MATYU Anutuning midi kareng Matyu wari yoku' 3:7 - Anutuning midi totangka ingaʼni

⁷ Ka Juda ning aming girisi ka Farisi a Satyusi arantagim adisining aming fam undu' Jon wari ama iyam ga' sura fabiaging. Ka Jon wari u yapma ning ifang fainarugu', aming ka sidi kabaksi' sini' mo' faranga abing. Abanga ning sabarik ka sidi gimik kadagang ning mindine arantagim ka midi mandaga' tutugusi. Sidi mamareng ka inga' Anutu wari ami taming ka kadagang guk u didipmi ning wari sidiganang mo' kadofisam waraga'sa' sura wa ama isam ga' abing yang.

MATYU Anutuning midi kareng Matyu wari yoku' 3:7 ပူးပေါင်းရင်းမြစ်များ

MATYU Anutuning midi kareng Matyu wari yoku' 12:24

Ka Farisi arantagim fam wari midi ka u naknga ning toging, a sidi sige mo' tonting, aming ka wa mini unggo kadagasi ning girisi' Setan ka Bielsebul ning tugutam wari amanga tangkunang amiinga tangkunang ka warisa' mini unggo kadagasi tanga igukita' u kanga toing.

MATYU Anutuning midi kareng Matyu wari yoku' 12:34

Ka aming ning kabaksi' undu' ningda'ning iking. Aming ka kaba ganang do sasuk a napa'napa' karesi guk irota' wa midini undu' kareng ningsa' touta' nakantam. Ka Farisi arantagim sidining kabaksi'ganang wa sasuksi' kadagang warisa' tonanga defata' wara' sidi beng kareng titining guk mokngang. Wara' na sidi gimik kadagang ning aranatagim ka aming mandaga' iiramikisi ning sabarik.

MATYU Anutuning midi kareng Matyu wari yoku' 15:12

Ka inga' Jisas ananing arantagim wari Jisas u ning aniging, girii gam midi ka u torang wa Farisi arantagim adi guning midi wa kadagang ning naknga kabaksi' kadagang nakaming udi kuma' ba yabarang.

MATYU Anutuning midi kareng Matyu wari yoku' 16:1

Ka aming girisi arantagim fama' ka Farisi guk ka Satyusi guk wara'sining aming fam wari Jisas wari napa' kadagang ni tinga midiganang bema kami waraga' ning tonga anga Jisas u mandaga' ning taramaking, gu kunimganang ning napa' tangkunang ka ni tinga kanga o Anutu wari adiganang beng sini' ba ita' ning wa wara'ganang tontam ning aniging.

MATYU Anutuning midi kareng Matyu wari yoku' 16:6

Ka Jisas wari Juda ning aming girisi wara'sining kadapmang waraga' arantagimni u yangnatamonga midi tipfara kabi' ning tanga yanggu', sidi Farisi a Satyusi wara'sining napa' kababi' sini' yis ka baret sasaning u mo' mamanggak waraga' kafakafa sura ikanting ning yanggu'.

MATYU Anutuning midi kareng Matyu wari yoku' 22:15

Ka Farisi arantagim wari midi ka Jisas wari yanggu' u naknga anga midi fam ka Jisas u anigainga Jisas wari midi fam ka fe' tinga midiganang bema kaminga mamareng amimi waraga' tonga naknga totangkaging.

MATYU Anutuning midi kareng Matyu wari yoku' 22:23

Ka kama kubanik wara'ganangsa' ka arantagaim nua'ni ka Satyusi ning iniaging adibu abiging. Arantagim ka wa aming kungkumosi udi tubobu guk mo' marakiting ning toyaging wari abiging.

MATYU Anutuning midi kareng Matyu wari yoku' 22:34

Ka Satyusi arantagim wari Jisas u anga anigaging ka Jisas wari iirafik sini' tugu' u kanga Farisi arantagim wari bak kura indining da' tinga bemtam ning tonga midi tonga naknga

MATYU Anutuning midi kareng Matyu wari yoku' 23:33

A sidi gimik kagaya kadagasi wari aming dipming nonga bak urang titing ningda'ning ting sabarik. Sidi Anutu wari kudip kadagang ganangsa' manggara dipmisasu'na wara'ning, sidi kagaya girii u tatarafik wara'ning kadapmang guk mokngang sini'.

