LUK Anutuning midi kareng Luk wari yoku' 11:27 - Anutuning midi totangka ingaʼni

²⁷ Ka ami taming kabi'mo' adindu' bak abanga kura Jisas ning midi u mera fanaking. Ka Jisas wari midi u tonga biinga taming nua'ni wari Jisas ning midi waraga' kaba karengsa' naknga ku ning katigu', o gu aming kareng, ka guning mamangga gigibe tugu' adi guning kadapmang kareng waraga' sura kaba karengsa' naknga mesisiringa sa' tota'.

LUK Anutuning midi kareng Luk wari yoku' 11:27 ပူးပေါင်းရင်းမြစ်များ

LUK Anutuning midi kareng Luk wari yoku' 1:28

Ka ensel wari Maria ganang kadofinga ning anigu', o taming, girii wari guganang ita'. Adi kafakafa tagapma napa' girii ka taming fam ganang tiam ning guk mokngang u tagamonga tara'.

LUK Anutuning midi kareng Luk wari yoku' 1:42

mesisiringa titining midi ning togu', o Maria gu girii wari kareng tagaminga napa' girii kareng ka wa taming fam ganang mo' kadofiamara' guganangsa' kadofigamara'. Abanga saba kabasi' ka guning kabaka ganang u ita' undu' Anutu wari yotangkangaminga kigineng guk ita'.

LUK Anutuning midi kareng Luk wari yoku' 1:48

Na taming sige wap guk mokngang adining midi sa' nakngam ning ka adi nagata' ai' dap kareng sini' tanamara'. Inga' aming wari kami yara'ganang Anutu kigineng wari kareng i tanamara' yaraga' sura ning toyanting, o beng guk sini' taming ka wa Anutu wari karengsa' tangamara'. Wara' na waraga' sura adining wap bema aranga ning torik, Anutu wa kareng naro'sa' ikita' beng sini'.

LUK Anutuning midi kareng Luk wari yoku' 11:26

U kanga ningsa' kabinga masi' unggo kadagasi amine seven ning ka kadapmangsi' kadagasi sini' ubu inagiknonga tubobu mauta'. Anga inagira abanga aming wara'ning kaba ganang nua'bu amanga ikanting. Ka aming ka wa tim mini unggo kadagang kubaniksa' wari irota' ganang wa kadagang kabi'sa' tota'. Ka inga' wa kadapmang kadagang sini' ubu tanga irota', ning togu' Jisas wari.

LUK Anutuning midi kareng Luk wari yoku' 23:29

Beng sini' kama ka wara'ganang wa aming wari taming ka kami yara'ganang saba guk mo' ibenga sigesa' iking u yapma ning toni'ga', o adi saba guk mokngang wara' mamareng wa anasa' beming wara' sia da'ning yabem. A aming fam indi saba guk wara' indi mamareng girii sini' bemem ning toni'ga'.