MATYU Anutuning midi kareng Matyu wari yoku' 4:17 - Anutuning midi totangka ingaʼni

¹⁷ Ka kama ka wara'ganang Jisas wari Kapaneam yong u kadofinga Anutuning midi kareng u munumung sini' tokadofigu'. Ning ina yaregu', ai aming wari Anutuning bining ganang iik wara'ning kama wa kuma' kadofonga tara' yang. Ka sidi kabaksi' faranga kadagang u kabisasu'na tini' ning yanggu'.

MATYU Anutuning midi kareng Matyu wari yoku' 4:17 ပူးပေါင်းရင်းမြစ်များ

MATYU Anutuning midi kareng Matyu wari yoku' 10:7

Ka sidi u anga midi ning ituaimting, Isrel aming sidi midi i nakni', kama kareng ka Anutu wari aming manggara fabanga adining bining ganang kukyabinga iik wara'ning wa kuma' kadofonga tara' yang.

MATYU Anutuning midi kareng Matyu wari yoku' 11:12

Ka aming wari Anutuning bining kareng ganang iik wara'ning midi tim munumung sini' wa Jon Baptis wari kadofinga ituagu'. Ka kami yara'ganang naga abanga ituarik ganang undu' ningsa'. Ka aming arantagim ka sasuksi' kareng guk mokngang adi ami taming wari au wara'ning kadapmang u udaima iik kareng ka wara'ganang anasa' iikga' tangkunang kabasi'mo' ting.

MATYU Anutuning midi kareng Matyu wari yoku' 13:11

Ka Jisas wari ning yanggu', ning sanotik sidi naganing arantagim sini' wara' na Anutuning bining ning midi kapmo' wa sirengsa' ituasamitik a aming sige ga' wa na sireng sini' ning guk mo' taimirik. Beng sini' Anutu adi kadapmang ka ning tita', aming ka Anutu wari midi aniinga naknga bemdasi tota' wa Anutu adi inga' sasuk karesi fam kabi'mo' nua'bu amiinga adi aming sasuk guk ning irota'. A aming ka Anutu wari midi tuguinga kafakafa mo' nakota' adi sasuk ga' nafek tanga ananing sasuk kabi'sini' wara'guksa' ira auta'. Ka inga' Anutu wari adining sasuk kabi'sini' u tubobu irombemnainga adi aming sasuk kabi'guk mokngang sini' ning irota'.

MATYU Anutuning midi kareng Matyu wari yoku' 13:24

Ka Jisas wari kadapmang ka aming wari Anutuning bining ganang iikning waraga' midi tipfara kabi' nua'bu tanga ami taming u ning yanggu', aming wari wit mindip feng ganang ipmonga wa adi mindip iri karesi unggungsa' ipmota'.

MATYU Anutuning midi kareng Matyu wari yoku' 13:47

Ka Anutuning bining wara'ning midi tipfara wa nua'ni ka ning, ka sidi ama ging mamanggak ning ari' girisi umben wara'ning kane undu' kuma'sa' tanga kating. Adi ama ging fis u manggaronga wa umben u manggara bot ganang mera anga umben wa gwang bining do ipmating.

MATYU Anutuning midi kareng Matyu wari yoku' 13:9

Ka Jisas wari midi tipfara u tanga ina ning tanga ami taming u ning yanggu', aming ka sasuk guk wa midi u torik wara'ning ki u sura nakedanting ning yanggu'.

MATYU Anutuning midi kareng Matyu wari yoku' 25:1

Ka Jisas wari ana tubobu afufu waraga' midi nua'ni ka arantagimni u ning yanggu', Anutuning bining ning kane wara'ning kama ari' wara'ganang wa aming wari kadapmang ka ningda'ning tini'ga'. Wa ning, aming nua'ni wari taming kafauwe kaga' sini' tota' ka amine wari aming kafauwe tota' waraga' nana tangsana tanga kapmeikanting. Kapmera ning tanga taming sababa ten ning u yangkareinga aming u nagironga anting. Ka sababa adi kamangsi' lam u manggara ning tanga anga aming wari kafauwe u tanga biinga nagira abu waraga' kapmekanting.

