JON Anutuning midi kareng Jon wari yoku' 18:20 - Anutuning midi totangka ingaʼni

²⁰ Ka Jisas adi ning togu', na midi wa kapmo' guk mo' tugutik. Mokngang na aming dabik ning maasi' ganang sarengsa' tuguinga nakiting. Na fikifiki siring yak fam a siring yak girii tempel a kama ka Juda aming wari bak kukiting wara'ganangsa' yangara sarengsa' ituanga yaretik.

JON Anutuning midi kareng Jon wari yoku' 18:20 ပူးပေါင်းရင်းမြစ်များ

MATYU Anutuning midi kareng Matyu wari yoku' 24:26

Ka Amingning Tim Iyak naga tubobu abubu wara'ning wa na kapmo'sa' abubu ning guk mokngang. Wara' aming nua'ni wari ning saninga ai, aming girii urang udi tubo do kuma' kadofinga tanga abara' wa ma kuma' kadofigu' ingging yang ning tuguinga wa sidi mo'sini' nakni', mokngang. Naga afufu wara'ning wa kadapmang nua'ni ka tifik girii da'ning urapsa' kadofiinga aming aming dabiksa' ka kamaganang ikiting adi u kanga urapsa' kuma' nakedani'ga'.

MATYU Anutuning midi kareng Matyu wari yoku' 26:55

Ning tanga Jisas wari aming arantagim ka bimbem tiging u ning ifang yanggu', ai indining. Sidi naga ya aming kadagang titining ning ba nabing wara' sidi nanuk tonga kwak a bainat tanga maraknaming. Na fikifiki siring yak ganang amanga ami taming inggera fiaretik ka sidi bemnap ga' naknga wa ning ganang kuma' bemnabonga tiging. Ka sidi kamisa' wa indining tanga tiim guk abanga bemnabing.

MATYU Anutuning midi kareng Matyu wari yoku' 26:65

Ka pris girii adi Jisas ning midi u naknga kaba kadagang sini' naknga bane giptanga ananing kwi' kangkama u ibaramara midi tangkunang sini' ning togu', ai napa' girii sini' ka adi Anutuning wap anikigera nakem. Indi adining kadagang waraga' aming nua'bu mo' yangkantam, midi kadagang wa ana sirengsa' kuma' tora' u nakni'.

MATYU Anutuning midi kareng Matyu wari yoku' 4:23

Ka Jisas wari kama tubo Galili tara' wara'ning yong yong u yangara adisining siring yaksi' ganang amanga Anutuning midi kareng ka kama ka aming wari Anutuning bining ganang iik wari kagadofi wara'ning u ituaima yaranga ning tanga aming ka bagana kadagasi kuni' kuni' guk undu' ifakarenda ning tanga yaregu'.

MATYU Anutuning midi kareng Matyu wari yoku' 9:35

Ka Jisas wari yong ka u kabinga ning tanga marara kama tubo Galili tara' wara'ning yong yong u yangara adisining siring yaksi'ganang amanga Anutuning midi kareng ka Anutuning bining kareng wari kagadofi wara'ning u ituaima yaranga ning tanga aming ka bagana kadagasi kuni' kuni' guk undu' ifakarenda ning tanga yaregu'.

MAK Anutuning midi kareng Mak wari yoku' 8:32

Jisas wari midi sirengsa' u iniinga naknga Pita adi midi ka waraga' bibi' naknga ning tanga anga Jisas ning kafong u wenga kabi'ning nagira tonga ning anisefigu', ai girii gu midi ka guguk tinga kungkumak guk wa indining torang, wa midi kadagang torang nakarik.

LUK Anutuning midi kareng Luk wari yoku' 21:37

Ning tanga fikifiki Jisas adi siring yak girii tempel wara'ganang amanga ami taming u Anutuning midi kareng fianggetarugu'. Yanggera anganga kama garonga tinga wa adi Jerusalem yong girii u kabinga ning tanga kama bubo wapni Oliv u deronga famarugu'.

JON Anutuning midi kareng Jon wari yoku' 18:21

Ka waraga' wa naga mo' nanotang. Gu aming ka midi ka naga u faituatik fanakiting u yangkautang udi kuma'sa' gangting.

JON Anutuning midi kareng Jon wari yoku' 6:59

Ka Jisas wari midi ka u yanggu' wa Kapaneam yong ning siring yak ganang amanga yanggeku' u tanga ina yaregu'.

JON Anutuning midi kareng Jon wari yoku' 7:14

Ka sande girii kanga faging wara'ning kama fam ko adeinga Jisas adi inga' anga kadofinga ning tanga siring yak ganang amanga ami taming yanggeku'.

JON Anutuning midi kareng Jon wari yoku' 7:26

Ka adi midi sarengsa' kuma' abanga fidenga fatora' ya sasuk aming ka ni adining midi karangkang ni guk mo' tangaming. Ya kagabi sa' tinga fidenga fatora' idi. Ma, aming girisi adi Kasira Aming sini' ning ubu kanga kagabi ubu unda' ting.

JON Anutuning midi kareng Jon wari yoku' 7:28

Ka Jisas adi siring yak girii ganang unggung ami taming u yanggera adenga midi sarengsa' ning togu', a sidi naga napkedanga a naganing yong ki nakedanga ning ba ting. Ka ning sanotik, na yong ka sidi ikiting yara'ni mo'. Abanga na naganing sasuksa' mo' tanga abuguk. Mokngang na aming kadapmang beng guk tuang adigok kubap iya' nangkareinga abuguk. Aming ka wa sidi mo' kating. Na kubap ikitamuk wara' nagasa' wa giri katik ning togu'.

JON Anutuning midi kareng Jon wari yoku' 7:4

Aming ka wap girii bimbem ga' naknga wa adi kane kareng kapmo'sa' mo' fatota'. Mokngang adi amingning dasi'ganang sareng tinga kanga wa giri adining wap bema aranga adisining girisi' ning kanting. Wara' gu aming dabik ning dasi'ganang sareng ubu anga tinga aming wari dabik gapsasu'nanting.

JON Anutuning midi kareng Jon wari yoku' 8:2

Anga deia' kamindap gaa' sini' siring yak girii tempel ga' tubobu abugu'. Ka tempel gaga wara'ganang ka ami taming kabi'mo' wari adiganang bak nua'bu abanga kukinga mera yanggek fatugu'.

JON Anutuning midi kareng Jon wari yoku' 8:26

Ka na midi kabi'mo' ka sidining kadagang waraga' wa ko sanotik. Ning tinga sidi waraga' kabaksi' mamareng naknga nagata' bibi' naknamting de, ka aming ka naga nangkaregu' wa midi beng guk tuang wari nangkareinga abuguk. Wara' na nasi' midi ka adi nanita' unggungsa' wa ami taming kamaganangni ga' faituaimitik.

Ap 26:26

Ka beng sini' midi ka u tonga yararik wara'ning ki wa king Agripa adindu' fafongsa' wara' na adining de ganang wa sarengsa' tokadofinga yararik yang. Ka napa' ka u kadofigu' tonga yararik wa kapmo' mo' kadofigu', sarengsa' kadofigu'. Wara' na ning sutik ka king Agripa adindu' kuma'sa' kanga naknga ita'.