MAK Anutuning midi kareng Mak wari yoku' 8:8 - Anutuning midi totangka ingaʼni

^8-9 Ka aming ka Jisas wari nana u iminga naging wa arantagim girii sini' ka fo tausen ning ningwari naging. Adi dabik didimengsa' nibera ning tanga dibing ka iibi tiging. Ka Jisas ning arantagim wari nana dibing nanga ibiangaging u manggara fabanga unup ari' seven ning sini' dasitoneging. Ning tanga Jisas wari ami taming u yangkara tinga mugo tiging.

MAK Anutuning midi kareng Mak wari yoku' 8:8 ပူးပေါင်းရင်းမြစ်များ

MATYU Anutuning midi kareng Matyu wari yoku' 14:20

Ning tinga aming arantagim kabi'mo' wari nana u dabiksa' nibera dibing wa nagaremik tanga ibiging. Ka arantagimni wari nana dibing nagaremira ibiging u manggara manggara fabanga bak kura unup ari' usap ka 12 ning u dasitoneging.

MATYU Anutuning midi kareng Matyu wari yoku' 15:37

Nang nanga dabiksa' nibera ning tanga dibing wa nagaremik tanga ibiging. Ka Jisas ning arantagim wari nana dibing nagaremira ibiging u manggara fabanga unup ari' ka seven ning u dasitoneging.

MATYU Anutuning midi kareng Matyu wari yoku' 16:10

Abanga na kama nua'niganang undu' baret kababi'sini' ka seven ningsa' u manggara ning tanga upma aming arantagim girii ka fo tausen ning waraga' iminga dabiksa' adi didimengsa' nibeking. Ka adi fam ka nagaremik tanga ibiging undu' kabi'mo' waraga' sukni'.

LUK Anutuning midi kareng Luk wari yoku' 1:53

Aming ka napa'ga' nafek tanga tatafak ikiting wa Anutu adi yotangkayap tanga fuksi' a urasi' ifitangka waraga' napa' kareng tiamita'. A aming ka kangasi tanga ikiting wa Anutu adi sige yangkagareinga mugoting.

JON Anutuning midi kareng Jon wari yoku' 6:27

Ka beng sini' ning sanotik, sidi kane tangkunang ka nana ka tangkunang guk mokngang urapsa' kuma' bataga ning waraga' mo' sura tinting. Mokngang sidi nana tangkunang guk kareng ka yotangkasap tinga ka' fikifiki ningsa' iik wara'ning waraga'sa' wa giri sukanting. Ka nana tangkunang ka wa sibeng Anutu wari Amingning Tim Iyak naga girisa' iyamning ning napma nagata' tangkunang kuma' namgu' wara' nana ka wa nagasa' sansam wara'ning.