MAK Anutuning midi kareng Mak wari yoku' 2:25 - Anutuning midi totangka ingaʼni

^25-26 Ka Jisas adibu ning yanggu', a timinggi' papani' Devit adindu' segi kagaya naknga kadapmang ka ningyara' udi kuma'sa' tugu'. Ka indining, sidi midi ka adi u tugu' wara'ning ka umpang ganang kuma' yoking wara'guk mo' ba indangira kating. Wa ning tiging, tim aming wap Abiata wari pris girii yagu' ganang wa Devit guk ka adining ami'ning aming arantagim fam guk adi ami' tanga nana guk mokngang waraga' tanga seksi' kagaya sini' naknga abanga siring yak ganang amanga baret ka Anutuga' ning tonga kuma' animamangnanga kukngamging unggung manggara naging. Ka indining kadapmang wa ning titam, baret ka Anutuga' ning tonga kuma' kamingamting wa aming sige wari nana ning guk mokngang, wa pris girisi warisa' nana wara'ning. Ka Devit adi unggung amanga manggara arantagimni ga' undu' ima ning tanga naging. Ka sidi waraga' wa indining suking, Devit adi kadagang tugu' wa. Mokngang.

MAK Anutuning midi kareng Mak wari yoku' 2:25 ပူးပေါင်းရင်းမြစ်များ

MATYU Anutuning midi kareng Matyu wari yoku' 19:4

Ka Jisas wari ning yanggu', a sidi midi ka tim Anutu wari napa' napa' munumung sini' tugu' wara'ning ka ning yoking, Anutu wari ami tanga a taming tanga ning tugu' ning yoking wa sidi wara'guk mo' unda' indangira kating. Abanga nua'ni ka ning yoking, adi ami guk ka taming guk tiapku'.

MATYU Anutuning midi kareng Matyu wari yoku' 21:16

Jisas u ning aniging, ai gu aming girii Mesaia ning katiganing udi kuma' ba nakarang. Ka Jisas wari ning yanggu', a kuma' nakarik wang. Ka sidi midi nua'ni ka tim umpang ganang yoking u kuma' udep indangikiting wa waraga' sukanting. Midi ka u yoking wa ning, gasa' sababi' sini' waraga' sasuk iminga adi guta' mesisiringa bengsa' tagaming ning yoking.

MATYU Anutuning midi kareng Matyu wari yoku' 21:42

Ka Jisas wari adisining midi u nakiama ananing kane waraga' yangnatamonga ning yanggu', ka midi ka u torik waraga' ka midi nua'ni ka tim ning tuguinga yoking, <> Ka sidi midi ka wara'guk mo' ba indangira nakiting.

MATYU Anutuning midi kareng Matyu wari yoku' 22:31

Ka sidi aming kungkumosi wa tubobu mamarak ning guk mokngang ning tuguting waraga' sanotik. Ka midi ka wara'ning wa tim Anutu wari tuguinga kuma' yoksamging, ka sidi wara'guk mo' ba indangira nakedating. Midi ka wa ning yoking,

MATYU Anutuning midi kareng Matyu wari yoku' 4:2

Ka Jisas adi kama bining sige wara'ganang wa kama paramu' sini' ka tiim sidii 40 ning ira agu'. Ka adi kama paramu' ka u yagu' wara'ganang wa adi nana guk mo' nanga sigesa' ira agu' wara' adi segi kagaya sini' naknga yagu'.

MAK Anutuning midi kareng Mak wari yoku' 12:20

Ka indining, se'kuyane seven ning ikanting ka kuyasi' timini wa taming u sananga saba guk mo' ibenga kungkumak tota'.

MAK Anutuning midi kareng Mak wari yoku' 12:26

Midi ka Anutu wari aming tubobu ifamarak wara'ning wa tim Anutu ana Moses aniinga Moses wari kuma' yoku' ka sidi wara'guk mo' faindangikiting. Midi ka wa Anutu ana afanga firi sasa' ka' ganang kudip da'ning danga Moses u ning anigu', na Ebraham ning Anutu a Aisak ning Anutu a Jekop ning Anutu wari itik ning anigu' u yoku'. Aming wap ka u togu' wa inga'ni mo' timinggi' sini' kuma' ira kumoging ka Anutu wari tubobu ifamarakinga adi ka' iyak nua'bu tinting u yapma wa adisining Anutu itik ning togu' wang.

MAK Anutuning midi kareng Mak wari yoku' 2:24

Ka Farisi arantagim fam wari wit manggara naging u yapma Jisas u ning aniging, ai arantagimga u yabe'. Kami ya mengkura ning kama urang udi, ka naga' tanga adi wit wa kama tapni ganang guk manggara naing. Juda aming indining kadapmang tangkunang wa ning, indi mengkura ning kamaganang wa napa'ni kabi'sini' ning guk mo' titam mokngang sini', ning aniging.

LUK Anutuning midi kareng Luk wari yoku' 10:26

Ka Jisas wari ning anigu', a gu ka' iikning midi ka tim umpang ganang kuma' yoking wa indining indangira nakitang.