REVELESEN Anutu wari Jon ga' Girii Jisas ning ki anatintingneinga kagu' 6:12 - Anutuning midi totangka ingaʼni

¹² Ning tanga kaguk wa sipsip nano wari midi umpang wara'ning tapni so ka namba siks ubu ibaramagu'. Ibaramakinga nakuk wa kiining girii wari ubu kadofigu'. Ning tanga kaguk wa mayam de wari kangkam sini' ka kwi' dakangkamara ningda'ning kadofigu'. Ning tinga mayap undu' giming sini' ka amaa da'ning kadofigu'.

REVELESEN Anutu wari Jon ga' Girii Jisas ning ki anatintingneinga kagu' 6:12 ပူးပေါင်းရင်းမြစ်များ

MATYU Anutuning midi kareng Matyu wari yoku' 24:29

Ning tanga Jisas wari arantagimni u nua'bu yanggu', mamareng a kagaya girii ka u torik wari kadofinga biinga mayam de wari kangkamara tinga mayap undu' dada guk mo' to'. Ning tinga bam undu' mangfu tinga napa' tangkunasi fam ka kunimganang ikiting undu' kama gipmamsi' iik titing u ibinga kadapsa' mera mera yangakni'ga'.

MATYU Anutuning midi kareng Matyu wari yoku' 24:7

Ka mamareng fam ka kamaganang yara'ni aming kabi'mo' wari marara aming arantagim girii nua'ni guk ami' a kama dibing nua'ni wari kama nua'ni guk ami' titi, abanga tugumung girii wari kadofinga yara a kining girii wari kagadofi ning tanga yaro'ga'.

MATYU Anutuning midi kareng Matyu wari yoku' 27:45

Ka kama ka Jisas u uking ganang didimeng mayam de wari bining sini' ka 12 klok ning adegu' ganang mayam de wari kangkamara tanga kama kama dabiksa' kama garinga yaregu'. Kama u ningsa' kangkamaranga anganga

MATYU Anutuning midi kareng Matyu wari yoku' 27:54

Ka ami'ning aming girii guk ka arantagimni ami'ning aming fam ka Jisas ugariging udi unggung katatoranga fideging wari kining girii a napa' fam ka kama ka wara'ganangsa' kadofigu' u kanga mutu sini' tanga kabaksi' tubobu sura tipfaranga ning toging, beng guk sini' idi Anutuning mindingni beng ba ugumogum ning toging.

MATYU Anutuning midi kareng Matyu wari yoku' 28:2

Ka taming fama' wari kadapmang bining ko aramugogumu' ganang ka girii ning ensel wari kunimganang kuta afanga Jisas ning kusik ganang u kadofiinga kining girii wari kadofigu'. Ning tanga ensel wari uningkim pampangareng girii ka Jisas ning kama ginang de isefiging u tipdaranga tonga gaga irara ning tanga uningkim wara'ning furo'ning ganang unggung mareiagu'.

MAK Anutuning midi kareng Mak wari yoku' 15:33

Ka adi Jisas u bema firi ganang ugaringa ning tanga anganga 12 klok sidii sini' mayam de wari kangkamara tanga kama yong yong dabiksa' kama garinga yaregu'. Garinga anganga 3 klok kibiri wa kama wari tubobu fagagu'.

REVELESEN Anutu wari Jon ga' Girii Jisas ning ki anatintingneinga kagu' 11:13

Ka aming fama' wari mareinga didimeng ka wara'ganang wa kining girii wari kadofinga yong girii wara'ning bining kabi'ning u udagainga yong girii wara'ning dibing wa kadasasu'na tinga yong wara'ning dibing kunik girii wa giri ade'ga'. Ning tanga kining ka wari ami taming kabi'mo' ka seven tausen ning u dabiksa' dipmasasu'no'. Ning tinga ami taming ka ka' giri ikni' wari napa' girii u kanga mutu girii tanga Anutuning wap bema aranga ning toni', o beng sini' Anutu girii furo'ning kuta ikita' warisa' napa' u tara' kayam.

REVELESEN Anutu wari Jon ga' Girii Jisas ning ki anatintingneinga kagu' 16:18

Ning tuguinga kaguk wa tifik tangkunang tanga mungkurap girii afanga a napa' gigi girisi fam a kining girii wari kadofigu'. Kining ka u kadofigu' wa kining ka fiki kamaganang i kadofita' ningwara' mo', kining girii sini' kadofigu'.

REVELESEN Anutu wari Jon ga' Girii Jisas ning ki anatintingneinga kagu' 16:8

Ning tinga ensel ka namba fo adibu amingga' kagaya iyam ning napa' ka adining dis ganang bema fidegu' u bema tonga mayam de ganang kwasineinga mayam de wari kagaya sini' ubu kadofinga aming u diapku'.

REVELESEN Anutu wari Jon ga' Girii Jisas ning ki anatintingneinga kagu' 8:12

Ning tinga ensel arantagim wara'ning namba fo wari adining be ubu figiku'. Figikinga mayam ning dibing girii a mayap ning dibing girii a bam kabi'mo' wara'ning fam wara'sining diok dibing wari bibi' tinga adi diok kafakafa guk mo' tiging. Ning tinga kama wari mayam a mayap guk mokngang da'ning ira sidii wa kama urapsa' gagari a tiim undu' kangkam sini' adeia' fafa'ging wa inga' iik ning tugu' u kaguk.

REVELESEN Anutu wari Jon ga' Girii Jisas ning ki anatintingneinga kagu' 8:5

Ning tanga ensel ka wari napa' mupmu guk ka alta ganang u seinga fadaging wara'ning fam u manggara kabak gol wara'ganang dasinga bema kama ganang i kwasinanga ipmainga afaging. Ning tinga wara'ganang didimeng wa tifik girii wari kadofinga mungkurap tonga ning tanga kining girii wari kadofigu'.