MATYU Anutuning midi kareng Matyu wari yoku' 12:34 - Anutuning midi totangka ingaʼni

³⁴ Ka aming ning kabaksi' undu' ningda'ning iking. Aming ka kaba ganang do sasuk a napa'napa' karesi guk irota' wa midini undu' kareng ningsa' touta' nakantam. Ka Farisi arantagim sidining kabaksi'ganang wa sasuksi' kadagang warisa' tonanga defata' wara' sidi beng kareng titining guk mokngang. Wara' na sidi gimik kadagang ning aranatagim ka aming mandaga' iiramikisi ning sabarik.

MATYU Anutuning midi kareng Matyu wari yoku' 12:34 ပူးပေါင်းရင်းမြစ်များ

MATYU Anutuning midi kareng Matyu wari yoku' 12:35

Abanga aming kareng adi adining kaba ganang wa sasuk kareng warisa' ikita' wara' adi kadapmang didimengsa' tita', a aming kadagang adi kaba ganang wa sasuk kadagang warisa' ikita' wara' adi nasi' kadapmang undu' kadagang ningsa' tita'.

MATYU Anutuning midi kareng Matyu wari yoku' 15:18

A aming tipkadaga ning sasuk kadagang wa aming ning kaba mang do ira aming wari tokadofiinga aming fam wari nakiting warisa' wa aming ifakadagata'.

MATYU Anutuning midi kareng Matyu wari yoku' 23:33

A sidi gimik kagaya kadagasi wari aming dipming nonga bak urang titing ningda'ning ting sabarik. Sidi Anutu wari kudip kadagang ganangsa' manggara dipmisasu'na wara'ning, sidi kagaya girii u tatarafik wara'ning kadapmang guk mokngang sini'.

MATYU Anutuning midi kareng Matyu wari yoku' 3:7

Ka Juda ning aming girisi ka Farisi a Satyusi arantagim adisining aming fam undu' Jon wari ama iyam ga' sura fabiaging. Ka Jon wari u yapma ning ifang fainarugu', aming ka sidi kabaksi' sini' mo' faranga abing. Abanga ning sabarik ka sidi gimik kadagang ning mindine arantagim ka midi mandaga' tutugusi. Sidi mamareng ka inga' Anutu wari ami taming ka kadagang guk u didipmi ning wari sidiganang mo' kadofisam waraga'sa' sura wa ama isam ga' abing yang.

LUK Anutuning midi kareng Luk wari yoku' 3:7

Ka Jon wari kane ka ama iyam ning u tanga ikinga aming kabi'mo' wari midi ka u naknga ama iyam ga' abuinga Jon wari ning ifang fainarugu', ka sidi kabaksi' sini' mo' faranga abing. Abanga ning sabarik ka sidi gimik kadagang ning mindine midi mandaga' tutugusi, sidi sasuk ka Anutu wari sidining kadagang waraga' kaba kagaya naknga sidifi titiga' sukita' u tipkura waraga'sa' tanga abing sabarik.

LUK Anutuning midi kareng Luk wari yoku' 6:45

Ka aming ning kabaksi' undu' ningsa'. Aming ka kaba ganang sasuk kareng guk irota' adi kane karengsa' tanga irota' kantam. A aming ka kaba ganang kadagang guk irota' wa adi fikifiki kadapmang kadagang sa' tanga ira auta' kantam. Beng sini' nasi' sasuk kareng wa ma kadagang ka aming ning kabaksi' ganang ikita' wa aming ana nasi' kadapmang tanga masi' wari togadofiting wara'gangangsa' yapma nakedatam.

JON Anutuning midi kareng Jon wari yoku' 8:44

Ka sidining babangsi' wa Setan wara' sidi sasuk ka adi tita' u yara waraga'sa' fasuking. Beng sini' aming ka wa midi beng guk wari adiganang kabi'sini' guk mo' ikita' wara' timinggi' timinggi' adi midi beng guk ning kadapmang kareng u kabi'guk mo' yaranga aming dipming sep tuang ningsa' ira abuta'. Abanga adi midi mandaga' ning tuang sini'. Wara' nasi' midi adi sanita' wa adi adining kadapmang mandaga' unggungsa' yaranga sanita' wara' beng guk mokngang, fisa'.

EFESAS Midi umpang Pol wari Efesas amingga' yokiamgu' 4:29

Ka sidining masi'ganang wa midi kadagang ka kuyase fam ning kabaksi' ifakadaga ning wara'guk mo' tonting, mokngang, sidi midi karengsa' yangting wara' adi mamareng guk ikanting wa ma sasuk ga' nafek u tanga ikanting wa adi midi u naknga wari yotangkaiminga karengsa' nakanting.

EFESAS Midi umpang Pol wari Efesas amingga' yokiamgu' 5:4

Abanga sidi midi mumungguk kadagasi a midi fifiring kadagasi tutugu a midi kadagasi ka kadapmang kareng u tipkadaga ga' tutugu ning undu' kabi'sini' guk mo' tinting, mokngang, sidi midi ka u kabinga midi karesi ka Anutuning kadapmang karesi ning a Anutuga' mesisiringa tanga iik wara'ning unggungsa' tonga ikanting.

Jems 3:2

Beng sini' fikifiki aming indi mini' kafakafa guk mo' katatoranga midi kadagang sansaramik tonga kadagang tipkadofitam. A aming ka ananing mini kafakafa katatoranga midi kadagang sansaramik kabi'sini' guk mo' touta' wa adi adining iikni dabiksa' u kafakafa katatoranga aming didimeng ning ita'.

1 Jon 3:10

Ka Anutuning mindine arantagim wa nua'ni sini', a Setan ning mindine arantagim undu' nua'ni sini' kadapmang naro' naro'sa' tanga ikiting. Wara' aming ka kadapmang didimeng mo' titing a aming ka kuyase fam ga' naknga kafakafa guk mo' tiamiting wa indi Anutuning mindine mo' ning u sarengsa' yapkedantam.