REVELESEN Anutu wari Jon ga' Girii Jisas ning ki anatintingneinga kagu' 22:11 - Anutuning midi totangka ingaʼni

¹¹ Ka sidi kafakafa sukanting, aming ka kadapmang kadagang a sasuk kadagang guk tanga ikiting adi kadapmang ka ningwara'sa' tanga ikiting. Wara' sidindu' ningsa' sidi kadapmang kareng ka u tanga iking a nasi' Anutuning kadapmang kareng yaranga kadagang kabi'guk mo' u titing wa mo' kabinting, ningsa' surotangkanga tanga ikanting wa napa' kareng beng guk sini'.

REVELESEN Anutu wari Jon ga' Girii Jisas ning ki anatintingneinga kagu' 22:11 ပူးပေါင်းရင်းမြစ်များ

MATYU Anutuning midi kareng Matyu wari yoku' 21:19

firi fik ka kadapmang bining u aderugu' u kanga mindip beng guk ba ning tonga bema nana titiga' ning tonga agu'. Ka mokngang, mindip guk mokngang sasa' sigesa'. U kanga a firi ka gu sige guk wa nasi'ga' mafatang ning tonga ning anigu', gu beng nua'bu mo' totang, wadigi' bia'. Ning aniinga firi wari kaga'sa' kaforonga sasa' piriring sa' tabemgu'.

MATYU Anutuning midi kareng Matyu wari yoku' 25:10

Ning tinga taming faiv ning ka karasinsi' guk mokngang wari karasin tononga kuma' marara mugoinga aming ka taming kafauwe tota' adi wara'ganang kadofota'. Ning tinga taming faiv ning ka amasi' guk unggung kapmeiakanting warisa' aming u nagira anga tangsana wara'ning yak ganang u amanga yak wara'ning faba u wadigi' isefitangkanting.

MATYU Anutuning midi kareng Matyu wari yoku' 5:45

Ka sidi Anutuning mindine arantagim ning iking wara' sidi kadapmang kareng ka u torik ningwara' u tinting wa kadapmang kareng sini' ka babangsi' Anutu girii wari kunimganang kuta ira tita' wara'guk dabiksa' tinting. Ka Anutu adi kadapmang kareng wa ning tita', adi aming yotangkayabita' wa adi tagagare tanga aming kareng kanga wa giri yotangkangam a nisi' aming kadagang kanga wa kagabi ning guk mo' tita' mokngang sini'. Adi kafakafa wa aming karesi a kadagasi wara'guk dabiksa' tasabita'. Ning tanga adining napa' girisi ka mayam a gimak wa aming karesi a kadagasi dabiksa' u yotangkasap waraga' saminga karengsa' naknga ikiting.

MATYU Anutuning midi kareng Matyu wari yoku' 5:6

Abanga aming ka Anutuning kadapmang didimeng kareng ga' siamo' ninak ka aming wari masi' pamparanganga ama topna ga'sa' urang nakiting ningda'ning tanga ikiting wa karengsa' ning torik. Nasi' ka adi bemna ga' sura sasuk mimeng titing wa Anutu wari didimengsa' iminga tangkunang ubu kuma' naknga ikanting.

JON Anutuning midi kareng Jon wari yoku' 8:21

Ka Jisas wari Farisi aming u ning nua'bu yanggu', na sibinga mugo kuma' totik. Ka inga' sidi naga yotangkasam ga' sura nagata' wena tini', ka mokngang ninap guk mo' tini'ga'. Ning tanga sidi sidining kadagang wara'guk kubap ningsa' ira anganga kumakni'ga'. Beng sini' yong ka naga u autik wa sidi au ning guk mokngang ning yanggu'.

EFESAS Midi umpang Pol wari Efesas amingga' yokiamgu' 5:27

Abanga aming wari taming sababa kareng ka fugu udi a kayong kafong ginggebingesi guk mokngang karengsa' urang saniabiting ningda'ning ka Kasira Aming Jisas wari adining naktangka aming arantagim indi kadagang kabi'guk mokngang karesisa' ikinga indita' siamo' naknga manggaknip waraga' sura kumogu'.

KOLOSI Midi umpang Pol wari Kolosi amingga' yokiamgu' 1:22

Ka sidi inga' Anutu wari mindingni tipsarendainga aming sini' fugu guk ira kumogu' yara'ganang wa Anutu wari adining amine sini' ning ubu kuma' sifikadofigu'. Ka Anutu wari u tugu' wa sidi ananing arantagim ka kadagang kabi'guk mokngang fafandangeng karengsa' ikinga manggaksapma fonga Anutu anata' amimi waraga' sura wa mindingni u anigareinga u afanga tugu' wang.

2 Timoti 3:13

Ning tanga aming ka kadagang titisi a aming ka aming karesi ning sige tuguting adi kanesi' kadagang wa mo' kabini', mokngang, adisining kadagang wa girii giranga ning tanga aming u mandaga' iiramik ning kane tinga Setan wari ana undu' mandaga' iramikinga kadaga tini'ga'.

JUT Midi umpang Jut wari yoku' 1:24

Ka Anutu adi tangkunang girii guk beng sini' ikita'. Adisa' wa yotangkasap tinga sidi tangkunang ningsa' ira sidining naktangkasi' wa kadaga kabi'guk mo' tota'. Ning tinga sidi karengsa' giri ira anganga inga' Anutuning diok kigineng girii ganang sarengsa' adeni'ganang wa sidi kadagang kabi'guk mokngang karengsa' ira mesisiringa sa' tanga adeni'.

REVELESEN Anutu wari Jon ga' Girii Jisas ning ki anatintingneinga kagu' 16:21

Ning tinga uningkim ais guk kababi'mo' wari kunimganang kuta afaging. Afanga aming ning fuksi' ganang mangfanga aming u wadigi' dipmidadagenga igukyangaging. Uningkim ka u mangfaging wa kababi' mo' girisi sini' uningkim wara'ning mamarengni ning nambani wa 50 kilogram ning wari mangfaging. Ka adi kagaya ka uningkim girisi wari manga dipmiging wa kuma' naking de, ka adi kagaya wara'ning bining ganang wa banaksi' giptanga Anutuga' midi kadagangsa' nua'bu fatoging.

REVELESEN Anutu wari Jon ga' Girii Jisas ning ki anatintingneinga kagu' 22:3

Napa' kadakadagasi ka Anutu wari waraga' bibi' sini' nakita' wa yong girii kareng wara'ganang guk mo' ikiting mokngang sini', napa' karesi karesi warisa' ikiting. Ning tinga Anutu girii guk ka sipsip nano guk warisa' adisining tare kareng ganang u mera napa'napa' yong girii ganang u yaptatoretamu'. Ka ami taming ka yong girii wara'ganang ikiting adi fikifiki Anutuga' mesisiringam ningsa' fating.