JON Anutuning midi kareng Jon wari yoku' 4:43 - Anutuning midi totangka ingaʼni

⁴³ Ning tanga deia' Jisas se' adi Sameria tibi ning yong Saika ka u kabinga kama tubo Galili tara' waraga' mugo tiging.

JON Anutuning midi kareng Jon wari yoku' 4:43 ပူးပေါင်းရင်းမြစ်များ

MATYU Anutuning midi kareng Matyu wari yoku' 4:13

Ka adi u anga kadofinga wa ananing yong ki Nasaret u mo' anga yagu', mokngang adi Nasaret wa tatarafik sa' tanga anga Kapaneam yong ga' agu'. Ka Kapaneam yong wa Galili gwang gaga ganang, ka kama dibing ka wa Sebyulan guk ka Naftalai guk adisining papase arantagim wara'sining kama waraga' mugogu'.

JON Anutuning midi kareng Jon wari yoku' 1:42

Ning tanga deia' kuyangni Saimon ubu nagira Jisas kaunga tubobu agumu'. Anga kadofiinga Jisas wari Saimon u kanga ning anigu', a Jon ning mindingni Saimon udi gu iba. Ka kami guning wap inga'ni Sifas ning ubu gotik. Ka wap ka Sifas guk ka Pita guk wara'ning kini wa kubaniksa' ka uningkim katapineng ning toyaging u anigu'.

JON Anutuning midi kareng Jon wari yoku' 4:44

Ka Jisas adi ananing yong ki Galili aming wari bibi' nakngam wara'ning u tim kuma' nakedanga ning togu', midi tokadofi aming profet wa anasining yong ki adi bibi' nakyamiting. Ka Jisas adi kadapmang ka aming wari bibi' nakngam ning u kuma' nakedagu' de ka adi bibi' mo' naku', mokngang adi au sa' tugu'.

JON Anutuning midi kareng Jon wari yoku' 4:46

Ka Jisas adi kama tubo Galili wara'ning yong nua'ni Kena ka tim ana ama kaa' tipfareinga wain urang igiku' u nua'bu anga kadofigu'. Ka kama tubo Galili tara' wara'ning king ning kane aming ofisa girii nua'ni ka Kapaneam yong u itarugu' wara'ning mindingni udi bagana agik mamareng sini' tanga defagu'. Ka saba kabasi' wara'ning beni adi Jisas wari kama tubo Judia kabinga Galili u kuma' anga kadofigu' wara'ning midi u naknga Jisas u kaunga Kena yongga' urapsa' abugu'. Abanga kadofinga Jisas u tangkunang sini' ning anigu', o girii naning sabana udi bagana agik mamareng sini' kabi'sini' kumarota'. Ka gu naganing yongganang do unggung anga tipkarendanam te'.

ROM Midi umpang Pol wari Rom aming ga' yokiamgu' 15:8

Ka midi ka u torik wara'ning ki wa ning, Kasira Aming Jisas wari aming dabiksa' yotangkanip waraga' sura tim ka Juda arantagim ning bining ganang u kadofinga ning tanga adisining kane aming sige slev ning yagu'. Adi midi ka timinggi' Anutu wari Juda arantagim ning papase ganang aming ga' kafakafa tiam waraga' totangkagu' wara'ning beng u afanga tipkadofigu'.