MATYU Anutuning midi kareng Matyu wari yoku' 5:20

Ka kadapmang tang wara'ning sasuk aming girisi a Farisi arantagim adi ning fatuguting, o indi Anutuning kadapmang yaranga didimengsa' beng sini' tanga ikem. Ka na ning torik, mokngang kadapmang ka adi u titing wa Anutu adi kareng sini' mo' kata'. Ka sidi adi u titing ning mo' tinting, sidi kadapmang kareng nua'ni sini' ka Anutuning bining ganang iikning unggungsa' tinting.>>

MAK Anutuning midi kareng Mak wari yoku' 12:13

Ning tanga Juda ning aming girisi wari Jisas bimbem wara'ning kadapmang ga' wena tanga midi mandaga' fam taramakinga Jisas wari fe' tinga midi ganang bema kami waraga' sura Farisi arantagim a Herot ning arantagim fam u yangkareinga Jisas kaunga aging.

MAK Anutuning midi kareng Mak wari yoku' 12:18

Ning tinga aming arantagim ka aming kungkumosi udi tubobu guk mo' marakiting ning toyaging wapsi' Satyusi adibu abiging. Abanga Jisas ganang kadofinga Jisas u ning anigaging,

LUK Anutuning midi kareng Luk wari yoku' 16:14

Ka Farisi arantagim adi uningkim mambong kamaganangni waraga' siamo' naknga ikiaging. Wara' adi midi ka Jisas wari uningkim mambong kamaganangni ga' siamo' mo' ninak wara'ning togu' u naknga kabaksi' kadagang naknga Jisas u anikige tiging.

LUK Anutuning midi kareng Luk wari yoku' 18:11

Anga siring yak iyung u amanga adenga Farisi adi aming kadapmang didimengsa' titiing wara' adi iikni ganang wa kadagang ni guk mokngang ning sura naknga Anutuga' ibang ning touta', o Anutu na aming ka kadapmang kadagang ka kubu a ami taming fam guk sansaramik titi a kadagang fam ka ning u tanga ikiting ka i adera' ningyara' mo'. Abanga na kadapmang mumungguk kadagang titiing ka aming ka do abanga adera' ningwara' mo' wara' na asekna ning torik.

LUK Anutuning midi kareng Luk wari yoku' 7:30

A aming girisi arantagim ka Anutuning kane titi ning wap guk ka Farisi guk ka sasuk aming fam guk adi tim Jon wari ama iyam ga' bibi' Naking. Wara' adi inga' Jisas wari kadapmang kareng ka Anutu wari aming indi titiga' nakita' u yangtintingnegu' undu' kuma' kanga waraga' bibi' nakngamging.

JON Anutuning midi kareng Jon wari yoku' 1:24

Ka aming ka Farisi arantagim wari yangkareging wari Jon u ning aniging, ka indining, gu midi ka na Kasira Aming mo' a na Ilaija mo' abanga na midi tokadofi aming girii ka ningwara' mo' ning torang, ka gu ami taming wa ama wa nasiga' faiyamarang.

JON Anutuning midi kareng Jon wari yoku' 8:44

Ka sidining babangsi' wa Setan wara' sidi sasuk ka adi tita' u yara waraga'sa' fasuking. Beng sini' aming ka wa midi beng guk wari adiganang kabi'sini' guk mo' ikita' wara' timinggi' timinggi' adi midi beng guk ning kadapmang kareng u kabi'guk mo' yaranga aming dipming sep tuang ningsa' ira abuta'. Abanga adi midi mandaga' ning tuang sini'. Wara' nasi' midi adi sanita' wa adi adining kadapmang mandaga' unggungsa' yaranga sanita' wara' beng guk mokngang, fisa'.

JON Anutuning midi kareng Jon wari yoku' 9:40

Ka Farisi fam ka unggung adeging wari midi ka u naknga ning aniging, a indi dani' kadagasi ningda'ning ba nipma midi ka u torang.

Ap 15:5

Ka Farisi arantagim ning aming fam ka inga' Jisas ga' naktangka ubu tiging wari marara ning toging, ka udi giri toyamu' ka adi aming arantagim nua'ni wara' adi fuksi' giknim dudop ka Juda indi titam ning tinting. Abanga Moses ning kadapmang tang undu' yaranga wara'guk dabiksa' tinting wa giri naktangka aming sini' ikanting.

Ap 20:31

Wara' na waraga' sura ning torik, naktangka aming ning girisisi' sidi fikifiki kafakafa suktangkanga ikianting. Sidi kadapmang ka naga sidita' sura kane girii titik waraga' sukianting, na kama paramu' gurak famineng ning sini' tanga ira ibarik wara'ganang wa na sidi yotangkasap ga' baratarak naknga kane u kagabi da'ning guk mo' titik. Mokngang na kabakna kubaniksa' kufura tiim sidii fikifiki naktangka aming dabiksa' sidining sasuksi' u sifimarakitik. Ka naga kane girii ka sidita' sura titik wari sige ma biwa' wara' sidi kafakafa yaptatoranga tanga ira anting.

