LUK Anutuning midi kareng Luk wari yoku' 23:32 - Anutuning midi totangka ingaʼni

³² Ka adi aming kadagang titisi fama' undu' Jisas guk dabik ugariap waraga' kubap inagiking.

LUK Anutuning midi kareng Luk wari yoku' 23:32 ပူးပေါင်းရင်းမြစ်များ

MATYU Anutuning midi kareng Matyu wari yoku' 27:38

Ka Jisas u uking ganang wa aming kadagasi kuba sasop titisi fama' undu' inagira fonga nua'ni ka Jisas ning kafong kareng ganang tara' a nua'ni ka kafong kesini ganang tara' ning ugariapking.

MAK Anutuning midi kareng Mak wari yoku' 15:27

Ning tanga kubu aming kadagasi fama' undu' inagira fabanga Jisas ning gagaa ganang ugariapking, nua'ni ka kafong kareng ganang tara' a nua'ni ka kafong kesini ganang tara' ning ugariapking.

LUK Anutuning midi kareng Luk wari yoku' 22:37

Ka kama mamareng u kadofota' waraga' wa adi midi nua'ni ka tim Anutuning midi umpang ganang ning kuma' yoking, adi aming wari aming kadagang ka kubu a aming dipming sep titiing wara'guk dabiksa' kaing. Ka beng sini' midi ka u yoking a midi fam dabiksa' ka nagata' sura yoking wa kami yara'ganang wari nagaganang beng guk kadofota'.

LUK Anutuning midi kareng Luk wari yoku' 23:31

Beng sini' na aming didimeng kareng ka firi ka' ameng guk ka kudip wari dada ning guk mokngang ningda'ning unggung ka adi kami kadagang naramikonga ting. A aming ka kadagang titisi sidi firi kafo ningda'ning iking wara' sidi mamareng wari kudip da'ning wadigi'sa' dasapsasu'no'ga'. Wara' sidi mak wa waraga' sura kakni' ning yanggu'.

JON Anutuning midi kareng Jon wari yoku' 19:18

U anga kadofinga ning tanga Jisas u bema firi ganang ugariging. Ning tanga aming kadagasi fama' undu' Jisas ning gagaa ganang Ugariapking, nua'ni ka kafong kareng ganang a nua'ni ka kafong kesini ganang tara' ning tinga Jisas wa bining adegu'.

2 Timoti 2:9

Ka na adining midi kareng u faituatik waraga'sa' tanga wa aming wari aming kadagang sini' ka aming dipming sep titiing ningda'ning napma tabanga iyung dasinapma ning tanga sen wari kafana kana tofinabinga itik. Ka beng sini' adi tofinapking de ka Anutuning midi wa tofitangka titi a udaga titining guk mokngang, wara' na kalabus iyung ganang ira undu' itua sa' fatirik.

HIBRU Midi umpang aming nua'ni wari Juda amingga' yokiamgu' 12:2

Ka indi girini' Jisas ning kadapmang kareng waraga' sura adi tugu' ningsa' tantam. Adisa' indining naktangka tipmarakniminga indi adita' naktangka tinga adisa' indining naktangka u tiptangkanim wara'ning ki beng sini' ita'. Ka adi beni Anutu wari kane kabingamgu' wa ninaksa' tanga yaranga tanga anganga mamareng girii ka firi ugari ganang kungkumak wari kadofingamonga tinga wa adi waraga' mutu tanga bima tanga kagabi mo' tugu', mokngang. Adi napa' kareng sini' ka beni Anutu wari inga' tangam waraga' suktangkanga ning suku', naga firi ugari ganang kumakinga aming wari aming kadagang ningda'ning undu' girisa' napmanting. Ning sura mamareng girii wa bimbem sa' tanga kumogu'. Kumara marara aranga beni Anutu guk kuta girii dabik ikitamu'.