JON Anutuning midi kareng Jon wari yoku' 7:30 - Anutuning midi totangka ingaʼni

³⁰ Ka aming girisi adi Jisas ning midi u naknga kabaksi' kadagang naknga ning tanga uuk titiga' bemtam ning tonga kuma' tiging. Ka mokngang, adining kama wa ko mo' kadofigu' wara' mamareng tanga kabiinga mugo tugu'.

JON Anutuning midi kareng Jon wari yoku' 7:30 ပူးပေါင်းရင်းမြစ်များ

MATYU Anutuning midi kareng Matyu wari yoku' 12:14

Ka Farisi arantagim adi Jisas wari aming u sabat ganang tipkarendagu' u kane titining ningda'ning kanga o kadagang tara' ning tonga kabaksi' kadagang sini' naking. Ning tanga marara siring yak u kabinga fugang afanga ning tanga Jisas u ugumak sini' titi waraga' midi tonga naking.

MATYU Anutuning midi kareng Matyu wari yoku' 21:46

Ning tanga Jisas ga' kabaksi' kadagang nakngama bimbem titiga' ning tonga kuma' suking. Ka aming arantagim wari Jisas wa aming girii profet ningda'ning kaging waraga' tanga indi bimbem tantam wa aming wari kabaksi' kadagang ma naknimni' ning tonga sura kagabisa' tinga mugo tugu'.

MAK Anutuning midi kareng Mak wari yoku' 11:18

Ka Juda ning pris a sasuk aming girisi adi Jisas wari aming siring yak ganang yangkagaregu', a midi kareng ituainga aming kabi'mo' wari adining midi u kuni' nua'ni sini' naknga kabaksi' marara fabiaging wara'ning midi u naknga aming wari adisa' ma yarasasu'nani' ning tonga mutu tanga uuk titi waraga' midi tonga naking.

LUK Anutuning midi kareng Luk wari yoku' 20:19

Ka sasuk aming a pris girisi adi Jisas wari midi ka u togu' wa anasita' unggung sura togu' ning u kuma' nakedanga Jisas ga' kabaksi' kadagang nakngamging. Ning tanga bimbem titiga'sa' kuma' suking. Ka ami taming kabi'mo' ka Jisas ning midi nakonga Jisas ganang bak girii tiging waraga' tanga kagabi tiging.

LUK Anutuning midi kareng Luk wari yoku' 22:53

Na fikifiki siring yak girii ganang unggung anga famotik ka sidi bemnap ga' naknga wa ning ganang kuma' bemnabonga tiging. Ka indining tanga sidi kami tiim yara'ganangsa' bemnabonga abing. Beng sini' tiim kangkam ya aming kadagang Setan guk sidining kama sini' wara' sidi kamisa' bemnabonga abing yang ning yanggu'.

JON Anutuning midi kareng Jon wari yoku' 10:31

Ka Juda ning aming girisi wari Jisas ning midi ka u naknga banaksi' giptanga uuk tonga uningkim kwak do manggakyangaging.

JON Anutuning midi kareng Jon wari yoku' 10:39

Ning tinga aming girisi adi Jisas wari midi kigineng ka u yanggu' u naknga kabaksi' kadagang sini' naknga banaksi' giptanga nua'bu bemtam ning tonga tiging. Ka mokngang Jisas adi urapsa' kuma' irafira fugang kadofinga anga ibinga mugo tugu'.

JON Anutuning midi kareng Jon wari yoku' 11:57

Ka aming girisi ka Farisi a pris girisi adi aming wari Jisas u indeng kataunga wa adiganang urapsa' anga kadofinga ininga adibu Jisas u bimbem waraga' kuma' yangtangkaging.

JON Anutuning midi kareng Jon wari yoku' 7:19

Beng sini' Moses wari Anutuning kadapmang tang wa aming ka sidita'sa' samgu'. Ka sidi kadapmang didimeng ka wa kafakafa guk mo' yareting wara' sidi nugumak titiga' suking udi kuma' sabarik.

JON Anutuning midi kareng Jon wari yoku' 7:32

Ka Farisi arantagim adi midi ka ami taming wari Jisas ga' naknga tonga yareging u naknga kabaksi' kadagang naknga pris girisi guk midi ka Jisas u iyung bema dasi waraga' tonga naknga ning tanga siring yak girii ning plisman fam u yangkareinga aging.

JON Anutuning midi kareng Jon wari yoku' 7:6

Ka Jisas wari ning yanggu', kama ka naga kane tangkunang amingning dasi'ganang tinga kaga wara'ning wa ko mo' kadofinamara', mokngang. Adi aming fam sidi wa giri,

JON Anutuning midi kareng Jon wari yoku' 7:8

Ka kami ya naga mugo ning kama didimeng mo' wara' na urapsa' mo' autik, sidisa' wa giri mani'.

JON Anutuning midi kareng Jon wari yoku' 8:20

Ka Jisas wari midi ka u yanggu' wa adi siring yak girii tempel ning sinim iyung bane gaga ka Anutuga' ofa kukngamiaging ganang tara' u ami taming mera fayanggeku' u tanga yanggu'. Ka wara'ganang wa Jisas adi midi mamareng sarengsa' ininga Farisi aming adi kabaksi' kadagang sini' nakngamging de, ka adining kama ko mo' kadofigu' waraga' tanga adi kadagang tantaramik ga' mo' bemging.

JON Anutuning midi kareng Jon wari yoku' 8:37

Ka sidi Ebraham ning arane arantagim ning toing wa giri nandu' kuma' nakarik beng guk toing. Ka sidi ning sanarik, naning midi ga' naktangka kabi'guk mo' tanga naga nugumaronga ting.

JON Anutuning midi kareng Jon wari yoku' 8:59

Ning tinga Juda aming wari u naknga kabaksi' kadagang sini' naknga uningkim kwak wari ukantam ning tonga tiging. Ka mokngang Jisas adi fugang kapmo'sa' kuma' kadofinga afanga siring yak girii u kabinga mugo tugu'.

JON Anutuning midi kareng Jon wari yoku' 9:4

Ka sidi aming wari kane titing wara'ning kadapmang wa kuma'sa' naking, adi kane wa sidii ganangsa' tanga anganga kama gareinga wa kagabi titing. Ka nandu' ningsa', na Anutu wari adining kane titiga' nangkaregu' wara' na kane wa kama sidii ningda'ning adera' yara'ganangsa' titi ning. A inga' mamareng nua'ni ka kama kangkam ningda'ning wari kadofo' wara'ganang wa kane titi ning mo'.