Inga' wit wari beng tanga kuraga sini' tinga kane aming wit beng dudop ning unggungsa' ka ning kuma' inok, sidi tim ka wit kadagasi u tamara manggara kudip sasa waraga' bak naro' tini'. Ning tanga wit karesi unggungsa' dopma manggara fonga naganing wit yak ganang u dasanting ning kuma' inotik ning touta'.
REVELESEN Anutu wari Jon ga' Girii Jisas ning ki anatintingneinga kagu' 14:15 - Anutuning midi totangka ingaʼni15 Ning tinga ensel nua'ni ka Anutuning siring yak ganang iyung bane u fidegu' wari kadofinga afanga midi bang ning katinganggu', aming karesi ka kamaganang apa iking wa wit mindip feng ningda'ning ikiting ka kuma' kurasasu'ning yabarik. Abanga dudop titining kama kuma' farara' wara' gu paipga u bemnanga afanga dudop te' ning anigu'. အခန်းကိုကြည့်ပါ။ |
REVELESEN Anutu wari Jon ga' Girii Jisas ning ki anatintingneinga kagu' 14:15
20 ပူးပေါင်းရင်းမြစ်များ
A aming ka feng tuang wara'ning digirap wa aming kadagang Setan waraga'sa' tongak. A feng wari kuraga tinga wit beng u dopma manggak ga' tongak wa kama ka kunim a kama yari bibi' wara'ning kama ari' wari kadofiinga Anutu wari naktangka aming inagikna waraga' sura tongak. A wit beng u mamanggak ning kane aming arantagim wa Anutuning kunung aming arantagim ensel waraga' tongak.
Adi kadapmang kadagang ka u tanga ababanga inga' kadagang girii sini' nua'ni ka indi Anutuning midi kareng u bema anga aming arantagim nua'ni ka Juda mo' sidita' u ituasaminga Anutu wari yotangkasap tinga kareng gi' giri iik wara'ning kadapmang u udanim waraga' kane tangkunang fatiting. Ning tinga adisining kadagang wari girii sini' giragata'. Ka adi kagaya girii ka Anutu wari adisining kadagang waraga' kaba kagaya nakiamita' wara'ning wari kuma' arakadofiamara'.
Ka adi midi u tonga biinga ning tanga kaguk ka Anutuning siring yak girii ka kunimganang kuta ikita' wara'ning faba wari kagadak tanga auinga samapsa' adegu'. Ning tinga bokis ka tim Anutu wari Isrel aming guk midi totangka tanga midi fam yora bokis wara'ganang dasiging wari adegu' u tonga kaguk. Ning tinga tifik a mungkurap kigineng girii wari kadofigu'. Kadofiinga kining girii wari ubu kadofinga gimak girii ka uningkim ais guk wari ubu manga figing.
Adi kamaganang u kadofinga arapma keng baseni ka kusip girii da'ning tim kadofigu' ka gugufi tiging wara'ning udi guri' guk u yotangkangamonga keng baseni ka kusip girii da'ning wara'ning wap a adisining tangkunang ning wap u ami taming a napa'napa' u ina yaregu'. Ning tanga keng baseni ka kusip girii da'ning ka tim urang kadofigu' adita' mandaksi' upma mesisiringam titiga' ina yaregu'.
Ning tanga nua'bu kaguk ka napa' ka aming da'ning wari mungkong fafa' girii nua'ni wara'ning furo'ning ganang mareiagu'. Napa' ka wa mungkup gol ka aming girisi king arantagim wari ipmating ningwara' u kaminga a paip ginggebingeng mini di' ka wit a sarekon dudop ning ningwara' u bema ning tanga mareiagu'.
Ning tinga ensel nua'ni ka Anutuning siring yak girii wara'ning alta wara'ning kudip u katatoreta' wari undu' kadofinga afanga ensel ka tim paip ginggebingeng bemgu' u ning katinganggu', aming kadagasi ka kama ganang apa iking wa grep mindip feng wain ama titining ningda'ning ikiting. Ka kuma' gimindasasu' ning yabarik. Wara' gu amanga paip ginggebingeng wari mindip ning giwang u doptanga manggaksasu'na te'.
Ka ensel ka namba seven ning ka ari' wari amingga' kagaya iyamning napa' kagaya ka dis ganang bema fidegu' u bema anga gugubik girii ganang u kwasinegu'. Ning tinga Anutuning siring yak girii ka kunimganang kuta ikita' wara'ning iyung bane ka Anutuning tare ganang sini' u ku nua'ni ning kadofigu', kagaya ka u kwasinara' wa ari'.
ကြော်ငြာတွေ