LUK Anutuning midi kareng Luk wari yoku' 21:23 - Anutuning midi totangka ingaʼni

²³ Beng sini' kama ka wara'ganang wa Anutu wari Juda aming ka kami yara'ganang iking yara'sining kadagang waraga' kaba kagaya nakita' u kura' tubobu tiaminga ami taming adi mamareng girii bemni'ga'. Ka mamareng wari kadofo' ganang wa taming ka kabaksi' guk a saba ginggiming inga' ibenga deiakni' waraga' wa ning torik, bibiri' sini' adi mamareng girii sini' bimbem ning.

LUK Anutuning midi kareng Luk wari yoku' 21:23 ပူးပေါင်းရင်းမြစ်များ

MATYU Anutuning midi kareng Matyu wari yoku' 21:16

Jisas u ning aniging, ai gu aming girii Mesaia ning katiganing udi kuma' ba nakarang. Ka Jisas wari ning yanggu', a kuma' nakarik wang. Ka sidi midi nua'ni ka tim umpang ganang yoking u kuma' udep indangikiting wa waraga' sukanting. Midi ka u yoking wa ning, gasa' sababi' sini' waraga' sasuk iminga adi guta' mesisiringa bengsa' tagaming ning yoking.

MATYU Anutuning midi kareng Matyu wari yoku' 21:41

Ka Juda ning aming girisi wari adibu ning toging, a adi aming kadagasi wa iibi guk mo' tota', dipmisasu'nasa' tota'. Dipminga ning tanga aming karesi ubu manggara kukyabinga feng kane u tanga ira anganga inga' feng wari beng titi ganang wa adi kadapmang didimeng tanga uningkim dibing wa feng tuang ga' aminting ning aniging.

MATYU Anutuning midi kareng Matyu wari yoku' 21:44

(Ka uningkim ka urang torik waraga' wa ning sanotik, uningkim ka wa fasi' kadagang ikita'. Ka aming ka uningkim ka wa sigening ning kanga uningkim wara'ning furo'ning ganang manga dipmota' wa uningkim fasi' wari ifikadaga sini' tota'. A uningkim fasi' ka wari aming ning fugu furo'ning mangfota' wa aming u wadiging manga dopsasugweinga kugo'sa' kadofota' ning yanggu'.)

MATYU Anutuning midi kareng Matyu wari yoku' 24:19

Beng sini' kama ka wa kadagang sini' wari kadofo'ga'. Taming kabaksi' guk a taming ka saba munumung ibenga deiakni' wa bibiri' sini' adi mamareng waraga' tanga bima tanga mugoga' wa kane girii sini' tini'ga'.

MAK Anutuning midi kareng Mak wari yoku' 13:17

A taming ka saba kabaksi' ganang a saba ginggiming inga' ibenga deiro' wara'siga' wa ning torik, bibiri' sini' adi mamareng girii guk kubase'sini' bimanga marani'ga'.

LUK Anutuning midi kareng Luk wari yoku' 19:27

Ka aming arantagim ka tim naga adisining girisi' ning ira yaptatora ga' bibi' urang naknamging wa sidi inagik tanga fabanga naganing dana ganang ingging dipmikumakni' ning inota' ning yanggu' Jisas wari.

LUK Anutuning midi kareng Luk wari yoku' 19:43

Ka inga' kama mamareng ka ning kadofigamo'. Guning digirapka wari kadofinga kadapmang a base indeng u isefigamsasu'nani'. Ning tanga ami'ga' kwang unanga du' sini' unggung ira gukni'ga'.

LUK Anutuning midi kareng Luk wari yoku' 23:29

Beng sini' kama ka wara'ganang wa aming wari taming ka kami yara'ganang saba guk mo' ibenga sigesa' iking u yapma ning toni'ga', o adi saba guk mokngang wara' mamareng wa anasa' beming wara' sia da'ning yabem. A aming fam indi saba guk wara' indi mamareng girii sini' bemem ning toni'ga'.

1 Kor 7:26

Wa ning, kami yara'ganang i ikem ya mamareng ka aming fam wari naktangka aming indita' bibi' ninak waraga' guk sura ikem, wara' sidi iik ka kuma' unda' iking ningsa' ikanting wa karengsa'.

1 TESALONAIKA 2:16

Adi kadapmang kadagang ka u tanga ababanga inga' kadagang girii sini' nua'ni ka indi Anutuning midi kareng u bema anga aming arantagim nua'ni ka Juda mo' sidita' u ituasaminga Anutu wari yotangkasap tinga kareng gi' giri iik wara'ning kadapmang u udanim waraga' kane tangkunang fatiting. Ning tinga adisining kadagang wari girii sini' giragata'. Ka adi kagaya girii ka Anutu wari adisining kadagang waraga' kaba kagaya nakiamita' wara'ning wari kuma' arakadofiamara'.

HIBRU Midi umpang aming nua'ni wari Juda amingga' yokiamgu' 13:16

Ka sidi kadapmang kareng ka kuyase fam yotangkayapma aming wari nafek tanga ikinga sidining mambong tang u udanga iyam wara'ning wa mo' kabinting. Kadapmang ka ningwara' undu' ofa kareng ka Anutu wari waraga'sa' nakita'.

Jems 5:1

Ka aming ka kangasi mambong siamo' guk sidita' wa ning toutik, sidi Anutu wari sidining kadapmang kadagang u kanga kagaya kuma' samo'ga' waraga' sura kabaksi' mamareng sini' naknga mak kakanting.

1 Pita 4:17

Beng sini' kama ka Anutu wari aming midiganang kukyapma tagagareyap wara'ning wa kuma' kadofonga tara'. Ka adi tim munumung wa aming ka Anutu ananing arantagim ikem indi tagagarenibo'. Tagagarenipma anganga aming ka Anutuning midi kareng ga' manda ukngamiting wa mandang tagagareyapma kagaya girii sini' ino'ga'.