MATYU Anutuning midi kareng Matyu wari yoku' 3:2

Ka Jon wari midi ning tokadofigu', ai, aming wari Anutuning bining kareng ganang iik wara'ning kama wa kuma' kadofonga tara' yang. Ka aming dabiksa' sidi kabaksi' faranga kadagang tanga iking u kabisasu'na tini' ning fainarugu'.

MATYU Anutuning midi kareng Matyu wari yoku' 6:10

Iik didimeng kareng ka guning bining ganang iikning unggungsa' tipkadofinimotang. Kunim aming wari guning midi nakam sa' titing ningsa' ka aming kamaganangni indindu' ai'sa' tagamtam.

MATYU Anutuning midi kareng Matyu wari yoku' 9:13

Ka midi ka u torik waraga' wa Anutuning midi nua'ni ka umpang ganang timinggi' yoking wa ning, na ofa ka keng sigesa' u nanam ga' bibi' nakarik, na ofa beng guk ka kadapmang ka aming fam ga' kabaksi' guk naknga kafakafa tiap wara'ning u nanam ga'sa' nakarik ning yoking, ka sidi midi ka wara'ning ki waraga' kafakafa sura nakedanting. Ka nandu' aming karesi ga' mo' abuguk, mokngang na aming kadagasi sa' yabonga abuguk, ning yanggu'.

LUK Anutuning midi kareng Luk wari yoku' 15:10

Ka Anutuning yongganang undu' ningsa' titing. Anutuning kunung aming ensel adi aming ka tim kadagang tota' wari kaba faranga tubobu abota' waraga' wa kabaksi' kareng girii sini' nakiting ning yanggu'.

LUK Anutuning midi kareng Luk wari yoku' 15:7

Ka beng sini' torik kadapmang ka u titing ningsa' ka Anutuning yongganang wa kunim aming adindu' ningsa' titing. Kunim aming adi aming kamaganangni ka kadapmang didimeng giri kuma' tanga ira kadagang guk mokngang ning ikiting wara'siga' wa adi kabaksi' kareng kabi'gi' nakiting. A aming ka tim kadapmang kadagang tanga ira kadagang guk ikita' wari kaba tubobu tipfaranga inga' kadapmang kareng ubu tota' waraga' wa kunim aming adi kabaksi' kareng siamo' naknga mesisiringa girii beng sini' titing ning yanggu'.

LUK Anutuning midi kareng Luk wari yoku' 24:47

Ning tinga aming wari adining wap a midi u bema anga aming wari midi ka u naknga kabaksi' fareinga Anutu wari adisining kadagang u suknakubeyam waraga' ina yarani'ga' ning yoking.

LUK Anutuning midi kareng Luk wari yoku' 3:23

Ka Jisas wari gurakni 30 ning kuma' ira ning tanga kaneni munumung sini' tipmarara tugu'. Ka aming wari Josep ananing mindingni sini' ba ning tonga suking. Ka Josep ning bene papane arantagim wa ning, Josep ning beni wa Hilai.

LUK Anutuning midi kareng Luk wari yoku' 5:32

Ka nandu' ningsa'. Na aming ka kadapmang didimeng kuma' yaranga tanga iking u ifimarak ga' mo' abarik. Mokngang na aming ka kadagang tanga iking u ifimarakinga kabaksi' faranga kadagang u kabinga kadapmang kareng ganang ubu iik waraga' abarik ning yanggu'.

LUK Anutuning midi kareng Luk wari yoku' 9:2

Ning tanga kane ka aming wari Anutuning bining kareng ganang ikinga Anutu wari kafakafa tiap wara'ning midi kareng u ituaima yara a bagana aming ifimarak ning u tanga yangak waraga' yangkaronga midi yanggu'.

