JON Anutuning midi kareng Jon wari yoku' 9:29 - Anutuning midi totangka ingaʼni

²⁹ Moses wa giri, Anutu wari adiganang midi guk anigu' wara' indi Moses ning arantagim. A aming ka wa indeng kadofinga abugu' wara'guk mo' sini' nakem.

JON Anutuning midi kareng Jon wari yoku' 9:29 ပူးပေါင်းရင်းမြစ်များ

MATYU Anutuning midi kareng Matyu wari yoku' 12:24

Ka Farisi arantagim fam wari midi ka u naknga ning toging, a sidi sige mo' tonting, aming ka wa mini unggo kadagasi ning girisi' Setan ka Bielsebul ning tugutam wari amanga tangkunang amiinga tangkunang ka warisa' mini unggo kadagasi tanga igukita' u kanga toing.

MATYU Anutuning midi kareng Matyu wari yoku' 26:61

ning togumu', adi kadagang nua'ni ka midi ka ning togu' nakum, na Anutuning siring yak girii tempel i kwetatarasasu'nanga tubobu tipmarak ning kane wa kama famineng ganangsa' tanga tipmararok ga' ning togu' ning togumu'.

LUK Anutuning midi kareng Luk wari yoku' 23:2

Anga kiap Pailat ning de ganang u kamiinga adeinga midi ki guk mokngang ka ning tongamging, indi aming ka idi ning fakayam ka adi Juda indining amine kabi'mo' u mandaga' ning iramira fiarara', sidi Romni girii Sisa ning uningkim takis wa mo' kaminting. Abanga adi midi nua'ni ka ning fatora', na Anutuning Kasira aming girii.

JON Anutuning midi kareng Jon wari yoku' 1:17

Ka Anutuning midi tapni tang u nakitam wa Anutu wari Moses ning kafong ganang amiinga nimgu'. A napa' tangkunang kareng sini' nua'ni ka kadapmang didimeng kareng sini' a midi beng guk kareng wa Anutu wari Kasira Aming Jisas ning ning kane ganangsa' tipkadofaniminga kayam.

JON Anutuning midi kareng Jon wari yoku' 7:27

Ka mokngang, adi Kasira Aming mo' unda'. Kasira Aming sini' ganang wa adining yong ki guk mo' nakedianam. A Kasira Aming mo' wara' indi adining yong ki wa kuma'sa' nakedem ning toging.

JON Anutuning midi kareng Jon wari yoku' 7:28

Ka Jisas adi siring yak girii ganang unggung ami taming u yanggera adenga midi sarengsa' ning togu', a sidi naga napkedanga a naganing yong ki nakedanga ning ba ting. Ka ning sanotik, na yong ka sidi ikiting yara'ni mo'. Abanga na naganing sasuksa' mo' tanga abuguk. Mokngang na aming kadapmang beng guk tuang adigok kubap iya' nangkareinga abuguk. Aming ka wa sidi mo' kating. Na kubap ikitamuk wara' nagasa' wa giri katik ning togu'.

JON Anutuning midi kareng Jon wari yoku' 8:14

Ka Jisas wari ning yanggu', beng sini' na naganing midi wa napmo' kubaniksa' torik de. Ka na napa' girii ka yong ka naga iya' kabinga abuguk, abanga inga' tubobu anga iik wara'ning wara'guk kuma' nakedanga fatorik wara' naning midi wa beng guksa'. A sidi wa naganing yong ki ka u torik wara'guk mo' sini' nakeding.

JON Anutuning midi kareng Jon wari yoku' 9:16

Ka Farisi fam wari u naknga ning toging, a aming ka wa sabat ning kadapmang tapni wara'guk mo' sura tara' nakem. Aming ka ningwara' wa Anutu ganang abubu ning mo'. Ka fam adi ning toging, ka sidi aming kadagang ning toing wa aming kadagang adi napa' tangkunang kareng ka ningwara' u titining guk mokngang. Ning tonga sasuk fama' tanga arantagim fama' ningda'ning ubu yaging.

JON Anutuning midi kareng Jon wari yoku' 9:24

Ning tanga aming girisi wari aming de kadagang karendagu' u nua'bu katingana ning aniging, beng sini' ganem guning midi wa Anutu wari kuma' nakamara' wara' gu indi midi fam gangkainga wa beng guksa' nine'. Ka indi aming ka wa kuma' fagayam aming kadagang.

JON Anutuning midi kareng Jon wari yoku' 9:30

Ka adibu ning yanggu', ai napa' girii sarengsa' tanama' ka sidi nafek ba ting. Aming ka dana sarengsa' nifikarendanga' wa sidi aming ka wa indeng wara'ni abugu' ning wa kabi'sini' guk mo' ba naking.

Ap 22:22

Ka Juda aming bak tiging adi Pol ning midi u kapmo'sa' adenga kaminakngama anganga Pol wari midi ari' ka Anutu wari aming arantagim nua'ni ga' anigaregu' wara'ning u togu' u naknga kabaksi' kadagang naknga banaksi' giptaging. Ning tanga ku bang ning kating yareging, ai aming ka wa kagabi tinga nua'bu mo' irota', wadigi' ugumakni'.

Ap 26:22

Ka beng sini' urang torik, Anutu warisa' yotangkanapma ababanga wa kami aming sige a aming girisi dabiksa' sidining dasi'ganang adenga midi ituasaminga naking. Ka na midi ka i torik ya ka' nua'ni guk mo' bema torik. Mokngang sini' midi ka ya tim profet arantagim a Moses wari kuma' tonga abiging wara'ganang didimengsa' kadofigu' wara'ning unggungsa' yaranga torik.

Ap 7:35

Ka Moses ka wa tim Isrel amine wari kadagang ning tonga a gu indining girii iikga' wa ni' wari gipmigu' ning aninga bibi' kuma' nakngamging unggungsa' ka Anutu wari adiganang kadofinga ensel ka firi kudip dagu' wara'ning mini sanom ganang ning anigu', gu Isrel aming ning girii a yotangkayap aming ning gipmirik.

HIBRU Midi umpang aming nua'ni wari Juda amingga' yokiamgu' 1:1

Ka timinggi'sini' Anutu wari Juda indining papane ga' midi a napa' fam tiamonga iragu' wa midi iyang ning kadapmang wa usap. Abanga midi togadofi aming profet undu' usap wara' Anutu adi u iniinga wari naknga iniaging.

HIBRU Midi umpang aming nua'ni wari Juda amingga' yokiamgu' 1:2

A inga' sini' ka napa'napa' kabi'sini' biwanga tara' ganang ikem yara'ganang wa Anutu wari midi wa ananing mindingni ning mini ganang nininga nakem. Ka timinggi'sini' Anutu wari kama kunim mayap mayam a bam a napa'napa' kababi' u defata' u tugu' wa mindingni' ka u kamiinga tugu'. Abanga mindingni ka wa Anutu wari inga' adining napa'napa' dabik wara'ning tuang iik waraga' kuma' tipkasiregu'.