JON Anutuning midi kareng Jon wari yoku' 20:1 - Anutuning midi totangka ingaʼni

¹ Ning tanga tiim fama' deia' sande kamindap gaa' fabubareng sini' ganang ka Maria Magdalani wari Jisas ning fugu ka kama ginang ganang kamiging u kaunga marara agu'. Anga kadofinga kagu' ka uningkim ka kama ginang wara'ning de isefinga kabiging udi kuma' kadara fidegu'.

JON Anutuning midi kareng Jon wari yoku' 20:1 ပူးပေါင်းရင်းမြစ်များ

MATYU Anutuning midi kareng Matyu wari yoku' 27:56

Ka taming fam wara'sining wapsi' wa ning, Maria Makdalani a Maria nua'ni ka Jems ya Josep ya ning mamangsi' a nua'ni ka Sebedi ning tamni Jems ya Jon ya ning mamangsi' ning wari fidenga fagaging.

MATYU Anutuning midi kareng Matyu wari yoku' 27:60

Tumura ning tanga bema tonga kama ginang inga'ni sini' ka Josep anata' sura unanga kabigu' wara'ganang tonga dasigu'. Ning tanga uningkim pampangareng girii nua'ni u tipdaranga bema tonga kama ginang wara'ning de u isefitangkanga kabinga ning tanga yoringga' mugo tugu'.

MATYU Anutuning midi kareng Matyu wari yoku' 27:64

Ka arantagimni wari fuguni u kapmo' anga bema, ai kuma' marara' ning wa ami taming sige ma yangni'. Wara' Pailat gu soldia fam yangkareinga anga adining kusik u kama faminengning som tangkunang katatoranting. A indi ning guk mo' tantam wa adi fugu u kapmo' beminga adining midi mandaga' ka tim togu' wari wara'ganang wa girii nua'bu ma girawa'.

MATYU Anutuning midi kareng Matyu wari yoku' 27:66

Ning tanga Juda arantagim wari Pailat ning ami'ning aming arantagim fam u inagira anga Jisas ning kama ginang de u aming wari mo' kagadak waraga' napa' fam u nua'bu manggara fabanga so tangkunang sini' tanga kabinga ning tanga ami'ning aming inagira aging u kukyabinga Jisas ning kusik u katatoranga fideging.

MATYU Anutuning midi kareng Matyu wari yoku' 28:1

Ka Juda arantagim ning mengkura girii ka sabat u kanga tanga defaging wari biinga kama ka sande fagagu' wara'ning kamindap gaa' fabubureng ganang wa taming fama' ka Maria Makdalani guk ka Maria nua'ni guk wari Jisas ning fugu kungkumong ka kama ginang ganang tonga kufaging u kaunga marara agumu'.

MATYU Anutuning midi kareng Matyu wari yoku' 28:2

Ka taming fama' wari kadapmang bining ko aramugogumu' ganang ka girii ning ensel wari kunimganang kuta afanga Jisas ning kusik ganang u kadofiinga kining girii wari kadofigu'. Ning tanga ensel wari uningkim pampangareng girii ka Jisas ning kama ginang de isefiging u tipdaranga tonga gaga irara ning tanga uningkim wara'ning furo'ning ganang unggung mareiagu'.

MAK Anutuning midi kareng Mak wari yoku' 15:46

Ning tinga Josep wari aming fam ganang kwi' fafa' inga'ni kareng u tonga bema abanga Jisas ning fugu kungkumong firi ugari ganang fidegu' u tatarang bema kamanga ning tanga kwi' fafa' wari tumuku'. Tumura ning tanga bema tonga kama ginang ka tim kuma' unanga kabiging wara'ganang kufara ning tanga kama ginang wara'ning de wa uningkim pampangareng girii nua'ni u tipdaranga tabanga isefi tangkanga kabigu'.

MAK Anutuning midi kareng Mak wari yoku' 16:9

(Ka Jisas adi tubobu kuma' marara anga sande kamindapking ganang tim munumung sini' ka Maria Magdalani wara'ganang kadofigu'. Taming ka wa tim Jisas ana mini unggo kadagasi seven ning tanga igukngamgu' wara'ganang kadofigu'.

JON Anutuning midi kareng Jon wari yoku' 11:38

Ning tanga Jisas adi kaba mamareng girii sini' nua'bu naknga yaura agu'. Anganga kama ginang ka Lasaras kamiging wara'ganang kadofiging. Kama ginang ka wa kama bubo ganang dabak unanga aging ka ginang u tubobu iisefi wara'ning wa uningkim pampangareng girii wari isefinga kabiging.

JON Anutuning midi kareng Jon wari yoku' 11:41

Ning tanga aming wari uningkim u kadakinga Jisas wari kunimganang kuta taranga denga beni Anutuga' ibang ning togu', o sibeng gu naning midi naknam sa' tarang waraga' tanga na guta' asekna ning ganarik.

JON Anutuning midi kareng Jon wari yoku' 19:25

Ka taming fama'gong fama'gong ka Maria ka Jisas ananing mengni wara'guk ka kuyangni Maria nua'ni ka Klopas ning tamni abanga Maria ka yong Magdalani ning adindu' Jisas ning firi ugari ganang du' unggung fidenga fakaging.

JON Anutuning midi kareng Jon wari yoku' 20:26

Ning tanga iya' sande kubanik u kuma' kabinga ning tanga yak wara'ganang ka Jisas ning arantagimni fam wara'guk ka Tomas anagok dabik ubu amanga mareiaging. Ka dua udi kuma' isefitangkaging. Ka Jisas wari iyung bane ganang unggung urapsa' kadofinga arantagimni ning bining ganang u adenga ning yanggu', amane sidi kabaksi' kugurangsa' naknga marekni'.

Ap 20:7

Ka Troas yong unggung sarare tiim ganang ka indi yong wara'ni naktangka aming guk gom nonga bak tugum. Ka indi kamindapning wa ibinga mugo titining wara' Pol adi ami taming ga' midi ari' ituaimgu'. Ka adi midi wa paramu'sini' tonga anganga tiim bining sini' kadofigu'.

1 Kor 16:2

Ka wa ning, sidi sande fikifiki ganang wa uningkim mambong ka kanesi'ganang tanga manggaking u dibing kabi' ka sida kubanik kubanik udaga titiga' kuma' suking wara'ganangsa' udanga sidaning yakganang unggung bak kura fani'. Ning tanga ira fanting wara' inga' naga anga kadofiinga wa sidi kane girii guk mo' tanga siasa' manggara nama yarani'.

REVELESEN Anutu wari Jon ga' Girii Jisas ning ki anatintingneinga kagu' 1:10

Ka mengkura ning kama sande nua'niganang Anutuning mini unggo wari naganing kabakna ganang i mimeng tonanga nifitangka tinga nakuk wa midi nua'ni wari sigina ganang do be gigi da'ning kadofigu'.