LUK Anutuning midi kareng Luk wari yoku' 21:24 - Anutuning midi totangka ingaʼni

²⁴ Ka wara'ganang wa kama dibing fam ning aming arantagim ka Anutuga' kabi'guk mo' nakedanga ikiting wari abanga Juda aming i dipmisasu'nanga ning tanga fam ka manggakyap tanga inagira fonga anasining kama indeng indeng wara'ganang kukyapma yaptatorani'ga'. Ning tanga adisining yong girii kareng Jerusalem ya adisining digirapsi' ka aming arantagim nua'ni wari sansaramik sa' ubu tanga ira tipminga yangakni'. Kama paramu' sini' ningsa' tanga ira anganga inga' Anutu ana tubobu udayabinga ganangsa' kabinga mani'ga'.

LUK Anutuning midi kareng Luk wari yoku' 21:24 ပူးပေါင်းရင်းမြစ်များ

LUK Anutuning midi kareng Luk wari yoku' 21:25

Ka inga' kama ka Amingning Tim Iyak naga tubobu afonga tok wara'ganang wa Anutu wari mayam mayap a bam u ififareinga kuni' sini' ubu dainga yapni'ga'. Abanga gwang undu' tipmarakinga sasabara girii wari marara gigii sa' aratowa'. Ning tinga aming kabi'mo' adi napa' u kanga a gwang sasabara girii wara'ning gigii u naknga mutu tanga kabaksi' mamareng girii naknga paparap senga yarani'ga'.

ROM Midi umpang Pol wari Rom aming ga' yokiamgu' 11:25

Ka kuyane ka aming arantagim nua'ni ning sidi kafakafa ka Anutu wari tasamara' waraga' sura sidining fuksi' ma bema arani'. Waraga' tanga na Anutuning sasuk mang u ning sangnatamotik, kadapmang ka Anutu wari aming dabiksa' u yotangkayabinga kareng gi' giri iik wara'ning wa ning, adi Juda aming adisining kabaksi' u isefiaminga adi wara'guk ningsa' ira anganga aming arantagim nua'nining arantagim fam ka Anutu wari anata' kuma' ifakasirinagu' wari adiganang abasasu'neinga Juda arantagim wa wara'ganang inga' manggakyap waraga' kuma' sura ibiinga ikiting. Ka wara'ning midi wa tim umpang ganang ning kuma' yoking, Saion yong ganang wa aming yotangkayap ning napa' girii sini' wari kadofota'.

HIBRU Midi umpang aming nua'ni wari Juda amingga' yokiamgu' 11:34

Abanga adi digirapsi' wari kudip girii bungara manggara siapmanting undu' adi dada guk mo' tinting, a aming fam kwak wari didipmi ga ning tonga tiaging udi mokngang didipmi guk mo' tiaging, fe'sa' tanga ibiinga mayaging. Adi aming sigesa' tangkunang guk mokngang de, ka Anutu ka warisa' yotangkayabinga wa adi tangkunang guk ubu ira ning tanga napa' kagaya a mamareng girisi girisi u irafikiaging. Isrel aming ning aming tangkunasi kubanik kubanik ka wa adi Anutuga' naktangka tangkunang tiaging wara' adi Anutu wari yotangkaiminga aming ami' titining tim iyak ning ira aming arantagim nua'ni wari Isrel aming guk ami' tiaging ganang wa adi Isrel aming warisa' irafiksasu'nanga ning tanga adi ami'ning wap girii guk ikiaging.

REVELESEN Anutu wari Jon ga' Girii Jisas ning ki anatintingneinga kagu' 11:2

Ka gu tep wa Anutuning mesisiringa yak girii beng unggungsa' kufara kadidimanga yarotang. Sinim ka fugang ganang wa Anutuning naktangka aming wari mo' iking, adi adining mesisiringa yak iyung bane wara'ganangsa' ubu abanga iking. A sinim ka fugang ganang wa aming ka fugang iikisi adisita' ubu kuma' kabiamirik. Adi abanga kama ka wap Anutuning yong kareng ning ikita' wa adibu kadofinga tipkadanga ikanting. Ka adi yong ka wara'ganang ikanting wa mayap 42 ning sini' ikanting.