Abanga aming arantagim ka wara'sining sasuksi' wa midi ka ning u bema dasi ning guk mokngang, adi maasi' kuma' isefing a dasi' undu' kuma' deguring. A adi ning guk mo' tianing ganang wa adi ki wa dasi' wari sireng sini' kuma' kigedianing. Ning tanga midini undu' maasi' wari naknga nakeda sini' tianing, a kabaksi' undu' midi ka u kuma'sa' bema dasianing. Ning tanga adi nagaganang tubobu faranga abuinga na kafakafa tiamarok ning togu'.>>
MATYU Anutuning midi kareng Matyu wari yoku' 18:3 - Anutuning midi totangka ingaʼni3 ning yanggu', beng sini' ning sanotik sidi Anutuning bining kareng u anga iik ga' naknga wa sidi kabaksi' faranga iiksi' ka saba kabasi' i adera' ningda'ning tanga ikanting wa giri. A mokngang wa sidi Anutuning bining ganang iikning guk mokngang. အခန်းကိုကြည့်ပါ။ |
MATYU Anutuning midi kareng Matyu wari yoku' 18:3
28 ပူးပေါင်းရင်းမြစ်များ
Ka Jisas adi arantagimni wari ifangyang tiging u yapma arantagimni u ning yanggu', ai sidi yangsefi mo' tinting, iibi sa' tinga nagaganang i abani'. Beng sini' sanirik aming arantagim ka Anutuning bining ganang iikning wa sasuksi' kareng guk ka sababi' ka midi ninakisi u yabing ningwara' warisa' wa Anutuning bining ganang iik ning.
Beng sini' kadapmang tang ning midi a Anutuning midi fam ka tim u ituaging wa bibi' titining guk mokngang sini', kama a kunim wari ko ira auta' ganang undu' kadapmang tang wara'guk ka wara'ning midi dibing kababi' fam dabiksa' wa ni ka bibi' guk mo' to'ga' mokngang sini', wa tangkunang ko ningsa' ira anganga Anutu wari nasi' kane ka kadapmang tang wari titiga' tuguta' u tasasu'na wara'ningsa'.
Ka kadapmang tang wara'ning sasuk aming girisi a Farisi arantagim adi ning fatuguting, o indi Anutuning kadapmang yaranga didimengsa' beng sini' tanga ikem. Ka na ning torik, mokngang kadapmang ka adi u titing wa Anutu adi kareng sini' mo' kata'. Ka sidi adi u titing ning mo' tinting, sidi kadapmang kareng nua'ni sini' ka Anutuning bining ganang iikning unggungsa' tinting.>>
Ka kadapmang ka ibang ka nana tapni guk tanga tuguting waraga' undu' ning sanotik, sidi napa' girii ni titiga' sura ibang nana tapni guk tanga tounga wa sidi kadapmang usingsa' ka aming fam wari tanga nondaksi' guk kadagainga aming wari beng sini' titining da'ning yapma adisining wap bema areting ning mo' tinting. Beng sini' aming ka wara'sining kadapmang waraga' mesisiringa wa Anutu wari mo' tita', aming warisa' titing.
Wara' gu aming ka mambong guk mokngang tatafak waraga' ai'dap tanga kafakafa tangama mambong ni amonga wa gu aming fam ning dasi'ganang sireng amiinga aming wari karengsa' gagap waraga' mo' sura totang. Kadapmang usingsa' ka ningwara' wa aming midi buburap tutugusi wari siring yak girii ganang a aming bak ganangsa' yangara kuma' tanga fiareting. Adi kadapmang ka wa tatafak aming ga' bibiri' beng guk mo' naknga titing, mokngang adi sasuk ka aming wari kareng ning iyap waraga'sa' sura sige titing. Beng guk sini' torik adisining kadapmang kareng waraga' mesisiringa wa aming warisa' titing, a Anutu adi waraga' wa kareng naknga mesisiringa guk mo' tita', mokngang sini'.
Ka Anutuga' ibang tutugu waraga' undu' ningsa' toutik, sidi babangsi' Anutuga' ibang tounga wa sidi kadapmang ka aming arantagim ka midi buburap adi' wari tonga fiareting ning mo' tinting. Adi ibang tounga wa adi kadapmang usingsa' tanga aming wari aming kareng ning yapma adisining wap bema ara waraga'sa' sura siring yak ganang a kama bingking ka aming wari bak titing wara'gangangsa' adenga tonga fiareting. Ka beng sini' sanirik adisining kadapmang u kareng ning kanga mesisiringa wa aming kamaganangni warisa' yapma titing, a Anutu adi kadapmang u kareng ning kanga waraga' mesisiringa kabi'guk mo' tita' wara' adi nakiam guk mo' tita', mokngang sini'.
Ka Jisas wari ning togu', kadapmang ka aming wari Anutuning yongga' mugo wara'ning wa kabasi' ka iming tugo sini' ningda'ning adeta' wara' kane girii tanga mugoning. Ka sidi waraga' sura kane tangkunang sini' tinting. Beng sini' torik, aming kabi'mo' wari iming ka wara'ganang mugo ga' ning tonga tinting de, ka mokngang adi sang titi' tinting.
Ka aming arantagim ka wara'sining sasuksi' udi gigime kuma' tugu'. Adisining maasi' wa pipeyap tanga a dasi' undu' isefi tang kuma' tiging wara' adi midi ninak ning guk mokngang. A adi ning guk mo' tonga tiging ganang wa adi dasi' wari kaga tanga a maasi' wari naknga a sasuksi' undu' nakeda tanga nagata' kabaksi' faranga abuinga ifakarenda tarok ning togu' u yoking.>>
Ka inga' yara'ganang wa sidi kadagang ka u tiging waraga' suknatam tanga kadagang u kabinga kabaksi' ubu faranga Anutu wari sidining kadagang u ufafesam waraga' aninting. Ning tinga Anutu wari sidining kadagang u ufafesama adining tangkunang ka yotangkasap tinga ararangeng kareng iik wara'ning ubu samota'.
Ka aming inga'ni kagadofi wara'ning wa sidi kadapmang ka saba ginggiming wari nam urang nating waraga' sukanting. Adi mamangse ning nam u nana ga'sa' nakiting ningsa' ka sidindu' Anutuning midi kareng ka nana ka kadagang kabi'guk mokngang ningda'ning waraga'sa' nakanting. Ning tanga sidi nana kareng ka wari yotangkasabinga sidining naktangka wari kigineng kadofinga Anutuning kapmik ganang kareng gi' ikanting.
ကြော်ငြာတွေ