LUK Anutuning midi kareng Luk wari yoku' 12:24 - Anutuning midi totangka ingaʼni

²⁴ Ka sidi kadapmang ka yaang wari tanga ikiting waraga' sura nakedanting. Yaang adi fuksi' yotangka ga' sura feng kane tanga nana yak ganang manggara dadasi ka aming sidi titing ning guk mo titing. Mokngang, yaang adi sigesa' ira Anutu warisa' yotangkayabinga yapma nanga damdang sa' giri ikiting. Ka yaang wa napa' kababi' unggung ka Anutu adi kafakafa sini' yaptatoreta'. A aming sidi wa Anutu wari napa' girii ning sabita' wara' adi kuma'sa' yotangkasabinga ikanting.

LUK Anutuning midi kareng Luk wari yoku' 12:24 ပူးပေါင်းရင်းမြစ်များ

MATYU Anutuning midi kareng Matyu wari yoku' 3:12

Ka aming girii ka u torik wa adi aming tagagareyap kane ka aming wari wit mindip urang tagagareting ningda'ning tonga tugunung tanga sabol kafong ganang kuma' bema adera'. Adi wit mindip ka kuma' dopma kuking u sabol wari gira manggara gugubik ganang igukinga gugubik wari tutufuru u figira igukinga beng karesi unggungsa' manggara yak ganang urang dasiting ninda'ning tota'. Ning tanga tutufuru wa kudip kagaya ka bibi' titining guk mokngang wara'ganang seinga wadigi' dasasu'ninting ning yanggu' Jon wari.

MATYU Anutuning midi kareng Matyu wari yoku' 6:26

Ka sidi yang ning iiksi'ga' sukanting, yang adi nasi' nantam ning tonga sasuk mimeng tanga feng kane tangkunang tanga ifakadofiinga manggara yak ganang didasi ning guk mo' titing. Abanga Anutu adi yang wa napa' kababi' sini' sigening ning yabita' unggung ka adi kafakafa yaptatoreinga damdang sa' ikiting. Ka aming sidi Anutuning de ganang wa napa' kabasi' mo', napa' girii sini' ning iking wara' sidining babangsi' Anutu ka kunimganang ikita' adi sidi yotangkasap ga' wa nakube kabi'guk mo' tota', mokngang adi kuma'sa yotangkasabota'.

MAK Anutuning midi kareng Mak wari yoku' 6:26

Ka Herot adi sababa ning midi u naknga kaba mamareng sini' ubu naku'. Ka adi sababa waraga' napa'ni amimi sa' titi waraga' midi aming girisi fam ning dasi'ganang kuma' totangkagu' waraga' tanga Herot adi kubase' sini' aigangamgu'.

LUK Anutuning midi kareng Luk wari yoku' 12:18

Ka na kugwek tanga yak girisi ubu unda' mautik. Ning tanga mambongna tangkunasi fam wara'guk dabiksa' dasitangkanga kabiinga fideuta'.

LUK Anutuning midi kareng Luk wari yoku' 12:23

Beng sini' aming wari damdang sa' naknga tangkunang guk kareng giri iik wara'ning wa kadapmang ka nana a mambong manggakna wari ifitangkainga iik ning guk mokngang undu' kini nua'ni. Wara' nana guk ka tasase guk wa napa' kabasi' a aming sidining kabaksi' a sasuk wa napa' girii sini'.

LUK Anutuning midi kareng Luk wari yoku' 12:7

Ka aming sidi wa napa' kababi' ka yang ningwara' mo'. Sidi napa' girisi adining de ganang sirengsa' ikiting wara' Anutu adi sidita' wa nakube guk mo' tota'. Adi nasi' nasi' kababi'sini' ka sidining fuksi'ganang iking kisi' sasa' dumni kubanik kubanik wara'ning nambani udi nafek guk mo' tanga ita', kuma'sa' naksasu'nanga ita'. Wara' aming sidi napa' niga' mutu mo' tinting. Mokngang, Anutu wari kuma'sa' saptatorota' ning yanggu'.