REVELESEN Anutu wari Jon ga' Girii Jisas ning ki anatintingneinga kagu' 3:19 - Anutuning midi totangka ingaʼni

¹⁹ Beng sini' aming ka naga adisita' naknga wa ifadidima titi waraga' midi tangkunang ina a mamareng ima ning titik. Wara' sidi waraga' sura kabaksi' tubobu tipfaranga sidining kadagang u kabisasu'na tinting.

REVELESEN Anutu wari Jon ga' Girii Jisas ning ki anatintingneinga kagu' 3:19 ပူးပေါင်းရင်းမြစ်များ

MATYU Anutuning midi kareng Matyu wari yoku' 25:7

Ning tuguinga naknga taming adi marara kamangsi' diok dakungkumara tinting u kafakafa aratinting.

JON Anutuning midi kareng Jon wari yoku' 2:17

Ka Jisas ning arantagimni adi Jisas wari temple ga' sura wara'ning midi umpang timinggi' yoking waraga' sura nakedaging. Midi ka u yoking wa ning, na guning yak wari didimeng kareng ningsa' iik waraga'sa' nakarik, ning yoking.

ROM Midi umpang Pol wari Rom aming ga' yokiamgu' 12:11

Ka sidi nasi' kane u tanga ira wa sidi kane waraga' baratarak guk mo' nakanting. Mokngang sidi kane u tanga wa girii ga' kabaksi' guk siamo' nakanting. Ning tinga sidining kane wari girii ga'sa' tangamning ning kadofota'.

1 Kor 11:32

Ka girii wari indita' kagaya u kabinimita' wa adi aming kamaganangni kadagang guk ka kadaga titiningsa' wara'siguk dabik ma kadasasunani' ning tonga sasuk niminga kadagang u kagabi waraga' tinimita'.

2 Kor 6:9

Ka aming kama yong yong kabi'mo' adi indining wap udi giri kuma' naknga yareting ka adi adisining amise ningda'ning mo' nibiting, mokngang, adi aming kadagasi ning nibiting. Ning tinga fikifiki adi indifi tinga kabi'sini' kuma' kungkumak ga'sa' ningda'ning ikitam. Ka mokngang, indi ka' ko ira kanesa' fatitam. Ka mamareng ka u kadofanimita' wa indifikumak sini' titining mo', mokngang, wa Anutu wari indifadidima titiga' fefinip sa' ningda'ning tita'.

2 Kor 7:11

Ka sidi kafakafa sura nakanting, kabaksi' mamareng ka wara'ning bining ganang wa Anutu wari sidiganang kadapmang karesi kuni' kuni' u ifakadofisaminga ting. Kadapmang karesi ka wa ning, sidi kudi umpang ka naga yoksamguk u kanga kabaksi' mamareng naking warisa' sasuk saminga sidining kadagang fam u ifidima waraga' kane urapsa' ting. Abanga sidi aming nua'ni wari kadagang tinga wa sidi a wa ananing napa', wara' kureng ning tonga kagabi mo' tiging, mokngang, sidi Anutuning kigineng ga' mutu' tanga kadagang u tipdidima ga' midi kigineng fatoing. Ning tanga ira sidi nagata' naknga nagok kabakni' kubaniksa' nua'bu iik waraga' siamo' sura wa sidi aming ka kadagang tugu' wara'ning mamareng u tipdidima waraga' mamareng kabingamging wang. Ka beng sini' sidi kadagang u tipdidima waraga' sura kane girii tanga kadapmang karesi kuni' kuni' ting wari sidining iiksi' u sareng tipkadofiinga kanga o adi kadapmang didimeng tanga kadagang guk mokngang ning toyam.

GALESIA Midi umpang Pol wari Galesia amingga' yokiamgu' 4:18

Beng sini' kabaksi' ka aming nua'niga' naknga tangam ning wa napa' kareng sini' de, ka sidi kafakafa sura nakedanga beng guk giri ning kanga totang wa didimengsa'. Ka sidi nagata' naknga kafakafa tanamonga wa naga sidigok unggung ikinga ganangsa' tanaam ning mo', mokngang, wa naga sidigok unggung mo' iik ganang undu' fikifiki ningsa' tanga ira au wara'ning.

TAITAS 2:14

Ka girini' Jisas ka wa tim adi indining kadagang wari indi indifikadaga waraga' bibi' naknga indining kadagang u tanga kayonim wara'ning kane girii sini' yotangkanima tanga kumogu'. Adi indi adining aming arantagim didimeng kareng sini' ka kadagang kabi'sini' guk mokngang ning ira ning tanga kabakni' wari adining kadapmang kareng u titi waraga'sa' ninak waraga' sura tanga kumogu'.

Jems 1:12

Ka aming ka kaba wari napa' kadagang ni titiga' mamarak wa ma mamareng fam wari adining iikni ganang kadofingaminga mangfu guk mo' tanga naktangka tangkunang ningsa' tanga ira auta' wa adi inga' napa' kareng katua wara'ning. Ka waraga' wa Anutu wari tim ning kuma' totangkagu', aming ka nagata' sini' sura tangkunang sa' tanga ira auta' wa inga' na napa' tangkunang kareng ka ka' ningsa' iik wara'ning u kabingamok. Ning kuma' togu' wara' adi aming ka ningwara' waraga' wa kuma'sa' samo'. Ka sidi waraga' sura kabaksi' karengsa' nakanting.

REVELESEN Anutu wari Jon ga' Girii Jisas ning ki anatintingneinga kagu' 2:5

Ka sidi midi ka i torik i naknga o beng sini' tim indi adita' siamo' nakum a kami yara'ganang wa kagabi sini' tem ning tonga kabaksi' tipfaranga kadagang u kabinga kadapmang didimeng ka tim tanga yaging u tubobu tinting wa karengsa'. A sidi sidining kadagang u kagabi guk mo' tinting wa na sidi ganang kadofinga Efesas sidining lam ka lam arantagim seven ning ka Anutuning de ganang wara'guk dabik aradeing u tubobu sarombemnotik.