FAILIMON Midi umpang Pol wari Failimon ga' yokngamgu' 1:10 - Anutuning midi totangka ingaʼni

¹⁰ Wara' na ning ganotik, gu naganing sabana kareng nua'ni ka Onisimas ka naga iyung kane kalabus ganang ingging ira aninggekinga adi naganing sabana sini' ningda'ning ubu ita', ka adi gu gabonga unggung auta'. Ka adi gu ganang u anga kadofiinga wa gu kafakafa tangama bema kamanotang.

FAILIMON Midi umpang Pol wari Failimon ga' yokngamgu' 1:10 ပူးပေါင်းရင်းမြစ်များ

MAK Anutuning midi kareng Mak wari yoku' 9:17

Ka aming arantagim girii ka Jisas ganang bak tiging wara'ning nua'ni wari Jisas u ning anigu', o girii gu ingging ba ning tonga naganing sabana i nagira abangak. Adi mini unggo kadagang wari tanga midi guk mo' tuguta'.

ROM Midi umpang Pol wari Rom aming ga' yokiamgu' 12:1

O kuyane na midi ka Anutu wari bibiri' nipma adining ai'dap ganang kafakafa sini' tinimita' wara'ning u tongak waraga' sura na midi tangkunang sini' ka ning nua'bu sanotik, i nakni' sidi aming wari Anutuga' ofa kareng tangam ning ningda'ning ka sidining kabaksi' a fuksi' ka' guk ko u Anutuning kadapmang didimeng sa' titi waraga' adita'sa' kabingamting. Ning tinting wa sidi Anutuga' siring kabaksi' guk sini' kufara tongam ning kadapmang beng sini' tinting.

1 Kor 4:14

Ka kuyane na midi kigineng ka u sanarik wa sidi midi u naknga waraga' megang a kabaksi' mamareng ninakning waraga' mo' torik, mokngang. Sidi naganing sabane arantagim ka na sidita' siamo' nakitik ning iking wara' na sidining sasuksi' u sifididima waraga' midi u torik.

1 Kor 4:15

Beng sini' Kasira Aming Jisas ning kadapmang kareng sanggek ning wa inga' aming kabi'mo' wari undu' anga sanggera ning tanga sidining saptatora aming ningda'ning ubu kuma' iking de, ka sidi kafakafa sura nakedani', iik ka Kasira Aming ning bining ganang iik wara'ning wa Pol nagasa' anga Anutuning midi kareng u sanggekinga iking wara' na sidining babangsi' sini' ningda'ning itik.

GALESIA Midi umpang Pol wari Galesia amingga' yokiamgu' 4:19

Ka ning nakarik ka sidi naganing sabane a na sidining mamangsi' ningda'ning ikem. Ning tanga naning kabakna wari sidita' sasuk mimeng ka simeng se' wari saba ibeunga kagaya urang nakiting ningda'ning nakarik. Na sidining kabaksi' wa didimengsa' ka Kasira Aming Jisas ning kaba guk dabik ningsa' kagadofi waraga'sa' fanakarik. Ka sidi didimesi karesi u kadofiinga wa giri na sidita' sasuk mimeng tirik u wara'ganang kabok.

KOLOSI Midi umpang Pol wari Kolosi amingga' yokiamgu' 4:9

A aming nua'ni sidining yong tara' wara'ni wapni Onisimas undu' Tikikas guk ngingeng kubap dabik ayamu'. Adindu' indining amini' kareng, adi indita' kafakafasa' tinimita', ka aming fama' adi anga sidiganang u kadofinga nasi' nasi' ka indi i tanga ikem wara'ning wa kuma'sa' saninga nakanting.

1 Timoti 1:2

Ka Timoti gu nagok girii ga' naktangka dabik tiamuk wa gu iik inga'ni wara'ganang naganing sabana ning itang guta' kudi i yokamarik. Sibeng Anutu a girini' Kasira Aming Jisas wari begaga tanga kafakafa yotangkagabinga kabaka kugurang guk irotang.

TAITAS 1:4

Ka Taitas gu naktangka dabiksa' ka indi tanga ikem ningsa' tanga ira naganing sabana ning itang wara' na guta' midi umpang i yokamirik. Sibeng Anutu a yotangkanip aming Kasira Aming Jisas wari ai'dap tagama kabaksi' kugurang gaminga sibim kareng ganang kugurang gi' ningsa' irotang.

FAILIMON Midi umpang Pol wari Failimon ga' yokngamgu' 1:11

Ka Onisimas ya guning kane aming sige slev, ka adi tim gu ganang unggung yagu'ganang wa adi kane kafakafa mo' tugu'. Ka inga' adi nagok i ira kaba faranga kane kafakafasa' ubu kuma' tanga yotangkanabita' wara' na ning torik, adi gu ganang tubobu anga ira undu' kafakafa ningsa' tagamo'ga'.

FAILIMON Midi umpang Pol wari Failimon ga' yokngamgu' 1:13

Ka naga Anutuning midi kareng itua wara'ning kane waraga' tanga kalabus kane tanga itik ganang ka Onisimas adi gu ningda'ning ira yotangkanap tita'.

3 Jon 1:4

Beng sini' na nasi' midi fam naknga wa waraga' mesisiringa sini' mi' titik. A midi ka naning sabane wari Anutuning midi beng guk kareng u didimengsa' giri yaranga iking ning tuguting u nakgna wa na waraga' mesisiringa siamo' titik.