MATYU Anutuning midi kareng Matyu wari yoku' 26:18 - Anutuning midi totangka ingaʼni

¹⁸ Ka Jisas wari Jerusalem yong girini aming nua'ni wara'ning wap u ina ning yanggu, sidi yong girii do anga aming ka wara'ning yak ganang anga ning aninting, girii udi ning tora' naganing kama kuma' dudurera' wara' na kami naganing arantagim guk guning yak ganang nana Pasova u tanga nantam ning tora' ning aninting. Ning ina yangkaregu'.

MATYU Anutuning midi kareng Matyu wari yoku' 26:18 ပူးပေါင်းရင်းမြစ်များ

MATYU Anutuning midi kareng Matyu wari yoku' 21:3

Ka aming nua'ni wari u sapma ai nasi'ga' fadakiamu' ning udep saninga wa sidi ning yangtamu', mo' girii adi dongki yara'ganang wa kane guk waraga' tanga fadakiamuk. Ning ininga adi naksam sa' tanga sisibi sa' tota'ga'. Ning ina yangkareinga agumu'.

MATYU Anutuning midi kareng Matyu wari yoku' 23:10

Abanga sidi aming nua'ni wari a gu indining tim iyak aming ning sansang waraga' aiga sa' mo' tinga sangting. Mokngang sidining tim iyak aming kubaniksa' wa Kasira Aming unggungsa' aninting.

MATYU Anutuning midi kareng Matyu wari yoku' 23:8

Ka sidi wa ning sanotik, sidi kadapmang ka fuksi' bema ara ning ka adi u titing wa mo' tinting. Sidining bining ganang wa aming ka ni girii guk mokngang, sidi se'kuyane arantagim dabiksa' ka aming nua'nining kapmik ganangsa' iikning ning ikanting. Ka aming fam wari girii ning saninga wa sidi anisefi tinting.

MATYU Anutuning midi kareng Matyu wari yoku' 26:19

Ning tinga arantagimni adi Jisas ning midi u naknga anga napa' ka Jisas wari yanggu' wara'ganang didimengsa' yaranga tiging.

MATYU Anutuning midi kareng Matyu wari yoku' 26:2

sidi kuma'sa' naking kama fama'sa' ibinga wa sande girii ka Pasova wari kadofota'. Ka kama ka wara'ganang wa aming wari Amingning Tim Iyak naga bemnapma tonga aming fam ning kafasi'ganang iminga adibu firi ganang ugarinapni'ga' ning yanggu'.

MATYU Anutuning midi kareng Matyu wari yoku' 26:49

Adi midi ning kuma' ina ning tanga inagira agu', Wara' Judas wari Jisas ganang u kadofinga ai gu ni', girii wa' ning tonga bedirik tanga tutu' yokngamgu'.

MAK Anutuning midi kareng Mak wari yoku' 5:35

Ka Jisas wari taming u midi ko aranigu' ganang ka aming fam ka aming girii Jairas ning yak ganang kane tiaging wari abanga kadofinga Jairas u ning aniging, ai Jairas yapka udi kuma' kumata' kanga abem, ka gu tisa wa sige ma nagira aya' ning toging.

LUK Anutuning midi kareng Luk wari yoku' 22:53

Na fikifiki siring yak girii ganang unggung anga famotik ka sidi bemnap ga' naknga wa ning ganang kuma' bemnabonga tiging. Ka indining tanga sidi kami tiim yara'ganangsa' bemnabonga abing. Beng sini' tiim kangkam ya aming kadagang Setan guk sidining kama sini' wara' sidi kamisa' bemnabonga abing yang ning yanggu'.

JON Anutuning midi kareng Jon wari yoku' 11:28

Ning tanga Mata adi Jisas u kabinga tubobu anga kuyangni Maria u midi sasagap kabi' ka ning anigu', Maria gam tisa udi kuma' abanga guta' tora' kanga abarik.

JON Anutuning midi kareng Jon wari yoku' 12:23

Ka Jisas wari ning yanggu', kama ka Anutu wari Amingning Tim Iyak naga kafakafa tanabinga naning wap girii wari sareng kagadofi wara'ning wa kuma' kadofonga tara' yang.

JON Anutuning midi kareng Jon wari yoku' 13:1

Ka sande girii Pasova wari kamindap ning kagadofi ga' adegu' wara'ganang ka kibiri Jisas wari arantagimni guk mareiaging. Ka Jisas adi fikifiki adining aming karesi arantagim ka adigok kubap ikiaging waraga' siamo' fanakarugu'. Ka adi kama i kabinga beni kaunga tubobu mugo wara'ning kama kuma' dudurengamgu' u kanga ning tanga arantagimni wari adisita'sa' siamo' fanakarugu' u kama ari' iibi tonga undu' adisita' bibiri' siamo' naku' ning u kigeda waraga' yangtintingnonga tugu'.

JON Anutuning midi kareng Jon wari yoku' 17:1

Ka Jisas wari arantagimni midi ka u ina ina ning tanga kunimganang kuta taranga denga beni Anutuga' ibang ning togu', o beng sini' sibeng kama ka gu napa' tinga guning wap wari girii kagadofi ga' togung wa kuma' kadofonga tara' yang. Ning tinga gu sabaga naganing wap bema areinga nandu' guning wap bema arotik.

JON Anutuning midi kareng Jon wari yoku' 20:16

Ka Jisas wari wapni didimeng ning anigu', Maria. Ka Maria wari tubobu faranga kigeda sa' tanga Hibru anasining midiganang o rabonai ning anigu'. Ka wap rabonai wara'ning ki wa yanggek aming ning anigu'.

JON Anutuning midi kareng Jon wari yoku' 7:30

Ka aming girisi adi Jisas ning midi u naknga kabaksi' kadagang naknga ning tanga uuk titiga' bemtam ning tonga kuma' tiging. Ka mokngang, adining kama wa ko mo' kadofigu' wara' mamareng tanga kabiinga mugo tugu'.

JON Anutuning midi kareng Jon wari yoku' 7:6

Ka Jisas wari ning yanggu', kama ka naga kane tangkunang amingning dasi'ganang tinga kaga wara'ning wa ko mo' kadofinamara', mokngang. Adi aming fam sidi wa giri,

JON Anutuning midi kareng Jon wari yoku' 7:8

Ka kami ya naga mugo ning kama didimeng mo' wara' na urapsa' mo' autik, sidisa' wa giri mani'.