Ap 26:5

Na arantagim ka Farisi ka Anutuning kadapmang yara ga' tangkunang sini' titing wara'ganang ira abuguk wa Juda aming dabik adi kuma'sa' fanabiaging. Ka adi nagata' kadagang guk mo' naknamianing ganang wa kami adi naganing iikna waraga' undu' kuma'sa' ganinga nakarong udi.

Ap 5:17

Ka pris girii tim iyak guk ka adining arantagim aming girisi fam wara'guk ka Satyusi arantagim guk wari aming kabi'mo' wari aposel ning kane u kanga adita'sa' naking u yapma aposel ga' kabaksi' kadagang sini' nakiamging.

ROM Midi umpang Pol wari Rom aming ga' yokiamgu' 1:18

Ka ami taming ka Anutu ga' bibi' naknga kadapmang kadagang kuni' kuni' titing adi Anutuning midi beng guk wa napa' beng guk ning udi giri kuma' nakting de, ka adisining kadapmang kadagang wari ugamusinga Anutuning midi kareng wara'guk mo' yareting. Adi kadagang ka ning u titing wara' Anutu waraga' kaba kagaya naknga kadagang tiamita' wa adi u kanga ning tuguting, o beng sini' Anutu adi indining kadagang u kuma' kanga kagaya nimara'.

ROM Midi umpang Pol wari Rom aming ga' yokiamgu' 5:9

Beng guk sini' Jisas wari indi yotangkanip ga' tanga sura kumura adining amaani kwasinegu' warisa' tanga wa indining kadagang u yotiknimsasu'negu'. Ning tinga Anutu wari wap aming didimesi ning u ninara'. Wara' indi ning nakantam, Jisas adi yotangkanip titiga' kane kigineng kuma' tugu' wara' adi inga' undu' kabi'mo' kuma'sa' yotangkanibinga indi Anutuning kaba kagaya ka Anutu wari indining kadagang wara'ning toni kura'bu ninim waraga' sukita' wara'guk mo' bemnam ga'.

1 TESALONAIKA 1:10

Ning tanga sidi Anutuning mindingni Jisas ka Anutu wari tubobu tipmarakinga Anutuning kagaya girii ka inga' kagadofi wara'ning wari mo' indifikadaga ning, wari tubobu abubu waraga' sura kabaksi' kareng guk kapmera iking waraga' undu' fatuguting. Wara' indi u naknga ning toyam, o Anutu wari adining arantagim ganang iikga' beng sini' ifikasiregu' wara' adi kadapmang kareng u ting wang.

HIBRU Midi umpang aming nua'ni wari Juda amingga' yokiamgu' 11:7

Ka Noa adindu' naktangka aming yagu'. Ka Anutu wari napa' mamareng ka inga' kadofingam ning waraga' anigu' wa Noa adi mamareng ka wa ko mo' kadofingaminga kagu' de, ka adi ananing naktangka warisa' tanga Anutuning midi u naknga naktangka tanga beng guk ning tonga midi u yaranga tugunung tanga sip girii fatarugu'. Ning tanga mamareng wari beng guk kadofigu'ganang ananing arantagim u manggara dasiapsasu'nanga ning tanga adi kadaga guk mo' tiging, kareng gi' ningsa' giri yaging. Ning tinga aming ka Anutuga' naktangka guk mo' tanga yaging adi kadasasu'na' sa' tiging wa nisi' aming wari kareng a nisi' wa kadagang ning wa sarengsa' kuma' kadofisarendagu' u katam. Beng sini' Noa adi naktangka tanga yagu' waraga' tanga Anutu wari yotangkangam tanga adining naktangkani wara'ganang didimengsa' wap aming didimeng ning u anigu'.

HIBRU Midi umpang aming nua'ni wari Juda amingga' yokiamgu' 6:18

Ka Anutu wari midi totangka tangkunang sini' tanga ananing wap guk yora togu' wa mandaga' mo', adi midi beng guk sini' sa' togu', wara' aming ka Kasira Aming Jisas ga' naktangka tinga Anutu wari manggara adining arantagim ganang kuknibinga kafakafa ningsa' ira auning indi Anutu wari napa' kiginesi fama' ka midi totangka guk ka Anutu ananing wap tapni guk togu' u kanga o beng guk sini' Anutu adi sasukni nua'bu bema afanga kadapmang nua'ni nua'bu titining guk mokngang ning tonga bengsa' ning tontam.

1 Jon 3:10

Ka Anutuning mindine arantagim wa nua'ni sini', a Setan ning mindine arantagim undu' nua'ni sini' kadapmang naro' naro'sa' tanga ikiting. Wara' aming ka kadapmang didimeng mo' titing a aming ka kuyase fam ga' naknga kafakafa guk mo' tiamiting wa indi Anutuning mindine mo' ning u sarengsa' yapkedantam.