MATYU Anutuning midi kareng Matyu wari yoku' 22:18 - Anutuning midi totangka ingaʼni

¹⁸ Ka Jisas adi kabaksi'ganang u sasuk kadagang guk tanga anga aniging u kuma' yapkedanga ning yanggu', a sidi kuma' sapkedarik sasuk kadagang guk abanga mandaga' naramironga ting.

MATYU Anutuning midi kareng Matyu wari yoku' 22:18 ပူးပေါင်းရင်းမြစ်များ

MATYU Anutuning midi kareng Matyu wari yoku' 12:15

Ka Jisas adi Farisi arantagim wari ugumak titiga' midi tonga naking u kuma' yapma ning tanga yong u kabinga mugo tugu'. Ning tinga aming arantagim sige kabi'mo' wari undu' mandang yaranga mugoging. Ka Jisas wari mandang yaranga aging u yapma adisining bagana aming u ifakarendasasu'negu'.

MATYU Anutuning midi kareng Matyu wari yoku' 19:3

Ka Farisi arantagim wari Jisas wari kane anga tugu' wara'ning midi u naknga anga Jisas wari midi fam fe' tinga midiganang bema kamintam ning tonga midi nua'ni ka ning anikaging, ai gu kadapmang ka aming wari tamni kagabi ning waraga' wa indining sutang. Juda indining kadapmang tang ganang wa taming wari kadapmang kuni' kuni' u defata' u tinga ufini wari kagabi titi waraga' guk u tuguta'.

MATYU Anutuning midi kareng Matyu wari yoku' 22:17

Wara' indi napa' nua'niga' gangkantam wa gu didimengsa' ninotang. Gu indining sutang, Juda aming indining kadapmang wa indining adera', Romni girii Sisa wari takis kamingam ga' tuguta' ka indi adita' takis udi girisa' kamingamtam wa ma mokngang ning anigaging.

MATYU Anutuning midi kareng Matyu wari yoku' 22:19

Ningwara' moni ka ni namni'. Ning ininga moni ka ni bema amiging.

MAK Anutuning midi kareng Mak wari yoku' 12:5

Ning tinga feng tuang wari u kanga kane aming nua'ni ubu anigareinga auta'. Anga kadofiinga aming ka feng u katatoranga ikanting wari aming ka u bema wadiging sini' ugumakanting. Ning tinga kane aming fam nua'bu yangkarota' undu' ningsa' tanga fam ka dipming ibi tanga fam ka dipmigumak sini' titi ning tinting.

MAK Anutuning midi kareng Mak wari yoku' 2:8

Ka Jisas adi adisining sasuk ka banaksi' ganangsa' sura mareiaging u kuma' yapkedanga ning yanggu', ka sidi wa indining suknaming.

LUK Anutuning midi kareng Luk wari yoku' 10:25

Ka Juda ning sasuk aming nua'ni wari Jisas u taramikonga abanga Jisas u ning anigagu', tisa na nasi' tanga ka' iik fikifiki ningsa' tanga irotik.

LUK Anutuning midi kareng Luk wari yoku' 20:23

Ka Jisas adi mandaga' tantaramik ning sasuk ka adisining kabaksi' ganang udi kuma' yapkedagu' wara' adi didimengsa' ning yanggu',

LUK Anutuning midi kareng Luk wari yoku' 5:22

Ka Jisas adi midi kapmo' toging u kuma' yapkedanga ning yanggu', indining, naga kadagang kuma' tanga kayogamirik ning u midisa' torik waraga' nakadanam ting wa.

LUK Anutuning midi kareng Luk wari yoku' 9:47

Ka Jisas adi adisining sasuksi' u kuma' yapkedanga midi inonga saba kabasi' nua'ni u nagira tabanga kambiafinga ning tanga

JON Anutuning midi kareng Jon wari yoku' 8:6

Ka midi ka u anigaging wa adi Jisas wari kadapmang ka wara'ning sasuk waraga' fe' tinga Jisas u midiganang bema kaminga animbe waraga' kuma' tonga naknga abanga anigaging. Ka Jisas adi midi tubobu urap mo' yanggu'. Mokngang adi ningsa' kamanakiama mera kafong wari kama kudi gwinanga arayoku'.

Ap 5:9

Ka Pita wari ning anigu', a gu mandaga' giknarang. Imaraming sidi Anutuning mini unggo ga' kadagang udi kabaksi' kubaniksa' ba kufara tangamu'. Sidi kadagang sini' tangamu'. Ka aming u ara abing u yabe', wa guning ufaga kumata' u bema tonga kama ginang ganang kaminga abing, ka gubu bemgapma anting.

REVELESEN Anutu wari Jon ga' Girii Jisas ning ki anatintingneinga kagu' 2:23

Abanga na aming kadagasi ka taming ka wara'ning mindine ningda'ning iking undu' dipmingam totik. Ning tinga naktangka aming bak dabiksa' wari u kanga na aming ning sasuk mang sini' u yapkedanga kadagang wa ma kareng wara'ning didimengsa' tubobu tiamitik wara'ning u kigedanting.