MATYU Anutuning midi kareng Matyu wari yoku' 6:4 - Anutuning midi totangka ingaʼni

⁴ Ning tinga babangga girii Anutu ka nasi' nasi' aming wari kapmo' titing u kuma' yapsasu'neta' warisa' gapma napa' beng guk ning kanga kaba kareng naknga napa' kareng kura'bu gamota'.

MATYU Anutuning midi kareng Matyu wari yoku' 6:4 ပူးပေါင်းရင်းမြစ်များ

MATYU Anutuning midi kareng Matyu wari yoku' 10:42

Beng sini' naganing arantagim nua'ni wap guk mokngang wari auinga aming ka ni wari u kanga a idi Jisas ning arantagim karik ning tonga yotangkangam tanga kafakafa kabi'sini' ka ama kaa'sa' gikngamiinga topnota' wa Anutu adi napa' kabasi' ning mo' kauta' mokngang, adi napa' girii sini' ning kanga kura'bu undu' adita' wa kafakafa sini' tangamo'ga'.

MATYU Anutuning midi kareng Matyu wari yoku' 6:18

Ning tinga sidining babangsi' Anutu ka kapmo' ikinga kaga guk mo' titing warisa' ibang kapmo' tonting u kuma' sapma naksam sa' tota'.

MATYU Anutuning midi kareng Matyu wari yoku' 6:3

Ka gu tatafak aming beng sini' yotangkayap ga' sura wa gu aming ni guk mo' gabinga kapmo' tafaferanga amotang wa giri.

MATYU Anutuning midi kareng Matyu wari yoku' 6:6

A gu Anutuga' ibang beng sini' tounga wa gu ganing yak iyung bane ganang amanga faba isefinga gapmo' kapmo'sa' mera tongamotang. Ka beng sini' gu babangga Anutu wa kaga guk mo' tanga mera toutang de ka Anutu adi nasi' nasi' kapmo' yapsasu'na tuang wara' adi kuma' gapma guning ibang ning kadapmang wa kareng ning kanga waraga' mesisiringa tanga napa' kareng kura'bu kuma'sa' gamota'.

LUK Anutuning midi kareng Luk wari yoku' 14:14

Ka gu napa' kareng u tiama adi kura' tubobu guk mo' tagaminga wa gu waraga' kabaka mamareng mo' nakarotang. Mokngang gu napa' tubosa' undu' girisa' tiamotang. Ka gu napa' tubosa' u tiamotang wara'ning tuboni wa inga' Anutu wari naktangka aming tubobu ifimararo' ganang napa' kareng sini' kuma'sa tagamo'ga'. Wara' gu waraga' sura kabaka karengsa' naknga tanga irotang ning anigu'.

LUK Anutuning midi kareng Luk wari yoku' 8:17

Ka ning sanotik, Anutuning kadapmang kareng undu' kamang diok ningda'ning ikita'. Nasi' Anutuning sasuk kareng ning ki ka kami yara'ganang kapmo' ita' wa inga' diok ningda'ning sirengsa' ubu tokadofiinga naksasu'nani'ga'.

1 Kor 4:5

Wara' ning torik, kama ka aming indining kane u tagagarenga beng guk wa ma beng guk mokngang ning tutugu wara'ning wa Anutu wari kuma' kasiranga kabigu', wara' aming indi aming nua'ning kane u kanga a wa kadagang ning urapsa' mo' tontam, mokngang, indi kama ka girii wari tubobu kadofisarenda ning unggungsa' kapmekantam. Kama ka wara'ganang wa girii ning kigineng wari tanga napa'napa' ka kangkam ganang ningda'ning kapmo' ko iking u ifisarendanga ning tanga aming kubanik kubanik dabiksa' indining kane wara'ning sasuk ning ki sini' ka kabakni' mang ganang ikita' undu' sarengsa' tipsarendainga kanamga'.

HIBRU Midi umpang aming nua'ni wari Juda amingga' yokiamgu' 4:13

Napa'napa' u defata' wa napa' kabasi' ka ni Anutuning de ganang kapmo' sepma ade ning guk mokngang sini', adi sarengsa' kuma' yapsasu'neta'. Ka indi Anutu ka napa'napa' u kadagang a kareng ning u sarengsa' yapkedanga tuguta' adining de ganang sarengsa' ikem wara' indi waraga' sura kadapmang didimeng sini' beng guksa' tantam.

JUT Midi umpang Jut wari yoku' 1:24

Ka Anutu adi tangkunang girii guk beng sini' ikita'. Adisa' wa yotangkasap tinga sidi tangkunang ningsa' ira sidining naktangkasi' wa kadaga kabi'guk mo' tota'. Ning tinga sidi karengsa' giri ira anganga inga' Anutuning diok kigineng girii ganang sarengsa' adeni'ganang wa sidi kadagang kabi'guk mokngang karengsa' ira mesisiringa sa' tanga adeni'.

REVELESEN Anutu wari Jon ga' Girii Jisas ning ki anatintingneinga kagu' 2:23

Abanga na aming kadagasi ka taming ka wara'ning mindine ningda'ning iking undu' dipmingam totik. Ning tinga naktangka aming bak dabiksa' wari u kanga na aming ning sasuk mang sini' u yapkedanga kadagang wa ma kareng wara'ning didimengsa' tubobu tiamitik wara'ning u kigedanting.