kabaksi' kadagang ninak a arok a midi yangkige a kuyase fam ga' sigesa' sukadayam ning titing.

2 Timoti 1:13

Ka Timoti gu midi didimeng ka naga ganggekinga naktiang wa surotangka tang totang, midi ka wa aming fam yanggek wara'ning kadapmang kareng gangtintingna wara'ning. Ning tanga gu Kasira Aming Jisas ga' naktangka tanga adi yotangkagabinga gu kabaka ka adita' naktangka ningsa' tanga iik a aming fam ga' naknga yotangkayap titi wara'ning wara'guk irotang.

2 Timoti 2:2

Ning tanga gu midi kareng ka naga aming kabi'mo'ga' urang ituaiminga fanakarugung u bema aming karesi fam ka kane ka ning u titiga' bibi' guk mo' ninak ning u yanggerotang. Ning tinga adibu aming fam yanggekanting.

2 Timoti 2:25

aming wari adigok arok ga' tonga tinga wa adi midi kugurangsa' ina ifididimota'. Wa adi ning surota', Anutu adi kabaksi' ififareinga adining midi beng guk udep nakanting,

2 Timoti 3:14

Ka Timoti guning kane wa nua'ni sini', Anutuning midi beng ka tim naknga naktangka tugung wa gu surotangkanga unggungsa' yarotang. Ka aming arantagim ka midi kareng u ganggekitam indining iik a kane ning kadapmang wa didimengsa' wa kuma'sa' nakarang wara' gu waraga' sura didimengsa' ningsa' totang.

2 Timoti 4:3

Beng sini' inga' kama kadagang kadofo'ga'. Ka kama ka wara'ganang wa aming wari midi beng guk u ninak ga' bibi' nakni'ga'. Ning tanga adi gi' guk mo' mera yanggek aming kabi'mo' ka midi mandaga' ka adi ninak ga'sa' nakiting wara'ning u yanggekinga ninak waraga'sa' wenanga inagiknani'ga'.

TAITAS 1:11

Aming ka ningwara' adi uningkim mambong iyam waraga'sa' sura kadapmang kadagang ka indi yanggekning guk mokngang u fainggeking. Ning tanga adi aming fam ning naktangkasi' u ifikadaiminga adisining tamse a sabase ning naktangkasi' undu' dabiksa' fakadaing, wara' gu kane tanga wa gu aming ka ningwara'sining kadapmang kadagang u udaga waraga' guk sura totang.

TAITAS 2:1

Ka Taitas gu ning ganotik, gu ami taming u nasi' kadapmang kareng u titi waraga' yanggeronga wa gu kadapmang ka Anutuning midi beng guk wara'guk dabiksa' titining unggungsa' yanggerotang.

JUT Midi umpang Jut wari yoku' 1:3

O kuyane karesi na midi ka Anutu wari indi dabiksa' indi gi' iikga' yotangkanibita' wara'ning ki u sangdidima sini' titi waraga' kabakna guk sini' naknga yoksamotik, ning tonga tangak. Ka na a na midi tangkunang nua'ni u inotik ning ubu sura wa midi ka Anutuning midi kareng ka naktangka aming indita' nimgu' u kafakafa katatora waraga' ubu sanonga tirik. Ka midi ka u nimgu' wa Anutu adi kagabi tanga nua'ni ubu tutugu a midi fam nua'bu yorafa ning wara'ning guk mokngang sini'. Ka aming fam wari midi fam ka anasining sasuk ganangsa' tanga Anutuning midi wara'guk ugamusi ning ma tini', wara' sidi midi kareng ka wa kafakafa katatoranga ikanting.

REVELESEN Anutu wari Jon ga' Girii Jisas ning ki anatintingneinga kagu' 2:25

Ka na midi kubaniksa' ka ning sanotik, nasi' kadapmang kareng ka sidi kuma' surotangkanga tanga iking wa tangkunang ningsa' surotangkanga ira anganga inga' naga tubobu abok wara'ganang ga'sa'.

REVELESEN Anutu wari Jon ga' Girii Jisas ning ki anatintingneinga kagu' 3:11

Ka kama ka naga sidiganang u kagadofi wara'ning wa paramu' mo' du'sa' kuma' adera' wara' sidi kadapmang kareng ka kuma' tanga iking wa mo' kabanting. Sidi inga' kadapmang kareng wara'ning napa' kareng tubobu samiinga bemna ning wa aming nua'ni wari saramikinga mo' ma bemnani'.

REVELESEN Anutu wari Jon ga' Girii Jisas ning ki anatintingneinga kagu' 3:3

Ka sidi midi kareng ka tim aming wari saninga naknga tanga yaging wa sidi waraga' tubobu sura kabaksi' tipfaranga kadapmang kadagang u kabinga kafakafa nua'bu tanga ikanting. Sidi tubobu guk mo' sura tipfaranga dama ningsa' ko defakanting wa na kubu aming wari urang kadofiting ningda'ning urapsa' kadofasamok wa sidi nafek sa' tini'ga'.