LUK Anutuning midi kareng Luk wari yoku' 9:43 - Anutuning midi totangka ingaʼni

⁴³ Ning tinga aming kabi'mo' adi Anutuning tangkunang u kanga base tanga sasuk mimeng tiging. Ka aming wari kane kiginesi ka Jisas wari tanga yaregu' u kanga waraga' base ko tanga adeging ka Jisas wari arantagimni u faranga yapma midi ka ana kungkumak ning waraga' nua'bu ning yanggu',

LUK Anutuning midi kareng Luk wari yoku' 9:43 ပူးပေါင်းရင်းမြစ်များ

MATYU Anutuning midi kareng Matyu wari yoku' 17:22

Ka Jisas wari arantagimni dabiksa' ubu inagira kama ka u kabinga kama tubo Galili ga' ubu aging. Anga ning tanga Jisas wari ana kungkumak waraga' arantagimni u fonga bak kukyapma ning yanggu', beng sini' sanirik kabi'sini' aming wari Amingning Tim Iyak naga bemnapma tonga aming arantagim nua'ni ning kafasi'ganang yamting.

MAK Anutuning midi kareng Mak wari yoku' 6:51

Ning ina ning tanga abanga bot wara'ganang aranga marekinga gugubik girii fabagu' wa wara'ganang wadigi' bigu'. Ka arantagimni adi Jisas ning tangkunang u kigeda guk mo' tanga napa' Jisas wari tinga kaging waraga' sura base tanga sasuk mimeng ko tanga mafaging. Adi tim sidii ganang Jisas wari aming siamo'ga' nana tipkadofiaminga naging waraga' a inga' Jisas wari gwang furo'ning tipminga agu' undu' kigeda guk mo' tiging wara' adi Jisas u kanga base tiging.

LUK Anutuning midi kareng Luk wari yoku' 18:43

Ning tinga de kadagang udi kaga' urapsa' karendainga karengsa' ubu degaranga marara Jisas u yaranga anga kaba karengsa' naknga Anutuning wap bema aranga mesisiringa tanga tanga mugogu'. Ka ami taming fam adindu' Jisas wari napa' girii tugu' u kanga Anutuning wap bema aranga mesisiringa tiging.

LUK Anutuning midi kareng Luk wari yoku' 4:36

Ka aming wari Jisas wari mini unggo kadagang anikagaregu' u kanga base tanga ning toging, ai napa' girii sini' tara' kayam. Adining midi udi kigineng guk wara' adi mini unggo kadagasi inara' udi nakngam sa' tanga maing.

LUK Anutuning midi kareng Luk wari yoku' 5:26

Ning tinga aming wari u kanga base tanga o kami napa' tangkunang sini' kadofira' kayam ning tonga Anutuning wap bema Anutuga' mesisiringa ubu tiging.

LUK Anutuning midi kareng Luk wari yoku' 5:9

Ning tinga aming dabiksa' ka bot ganang u mareiaging adindu' u kanga mutu tanga base tiging.

LUK Anutuning midi kareng Luk wari yoku' 8:25

Ning tanga Jisas wari arantagimni u ning yanggu', sidi nagata' naktangka tangkunang sini' mo' ba ting. Ka arantagimni adi Jisas wari napa' girii tugu' u kanga base tanga mutu tanga ai, ya nasi' aming. Adi gugubik a gwang udi midisa' ininga nakngamsa' tanga bibi'sa' ting. Ning tonga waraga' sasuk mimeng ko tanga mera aging.

LUK Anutuning midi kareng Luk wari yoku' 9:42

Ning aniinga saba kabasi' u nagira Jisas kaunga ko arabugumu'. Ka mini unggo kadagang wari saba u taramakinga saba wari kamaganang mangfanga girigiri' tiangagu'. Ka Jisas wari mini unggo kadagang u anikagarengama saba kabasi' u tipkarendanga ning tanga beni u ning anigu', girisa' kuma' tipkarendagamarik. Nagikna tanga mugo te'. Ning aniinga beni wari saba kabasi' u nagiknanga yaksingga' mugo tugumu'.

2 Pita 1:16

Ka tim indi midi ka indining girini' Kasira Aming Jisas wari inga' kigineng girii guk tubobu afufu waraga' undu' kuma' sanggum. Ka u sanggum u tanga wa indi midi mandaga' fam ka nananing sasukni'ganangsa' tipfaranga tutugu ning guk mo' sini' tanga sanggum, mokngang, indi adigok ira adining kigineng ning diok girii u dani' wari sini' kagum wara'ning didimengsa' sana yaregum.