Ap 11:18

Ning tinga Juda aming adi Pita ning midi u naknga nakdidima sini' wa inga' tanga midi nua'bu guk mo' aniging, adi kabaksi' kareng naknga o beng guk aming arantagim nua'ni wari kabaksi' faranga ka' iik waraga' kadapmang wa Anutu ana ba tiamara', ning tonga Anutuga' mesisiringa tiging.

Ap 17:30

Ka tim aming adi Anutuning ki u kaga waraga' kabi'guk sukiting. Ka Anutu adi waraga' kaba mamareng naknga ifakadaga guk mo' tanga iibi sa' tinga adi kadapmang kuni' kuni' ka anasining sasuk ganangsa' u yaranga tanga ikiting. Ka kami yara'ganang wa Anutu ka wari ning tora', aming kamaganangni ka kama yong yong dabiksa' wari kabaksi' faranga adisining kadagang u kabisasu'na tini'.

Ap 2:38

Ka Pita wari ning yanggu', sidi sidining kadapmang kadagang u wadigi' kabinga abuinga indi Kasira Aming Jisas ning wap ganang ama isamtam. Ning tinga Anutu wari sidining kadagang u tanga kayonga suknakubesama ning tanga napa' kigineng ka adining mini unggo u sama ning tota'.

Ap 20:21

Na fikifiki midi kigineng ka Juda aming guk ka Grik aming guk dabiksa' indi Anutuga' kabakni' faranga kadagang u kabinga girini' Jisas ga' naktangka titi waraga' fatoruguk.

Ap 26:20

Mokngang na ninaksa' tanga marara anga midi tim munumung ka Damaskas yong do unggung ituaguk. Ning tanga abanga Jerusalem yong girii a kama tubo Judia tara' dabiksa' u ituanga yaranga ning tanga aming arantagim nua'ni ka Juda mo' wara'siga' undu' ningsa' anga ituaimguk. Ka midi ka u ituaimguk wa ning, o aming sidi kabaksi' faranga kadagang tanga iking u kabinga Anutu ganang abanga kadapmang kareng ka naktangka aming wari titining u didimengsa' tinga Anutu wari karengsa' sabota'.

Ap 3:19

Ka inga' yara'ganang wa sidi kadagang ka u tiging waraga' suknatam tanga kadagang u kabinga kabaksi' ubu faranga Anutu wari sidining kadagang u ufafesam waraga' aninting. Ning tinga Anutu wari sidining kadagang u ufafesama adining tangkunang ka yotangkasap tinga ararangeng kareng iik wara'ning ubu samota'.

HIBRU Midi umpang aming nua'ni wari Juda amingga' yokiamgu' 6:1

Ka naktangka aming indi Kasira Aming Jisas ning kadapmang wara'ning midi fam ka siasa' ninak ning ka kuma' fanakem unggungsa' mo' fanakantam, mokngang, indi wara'ning midi a sasuk fam ka Anutuning sasuk ganang mang sini' adeing undu' naksasu'nantam. Tim indi sasuk ka aming wari Anutuning yongganang wa ananing tangkunang ganangsa' tanga kagadofi wara'ning wa didimeng mo' ningwaraga' wa kuma' sanggum. Abanga indi midi ka fuksi' tipgidaba waraga' ama iyi ning kadapmang kuni' kuni', a aming ka kane girii nua'ni ganang kamonga ki suronga ibang toim wara'ning undu' kuma' sana yaregum. Abanga midi ka aming kamaganangni dabik wa kungkumak titi ninaksa' kumakinga Anutu wari manggara fonga adining midiganang kukyapma iik kadagang ganang mugoning kong a iik kareng ganang iikning kong ning tonga tarayap wara'ning undu' kuma'sa' sana yaregum. Ka midi ka wa mang sini' mo' wara' indi midi ka wa mimeng sini' mo' sana fantam.