LUK Anutuning midi kareng Luk wari yoku' 11:22 - Anutuning midi totangka ingaʼni

²² Ka inga' aming nua'ni ka tangkunangni girii guk kigineng sini' wari ubu kadofota'. Kadofinga aming wara'guk ami' tanga aming u ura adining tangkunangni u tipmiringama ning tanga suguk kwak ka adi adining tangkunangni ning yapdamdanga tanga irota' u iromkadara manggarota'. Ning tanga adining mambongni kiginesi fam undu' dabiksa' manggara arantagimni ga' sabaraimota'.

LUK Anutuning midi kareng Luk wari yoku' 11:22 ပူးပေါင်းရင်းမြစ်များ

LUK Anutuning midi kareng Luk wari yoku' 11:21

Ka waraga' wa midi nua'ni ka ning toutik. Ning, aming kigineng nua'ni ka adi mambongni kiginesi u manggara fabanga yoring ganang u dasinga ning tanga fikifiki suguk kwak tanga kigineng guk ningsa' ira auta'.

LUK Anutuning midi kareng Luk wari yoku' 11:23

Ka beng sini' aming ka nagok dabik adenga yotangkanap mo' tota' wa naganing digirap ning irota'. Abanga aming ka sipsip bak fabang kukyap ning kane ka nagok dabik mo' tantamuk wa adi sipsip u iramira yubusara wara'ning aming ning ita'.

EFESAS Midi umpang Pol wari Efesas amingga' yokiamgu' 6:11

Ka kadapmang ka aming ami'ning soldia wari suguk wari fuksi' mo' manggakyap ga' wa fuksi' tasase napa'napa' tangkunasi sin warisa' urang tatangkanga adeting ningda'ning ka Anutu wari adining tangkunang u saminga sidi u ipmanga tangkunang sa' adenting. Ning tinga Setan wari adining kadapmang kadagasi fam waraga' mandaga' saramikonga tota' wa sidi kigineng sa' adenga tarakayo tinting.

EFESAS Midi umpang Pol wari Efesas amingga' yokiamgu' 6:13

Ka sidi wari saramikinga adiogk ami' titi wara'ning kama wa mo' nakeding, wara' sidi aming ami'ning wari fuksi' tasase napa' tangkunasi warisa' urang tanga adeting ning wa Anutuning midi kareng a adining napa' karesi warisa' tatangkanga adenting. Sidi napa'napa' u kuma' tatangkanga adenting wara' adi saramirota' ganang wa sidi adigok ami' u tanga adi mo' sarafirota', mokngang, sidisa' tarafira tipmikurata tinting.

KOLOSI Midi umpang Pol wari Kolosi amingga' yokiamgu' 2:15

Ka Anutu wari kane kigineng ka u tugu' wara'ganangsa' wa adi mini unggo kadagasi ning girisi ka indi indiramik ning wara'sining kigineng u wadigi' kuma' tipmirisasu'negu'. Wa ning, Anutu wari Jisas u firi ugari ganang bema tapku' wa aming indi u kanga o beng sini' adi mini unggo kadagasi ning tangkunang wa kuma' tipmirisasu'negu' ning tutugu waraga' tinima ningtintingnegu'.

1 Jon 3:8

Beng sini' kadagang munumung sini' wa timinggi' aming kadagang Setan wari tugu' wari kadofigu', wara' aming ka kadagang u tanga abuting wa Setan ning arantagim. Ka Anutuning mindingni adi kamaganang i afugu' wara'ning ki kubaniksa' wa Setan ning kane kadagang u udangama tipmirisasu'na waraga'sa' tanga afugu'.

1 Jon 4:4

O naktangka aming sabane sidi Anutu wari adining arantagim ning sifikadofinga ananing mini unggo u saminga tangkunang guk kuma' iking. Ka Anutuning mini unggo wara'ning tangkunang wa mini unggo ka aming ka napa' kamaganangniga'sa' sukiting adisining kabaksi'ganang ikita' wara'ning tangkunang u tarafita'. Wara' sidi tangkunang guk ira aming ka midi mandaga' i tonga ifaring wara'sining midi u karangkayoima ning tanga sidisa' iirafikisi ning kuma' iking.