LUK Anutuning midi kareng Luk wari yoku' 18:14 - Anutuning midi totangka ingaʼni

¹⁴ Ka beng sini' urang sanirik, Anutu adi ibang tutugu ning kadapmang ka aming takis mamanggeng wari tanga touta' wa didimeng ning kanga adita' nakota'. A ibang ning kadapmang ka Farisi wari tanga touta' wa Anutu adi didimeng mo' kanga bibi' nakngamota'. Beng sini' aming ka kadapmang ka ananing wap bema ara wara'ningsa' tanga irota' wa Anutu adi napa' sigening ning kanga adining wap bema afota'. A aming ka kaba bema afanga kadapmang ka ananing wap bema afu wara'ning u tanga irota' wa Anutu adi didimeng ning kanga adita' naknga adining wap bema arota' ning yanggu' Jisas wari.

LUK Anutuning midi kareng Luk wari yoku' 18:14 ပူးပေါင်းရင်းမြစ်များ

MATYU Anutuning midi kareng Matyu wari yoku' 23:12

Aming ka girii irotik ning tonga ananing wap anasa' bema arota' wa Anutu adi mokngang ning kanga tipmakurati tota'. A aming ka ananing sasukni a fuguni bema afasasu'nanga aming fam ning kapmik ganang irota' wa Anutu adi aming ka wa aming girii beng sini' ning aninga yotangkangam tota' ning yanggu'.

MATYU Anutuning midi kareng Matyu wari yoku' 5:3

<

LUK Anutuning midi kareng Luk wari yoku' 1:52

Aming girisi king arantagim ka tim iyak ning ikiting wa Anutu adi tipmakuratiap tita'. A aming sige ka wap guk mokngang wa adi yotangkayap tinga wap guk ubu ikiting.

LUK Anutuning midi kareng Luk wari yoku' 10:29

Ka sasuk aming adi aming fam wari kadapmang ka u kuma' yaranga didimeng giri ba tanga ikita' ning kaga waraga' sura Jisas u nua'bu ning anigagu', ka midi ka aming fam ga' kafakafa tiamotang ning yoking wa nisi' aming ga' sura yoking.

LUK Anutuning midi kareng Luk wari yoku' 14:11

Beng sini' aming ka ananing wap bema ara ning kadapmang sa' tanga irota' wa inga' Anutu adi tipmikurata tinga aming sige ning kadofo'. A aming ka ananing wap bema afu ning kadapmang tanga irota' wa Anutu wari yotangkangam tinga adi aming wap guk ning iro' ning yanggu'.

LUK Anutuning midi kareng Luk wari yoku' 16:15

Ka Jisas wari ning yanggu', a aming ka sidi napa' kareng aming ning dasi'ganang sireng tinga aming wari karengsa' ning sapma sidining wap bema ara waraga'sa' fanaking. Ka Anutu adi aming ning wap bema ara wara'ning wa kadapmang nua'ni tita'. Wa ning, napa' ka aming wari kareng ning kanga wap bema areting wa Anutu adi napa' sigening ning kata' wara' Anutu adi sidining kadagang ka sidaning wap bema ara wara'ning ka kabaksi'ganang ita' wa kuma'sa' kara'.

ROM Midi umpang Pol wari Rom aming ga' yokiamgu' 3:20

Beng guk sini' kadapmang ka Anutu wari aming didimesi beng guk ning nipma nining wara'ning wa indi Moses ning kadapmang unggungsa' yaranga iik u mo', mokngang sini'. Kadapmang tapni lo wara'ning kaneni kigineng wa ning, indi kadagang tanga wa kadapmang tapni u kanga ning tontam, o beng guk sini' indi kadapmang didimeng u kabinga kadagang ba tem. Ning tutugu wara'ning waraga'sa' kamigu'.

ROM Midi umpang Pol wari Rom aming ga' yokiamgu' 4:5

Ka inga' yara'ganang undu' ning. Aming ka naktangka ka ning tota', o beng sini' Anutu adi aming ka kadagang guk undu' girisa' yotangkangam ning ningsa' suktangkauta' wa Anutu adi adining naktangkani ka u kadapmang didimeng beng guk ning kanga kuma'sa' yotangkangamota'. Wara' aming ka wa ning guk mo' surota', na kane tangkunang ka Moses ning kadapmang tapni u yaranga tinga Anutu wari naning kane tangkunang u kanga wap aming didimeng ning u wara'ganang nanota'. Mokngang adi napa' girii kubaniksa' ka naktangka sa' tinga Anutu wari wap aming didimeng ning u wara'ganangsa' anota'.

ROM Midi umpang Pol wari Rom aming ga' yokiamgu' 5:1

Ka indi girini' Kasira Aming Jisas ga' naktangka tinga Anutu wari u nipma wap aming didimesi ning ubu kuma' nininga ikem. Ning tanga Jisas ning kane kigineng wari iik ka tim kadagang guk ira adining digirap ning yagum u udaniminga Anutu guk kabakni' kubaniksa' ubu kufura kagaya bimbem ga' mutu guk mo' tanga ikem.

ROM Midi umpang Pol wari Rom aming ga' yokiamgu' 8:33

Ka aming nua'ni wari aming arantagim ka Anutu wari adita' kuma' indifakasirananga wap ka aming didimeng ning u ananing mini wari sini' kuma' inita' wa nisi' wari wap aming kadagang ning u nua'bu ina Anutuning midiganang kukyabota'. Mokngang sini'. Wa Kasira Aming Jisas wari kuma' kumara marara anga beni Anutuning kafong kareng ganang do ira Anutu wari indining kadagang fam ka inga' titam u suknakubenim waraga' aninim wara'ning kane undu' kuma' tanga ikita'. Wara' Anutu adi wap aming didimesi ning kuma' ninita' wa aming nua'ni wari o arantagim ka wa kadagang guk ko iking ning u nua'bu nining ning guk mokngang.

Jems 4:10

Ning tanga sidi sidining kabaksi' a fuksi' u beng sini' bema afanga girii ning kapmik ganangsa' ikanting. Ning tinga girii adindu' yotangkasap tanga sidining wap bema arota'.

Jems 4:6

Ka Anutu adi mini unggo u nimita' wa adi ai'dap tanga indifitangka titi waraga' yotangkanip undu' tita'. Ning tinga wari kadagang titining sasuk ka kabakni'ganang kadofonga tita' u karangkayonimita'. Ka waraga' wa midi nua'ni ka ning yoking, aming ka anasining fuksi'sa' bema areting waraga' wa Anutu adi manda ukiamita'. A aming ka anasining kabaksi' bema afanga Anutuning kapmik ganang ikiting wa adi ai'dap tanga yotangkayap tita', ning yoking.