MAK Anutuning midi kareng Mak wari yoku' 1:38 - Anutuning midi totangka ingaʼni

³⁸ Ka Jisas wari ning yanggu', beng sini' na kane ka ningwaraga' afuguk de ka yong udi kubanik unggungsa' mo', yong fam ka ko adeing waraga' ubu anga midi ituaima yarotik.

MAK Anutuning midi kareng Mak wari yoku' 1:38 ပူးပေါင်းရင်းမြစ်များ

MAK Anutuning midi kareng Mak wari yoku' 1:37

Wenanga anga katuanga Jisas u ning aniging, ai aming kabi'mo' udi guta' siamo' toing kanga wenanga abem.

MAK Anutuning midi kareng Mak wari yoku' 1:39

Ning ina ning tanga yong ka u kabinga anga kama tubo Galili tara' unggung wara'ning yong yong u yangara adisining siring yakganang amanga Anutuning midi kareng ituaima yaregu'. Ning tanga aming masi' unggo kadagasi guk kabi'mo' wara'sining masi' unggo kadagasi u tanga igukima ning tugu'.

LUK Anutuning midi kareng Luk wari yoku' 2:49

Ka Jisas adibu ning yanggu', wena guk wa nasi'ga' tanga fayariamu', Na naning sibeng ning yak yara'ganang kane guk ka sidi wara'guk mo' u nakedanga wenanga abanga naniamu'.

LUK Anutuning midi kareng Luk wari yoku' 4:43

Ka Jisas wari ning yanggu', mo' na yong kubanik sidita'sa' mo' abuguk. Na Anutu wari kane ka kama yong yong dabik u yangara midi ka aming wari adining bining kareng ganang iik wara'ning u ina yara waraga' nangkareinga abuguk.

JON Anutuning midi kareng Jon wari yoku' 16:28

Beng sini' tim na sibeng anagok iya' kabinga afuguk wara' kami yara'ganang wa na kamaganang i kabinga sibeng kaunga tubobu mautik ning yanggu'.

JON Anutuning midi kareng Jon wari yoku' 17:4

Na kamaganang i itik ganang wa gu kane namgung u kuma' tasasu'narik wari tanga wa aming ning dasi'ganang guning wap girii wari giraga tara'.

JON Anutuning midi kareng Jon wari yoku' 17:8

Abanga nasi' nasi' midi ka gu nagata' namgung wa na adisita' kuma' yamsasu'neinga o karengsa' ning tonga bimbem sa' ting. Ning tanga tim na gugok kuta beng sini' iya' afuguk ning undu' napkeda sini' tanga o adi Anutu wari anikareinga afugu' beng sini' ning kuma' toing.

JON Anutuning midi kareng Jon wari yoku' 9:4

Ka sidi aming wari kane titing wara'ning kadapmang wa kuma'sa' naking, adi kane wa sidii ganangsa' tanga anganga kama gareinga wa kagabi titing. Ka nandu' ningsa', na Anutu wari adining kane titiga' nangkaregu' wara' na kane wa kama sidii ningda'ning adera' yara'ganangsa' titi ning. A inga' mamareng nua'ni ka kama kangkam ningda'ning wari kadofo' wara'ganang wa kane titi ning mo'.