MATYU Anutuning midi kareng Matyu wari yoku' 27:54 - Anutuning midi totangka ingaʼni

⁵⁴ Ka ami'ning aming girii guk ka arantagimni ami'ning aming fam ka Jisas ugariging udi unggung katatoranga fideging wari kining girii a napa' fam ka kama ka wara'ganangsa' kadofigu' u kanga mutu sini' tanga kabaksi' tubobu sura tipfaranga ning toging, beng guk sini' idi Anutuning mindingni beng ba ugumogum ning toging.

MATYU Anutuning midi kareng Matyu wari yoku' 27:54 ပူးပေါင်းရင်းမြစ်များ

MATYU Anutuning midi kareng Matyu wari yoku' 26:63

Ka Jisas adi midi tubobu guk mo' anigu'. Adi mini isefinga midi map da'ning ade sa' tugu'. Ka pris girii wari nua'bu anigu', ai Anutu girii ka' iyak guk wara'ning wap ganang beng guk sini' ning gangkarik gu midi beng guksa' nine'. Ma' gu Anutuning mindingni Kasira Aming beng sini' wa.

MATYU Anutuning midi kareng Matyu wari yoku' 27:36

Kat u tanga ning tanga unggung ko katatoranga merafaging.

MATYU Anutuning midi kareng Matyu wari yoku' 27:40

a gu tangkunang guk ning tonga siring yak girii tempel wa kaga'sa' kwetataranga kama faminengsa' tubobu tipmarak ga' urang fatugutang wa magabem, tanga tipmaratang wa. Abanga gu na Anutuning mindingni ning fatugutang. Ka gu Anutuning mindingni sini' ganang wa ganing fuka u yotangkanga firi ugari i kabinga afuinga gapnam.

MATYU Anutuning midi kareng Matyu wari yoku' 27:43

Abanga adi Anutuning tangkunang ga' naktangka tanga a na Anutuning mindingni ning fatuguta'. Ka adi Anutu wari beng udep yotangkangamita' wa kaga'sa' yotangkangaminga kanam.

MATYU Anutuning midi kareng Matyu wari yoku' 27:51

Ning tinga didimeng sini' ka wara'ganangsa' kwi' tantung girii ka siring yak girii tempel ning iyung bane ganang ka iyung kabasi' ka Anutuning iyung ning aniaging u isefi waraga' tapsiseinga isefanga fideragu' wari anasa' bining sini' ganang using kuta yodanga ibaramara amamanga kaing ari' apa ibaregu'. Ning tanga kining girii wari kadofigu'. Kadofiinga uningkim girisi girisi wari anasa' taunga mangfiangak,

MATYU Anutuning midi kareng Matyu wari yoku' 4:3

Ka aming kadagang Setan wari Jisas wari kadagang titiga' ning tonga mandaga' taramironga kadofinga ning anigu', ai gu Anutuning mindingni tangkunang guk, ka gu seka nakarang wa midisa' tuguinga uningkim yari nana igikaminga naya'.

MATYU Anutuning midi kareng Matyu wari yoku' 8:5

Ka Jisas wari u anganga Kapaneam yong u kadofigu'. Ka Romni ami'ning soldia ning aming girii nua'ni wari Jisas ganang kadofinga

MAK Anutuning midi kareng Mak wari yoku' 15:39

Ka ami'ning aming yaptatora wara'ning girii nua'ni adi Jisas ning ugari ganang unggung ko fidegu' wari Jisas wari kungkumak tonga ku katigu' u naknga ning togu', o idi Anutuning mindingni beng sini' karik.

LUK Anutuning midi kareng Luk wari yoku' 22:70

Ka kaunsil arantagim wari midi ka u naknga ning aniging, aa gu Anutuning mindingni ning ba torang. Ka Jisas wari yanggu', sida kuma' toing una udi didimengsa' toing.

