MATYU Anutuning midi kareng Matyu wari yoku' 10:25 - Anutuning midi totangka ingaʼni

²⁵ Wara' aming wari adining girini ga' mamareng aminting wa aming ka skul tota' wa ma kane amingni sige slev adindu' aming wari kagaya aminting wa adi ning touta', o naning girina wa kagaya kuma' bemara' udi a adining kane aming na nifikadaga titining wap guk wara' na bimbem sa' totik. Ka sidi midi ka i kafakafa nakanting, na sidining girisi' ningda'ning itik. Ka adi mini unggo kadagang ning wap kadagang sini' ka Bielsebul ning nana naramikiting ka sidindu' naganing kane aming arantagim ning iking wara' sidi wa sigening ning sini' sapma sidi wap kadagang beng sini' sana saramikni'ga'.

MATYU Anutuning midi kareng Matyu wari yoku' 10:25 ပူးပေါင်းရင်းမြစ်များ

MATYU Anutuning midi kareng Matyu wari yoku' 12:24

Ka Farisi arantagim fam wari midi ka u naknga ning toging, a sidi sige mo' tonting, aming ka wa mini unggo kadagasi ning girisi' Setan ka Bielsebul ning tugutam wari amanga tangkunang amiinga tangkunang ka warisa' mini unggo kadagasi tanga igukita' u kanga toing.

MATYU Anutuning midi kareng Matyu wari yoku' 12:27

Ka ning sanotik, sidi nagata' wa ning fararoknaming, a adi masi' unggo kadagasi ning girisi' Bielsebul wari amanga tanga fiarara' ning fananing. Ka indining, Farisi sidining arantagim fam adindu' masi' unggo kadagasi fufong tanga fayugukiting ning fatuguting. Ka adi tangkunang wa Bielsibul ganang udep bema titing wa warisa' kuma' saninga nakedani'.

MATYU Anutuning midi kareng Matyu wari yoku' 9:34

Ka Farisi arantagim fam ka adisining bining ganang unggung adeging wari u kanga ning toging, a idi kuma' kayam mini unggo kadagasi ning girisi' wari tankunang amiinga tara' ning toging.

MAK Anutuning midi kareng Mak wari yoku' 10:39

Ka iguyangguk wari ning anigumu', ade indi gugok kagaya udi girisa' bimbem ning.

MAK Anutuning midi kareng Mak wari yoku' 3:22

Ka Juda arantagim ning sasuk aming fam ka Jerusalem yong girii kuta ikiaging adindu' afanga Jisas wari amingning masi' unggo kadagasi tanga igukyamgu' u kanga ning toging, a indi kuma' kigedem masi' unggo kadagasi ning girisi' Bielsebul anasa' abanga amanga tangkunang amiinga tanga iguta' ning toging.

LUK Anutuning midi kareng Luk wari yoku' 11:15

Ka aming fam adi anikige tanga a indi kuma' kayam idi masi' unggo kadagasi ning girisi' Bielsebul ning tangkunang warisa' tanga tara' ning toging.

LUK Anutuning midi kareng Luk wari yoku' 11:19

Abanga sidi sidining amise fam ka kane ka masi' unggo kadagasi tanga yugukiting waraga' sukni'. Adi nisi'ning wap kigineng tonga titing. Mokngang adi Anutuning wapsa' tonga titing. Wara' sidi u kanga ning nakedanting, o indi midi ka Bielsebul ning tangkunang wari tanga tara' ning toyam wa beng guk mokngang ning tonting.

JON Anutuning midi kareng Jon wari yoku' 10:20

Ning tanga fam ka ning toging, ai mo' nakngamting, udi mini unggo kadagang wari amanga tipkangkaranga sini' tinga tonga yarara'.

JON Anutuning midi kareng Jon wari yoku' 7:20

Ka Juda aming kabi'mo' ka bak tiging wari midi ka u naknga ning tonga yareging, a mandaga' torang. Aming ka ni gu guguk ga' guk mo' suta', mini unggo kadagang wari yuagapma sasuka gifikadagainga sige torang.

JON Anutuning midi kareng Jon wari yoku' 8:48

Ka Juda ning aming girisi wari Jisas u midi tangkunang ning aniging, gu adi kuma' gapkedem Juda sini' mo', Sameria aming kadagasi wara'ni, mini unggo kadagang guk wari abanga torang.

JON Anutuning midi kareng Jon wari yoku' 8:52

Ka Juda aming adi midi ka u naknga ning toging, a midi ka u torang u naknga gapkeda sini' kuma' tem gu mini unggo kadagang guk beng sini'. Ka gu aming ka guning midi ninaksa' titi wa kungkumak titi guk mokngang ning torang. Ka indining aming girisi timini ka Ebraham a profet arantagim dabiksa' undu' kungkumak kuma' tiging.