MATYU Anutuning midi kareng Matyu wari yoku' 4:13 - Anutuning midi totangka ingaʼni

¹³ Ka adi u anga kadofinga wa ananing yong ki Nasaret u mo' anga yagu', mokngang adi Nasaret wa tatarafik sa' tanga anga Kapaneam yong ga' agu'. Ka Kapaneam yong wa Galili gwang gaga ganang, ka kama dibing ka wa Sebyulan guk ka Naftalai guk adisining papase arantagim wara'sining kama waraga' mugogu'.

MATYU Anutuning midi kareng Matyu wari yoku' 4:13 ပူးပေါင်းရင်းမြစ်များ

MATYU Anutuning midi kareng Matyu wari yoku' 11:23

Ka Kapaneam aming sidi, a indi aming karesi Anutuning yong kareng ganangsa' manam ga' ning tonga iking wa mokngang sini'. Sireng ning sanotik, sidi Anutu wari kudip ganangsa' manggara iguksabo'ga'. Tim aming ka ni wari kane tangkunang ka naga i tasamarik ningyara' i aming kadagasi ka Sodom yong do ikiaging wara'siga' anga tiamonga tugu' wa adi kabaksi' urapsa' faranga adisining kadagang u kabisasu'neinga Anutu wari iibi sa' tanga yong u mo' tipkadagainga adi kami yara'ganang undu' ko ikianing.

MATYU Anutuning midi kareng Matyu wari yoku' 17:24

Ka Jisas guk ka arantagimni guk wari Kapaneam yongga' mugoging. Anga kadofiinga aming arantagim ka siring yak girii tempel ning takis manggakiaging wari Pita u ning anikaging, ma' sidining girisi' udi indining tempel ning takis guk u tita'.

MATYU Anutuning midi kareng Matyu wari yoku' 4:14

Ka Jisas wari yong ka u mugogu' waraga' wa midi ka tim profet Aisaia wari tuguinga yoking wari beng guk kuma' kadofigu'. Ka adi midi ka wa ning yoking,

MATYU Anutuning midi kareng Matyu wari yoku' 4:15

<

MATYU Anutuning midi kareng Matyu wari yoku' 9:1

Ka Jisas guk ka arantagim guk adi kama ka u kabinga gwang fugung ga' tubobu maunga bot ganang areging. Arang mera ning tanga anganga Jisas ananing yong ki ganang u anga kadofiging. Ka aming yong ki wari aming nua'ni bagana agik mamareng kayong kafong kungkumosi u ipma bema Jisas u kaunga abiging. Ka Jisas wari bagana aming wara'ning amine wari Jisas ning kigineng ga' naktangka tanga bema abiging u yapma bagana aming u ning anigu', sabana gu sasuk mimeng mo' totang, guning kadagang wa kami kuma' tanga kayogamarik.

MAK Anutuning midi kareng Mak wari yoku' 1:21

Ka Jisas guk ka arantagimni guk wari Kapaneam yongga' aging. Anga kadofinga iya' ning tanga Juda ning mengkura ning kama wari kadofigu'. Wara'ganang ka Jisas wari siring yak ganang amanga aming u Anutuning midi kareng ituaima yaregu'.

MAK Anutuning midi kareng Mak wari yoku' 2:1

Ka Jisas wari Kapaneam yongga' tubobu mugogu'. Anga kadofiinga aming wari adi tubobu kuma' agu' wara'ning midi ne u kuma' naking.

LUK Anutuning midi kareng Luk wari yoku' 10:15

Ka Kapaneam aming sidindu' ningsa'. Sidi aming karesi ning tonga sidining wap bema aranga a indi kunim yongganang maranam ga ning fatoing. Ka ning sanotik, mokngang sini' sidi kudip kadagang ganangsa' mamasasu'nani'ga' ning togu'.

LUK Anutuning midi kareng Luk wari yoku' 4:23

Ka Jisas wari ning yanggu', beng sini' na kuma' sabarik sidi naganing yong ki ning tonga midi nua'ni ka a dokta adi ananing fugu undu' girisa' tipkarendota' ning tuguting waraga' sura ning sura nafing, a adi kane tangkunang ka tim Kapaneam yongganang do tinga nakum ning wa ananing yong ki ganang ibu undu' girisa' tinga kantam ning suknaming.

JON Anutuning midi kareng Jon wari yoku' 2:12

Ning tanga Jisas guk ka mengni Maria a kuyane fam abanga adining arantagimni wara'guk dabik adi Kena yong u kabinga Kapaneam yongga' mugoging. Anga Kapaneam u kadofinga unggung kabi'ning yaging.

JON Anutuning midi kareng Jon wari yoku' 4:46

Ka Jisas adi kama tubo Galili wara'ning yong nua'ni Kena ka tim ana ama kaa' tipfareinga wain urang igiku' u nua'bu anga kadofigu'. Ka kama tubo Galili tara' wara'ning king ning kane aming ofisa girii nua'ni ka Kapaneam yong u itarugu' wara'ning mindingni udi bagana agik mamareng sini' tanga defagu'. Ka saba kabasi' wara'ning beni adi Jisas wari kama tubo Judia kabinga Galili u kuma' anga kadofigu' wara'ning midi u naknga Jisas u kaunga Kena yongga' urapsa' abugu'. Abanga kadofinga Jisas u tangkunang sini' ning anigu', o girii naning sabana udi bagana agik mamareng sini' kabi'sini' kumarota'. Ka gu naganing yongganang do unggung anga tipkarendanam te'.

JON Anutuning midi kareng Jon wari yoku' 6:59

Ka Jisas wari midi ka u yanggu' wa Kapaneam yong ning siring yak ganang amanga yanggeku' u tanga ina yaregu'.