JON Anutuning midi kareng Jon wari yoku' 19:7

Ka Juda aming adibu ning toging, mokngang, Juda indining kadapmang wa ning, aming ka ni indining Anutuning wap tipkadauta' wa ugumak titi wara'ningsa'. Ka adi na Anutuning mindingni ning fatora' wara' adi kungkumak tit ning.

Ap 10:1

Ka Sisaria yong ganang wa Romni ami' ning aming girii nua'ni ka wapni Konilias udi u itarugu'. Ka ami' ning aming arantagim ka adi yaptatorarugu' wa wan handret ning ka wapni Itali ning toyaging u yaptatorarugu'.

Ap 2:37

Ka aming arantagim ka Pita ning midi u adenga naking adi midi ka wari adisining kabaksi' u iidefi sini' tugu' u naknga sasuk mimeng tanga Pita guk ka aposel arantagim fam wara'guk u ning yangging, kuyane indi kadagang beng sini' tugum. Ka indi nasi' kareng tanga indining iik u tipdidimantam.

Ap 21:32

Naknga ning tanga ofisa a soldia sige fam u urapsa' inagira aming bak tiging wara'ning bining u unara aging. Ning tinga aming ka Pol fauking wari soldia ning girii wari arantagim guk agu' u yapma Pol u kagabi tanga sige ubu adeging.

Ap 23:17

Ning tinga Pol wari ofisa nua'ni u katingana ning anigu', aming girii ga' saba uyamang i nagikngama aya', adi midi fam anota'.

Ap 23:23

Ning tanga soldia ning girii wari ofisa fama' u katiana ning yanggu', soldia sige ka tu handret ning inagira a Soldia ka hos ganang mera ami' wara'ning ka 70 a soldia ka suguk guk manggakiting wa tu handret ning u dabiksa' fabanga kukyapma tugunung tini'. Tanga Pol i Sisaria yongga' 9 klok tiim nagira anting.

Ap 27:1

Ka kiap Festas adi tim Pol u Rom yongga' anigara au ga' kuma' togu' wara' adi Pol guk ka kalabus aming fam guk u manggara ami'ning ofisa nua'ni wapni Julias adining kafong ganang kukyapku'. Ka Julias ka wa girii Sisa ananing ami'ning arantagim dibing u yaptatorarugu' waraga' amigu'. Ning tanga kalabus aming a aming sige fam indigok dabiksa' sip ganang arara ga' ningging.

Ap 27:43

Ka soldia ning girii Julias wari Pol u yotangkangamonga yangsefi tanga ning yanggu', mokngang sidi ning mo' tinting. Iibi sa' tinga aming ka iira' fafong kiting wa tim bemkura kinga anga kadofini'.

ROM Midi umpang Pol wari Rom aming ga' yokiamgu' 1:4

Adi aming sini' yagu' de ka Anutuning mini unggo ka kadapmang didimeng tuang wari adiganang ira yotangkangam tugu'. Ka inga' adi kungkumak tanga tubobu seranga maragu' wara' aming indi u kanga ning tugutam, o adi Anutu wari kigineng sini' yotangkangamgu' wara' adi Anutuning mindingni beng sini'. Ka aming ka wa indining girini' ka wapni Kasira Aming Jisas wang.

REVELESEN Anutu wari Jon ga' Girii Jisas ning ki anatintingneinga kagu' 11:13

Ka aming fama' wari mareinga didimeng ka wara'ganang wa kining girii wari kadofinga yong girii wara'ning bining kabi'ning u udagainga yong girii wara'ning dibing wa kadasasu'na tinga yong wara'ning dibing kunik girii wa giri ade'ga'. Ning tanga kining ka wari ami taming kabi'mo' ka seven tausen ning u dabiksa' dipmasasu'no'. Ning tinga ami taming ka ka' giri ikni' wari napa' girii u kanga mutu girii tanga Anutuning wap bema aranga ning toni', o beng sini' Anutu girii furo'ning kuta ikita' warisa' napa' u tara' kayam.