MATYU Anutuning midi kareng Matyu wari yoku' 7:23 - Anutuning midi totangka ingaʼni

²³ Ka adi ning udi giri nangni' de ka nabu ning tipfaranga inok ga', a sidi nisi' aming wari abanga toing, na sidi mo' sinagarotik. Sidi naganing arantagim sini' mo', sidi aming kadagang titisi sa' sabarik. Uri fonga mugo tini' ning inok ga'.

MATYU Anutuning midi kareng Matyu wari yoku' 7:23 ပူးပေါင်းရင်းမြစ်များ

MATYU Anutuning midi kareng Matyu wari yoku' 25:12

Ka aming girii ka taming kafauwe tota' wari iyung bane do adenga ning tafang inota', sidi nisi' na sidigok mo' sabitik. Ning tonga mo' kadakyamota'. Ka aming ka Anutuning bining kapmera tanga ikanting undu' kamaga fama' ka u torik ningda'ning tini'ga' ning yanggu'.

MATYU Anutuning midi kareng Matyu wari yoku' 25:41

Ning ina ning tanga aming arantagim ka kafana kesini ganang tara' tarayabok wa ning inok, a arantagim ka sidi wa kadasasu'na titi wara'ningsa' wari adeing. Sidi ninibi tanga kudip kadagang ganang mani'. Kudip kadagang ka wa Anutu wari aming kadagang Setan wara'guk ka adining ensel kadagasi arantagim guk wari kudip ka wara'ganang mugo waraga' kuma' tugunungnanga kabigu' wara'ning.

LUK Anutuning midi kareng Luk wari yoku' 13:25

Ka inga' wa kadapmang nua'ni ka ning tini'ga', yak tuang wari marara faba u kuma' isefitangkawa' ganang ka sidi inga'ga' anga kadofinga faba u ura ning katingangni', girii, faba i kadaknime', o giri faba i kadaknime'. Ka adibu ning sano', sidi indeng wara'ni wari abing. Na sidigok mo' sabitik.

LUK Anutuning midi kareng Luk wari yoku' 13:27

Ka aming girii yak tuang adibu ning sano', a sidi indeng abing na sidigok mo' sabitik. Sidi aming kadagang titisi wari abanga toing nakarik, uri fong mugo tini'.

JON Anutuning midi kareng Jon wari yoku' 10:14

Beng sini' na sipsip yaptatora aming kareng beng guk. Sibeng wari naga nabita' a naga sibeng katik ningsa' wa na naning sipsip undu' yapkeda sa' titik. Ning tinga adindu' napkeda sa' titing. Abanga na kafakafa sini' yaptatoretik wara' na adi yotangkayap ga' tanga naning iikna kabiam sa' tirik.

2 Timoti 2:19

Ka Anutu wari adining naktangka aming arantagim u tipmararonga wa naktangka aming arantagim ka tim munumung indifimarakinga fadeyam wa yak ning mangkap kigineng ka bataga titining guk mokngang ningda'ning unanga kamagu'. Ka mangkap wara'ning kaba ganang taara' wa midi kigineng nua'ni ka naktangka aming u indifitangka wara'ning ka midi nua'ni kudi iyok ning da'ning fadera' wa ning, girii adi aming arantagim ka anata' kuma' ifikasirinagu' wara'sining wapsi' wa adi kuma'sa' nakedanga ita'. A mangkap wara'ning fugu ganang wa midi nua'ni ka ningda'ning yoku', aming dabiksa' ka indi Anutuning arantagim ning tuguting wa adi kadapmang kadagang ga' manda sini' ukngamting, ningda'ning yoku'.

REVELESEN Anutu wari Jon ga' Girii Jisas ning ki anatintingneinga kagu' 22:15

A aming kadagasi adi yong girii wara'ganang amama ning guk mokngang. Aming ka sasuksi' ka sansaramik sini' titing a aming nua'ni se tipkadaga abanga taming a ami fam guk sansaramik mumungguk kadagang titi a aming dipmikumak titi a murak mandaga'ga' siamo' naknga mandaksi' upma mesisiringa tangam abanga aming ka kabaksi' wari midi mandaga' ga'sa' naknga midi mandaga' fikifiki tonga fiareting, aming kadagasi ka ningwara' wa yong girii wara'ning sinim fugang ganangsa' ikni'ga'.