JON Anutuning midi kareng Jon wari yoku' 15:14 - Anutuning midi totangka ingaʼni

¹⁴ Ka amine ka adisita' siamo' naknga yotangkayap ga' u torik wa naganing arantagim sidisa'. Wara' sidi naning midi ninaksa' tinting wa naganing amane arantagim sini' ning ikanting.

JON Anutuning midi kareng Jon wari yoku' 15:14 ပူးပေါင်းရင်းမြစ်များ

MATYU Anutuning midi kareng Matyu wari yoku' 12:50

Beng sini' ning sanotik, aming ka naganing babangna kunimganang ita' wara'ning midi u ninaksa' tota' wa adi naganing kuyana a kuyana taming a mamangna sini' ning irota' ning togu'.

LUK Anutuning midi kareng Luk wari yoku' 12:4

Ka amine sidi mutu wa aming wari fuksi'sa' sidifikumak ning waraga' mo' sura tinting. Mokngang sidi mutu kubanik wa Anutuga'sa' tinting. Anutu anapmo' kubaniksa' wa aming ning fugu a uringni guk dabiksa' u kudip kadaganng ganang tipmirisasu'na wara'ning kigineng girii guk ikita' wara' sidi mutu wa adita'sa' tinting.

JON Anutuning midi kareng Jon wari yoku' 13:17

Ka naganing kane aming sidindu' ningsa'. Sidi kadapmang kareng titi wara'ning ki ka u sangtintingnanga fabarik u kanga yaranga titisa' tinting wa Anutu wari kabaksi' kugurang saminga sidi kabaksi' kareng guk nakgna ikanting.

JON Anutuning midi kareng Jon wari yoku' 14:15

Ka Jisas wari arantagimni u nua'bu yanggu', sidi nagata' sini' naknga wa kadapmang kareng ka midi ka naga sidi titiga' sanitik u yarasa' tinting.

JON Anutuning midi kareng Jon wari yoku' 14:21

Aming ka naganing midi ga'sa' naknga ninaksa' tanga tota' warisa' wa nagata' beng sini' nakara'. Ning tinga sibeng adi aming ka waraga'sa' nakota' a nandu' adita'sa' naknga naning sasuk mang sini' u anatintingneinga kasasu'nanga irota' ning yanggu'.

JON Anutuning midi kareng Jon wari yoku' 14:28

Ka midi ka naga sibinga anga tubobu abanga sap wara'ning wa tim kuma' saninga naknging. Ka sidi nagata' sini' udep naking wa sidi midi ka naga sibeng kaunga mugo ga' torik u naknga wa waraga' kabaksi' karengsa' nakanting. Ka beng sini' sibeng ka u kaunga autik wa naganing ki sini' waraga' tubobu autik.

JON Anutuning midi kareng Jon wari yoku' 2:5

Ka mengni wari Jisas ning midi u naknga anga aming ka nana iyam kane tiging u midi sasagap ning yanggu', kuma' anirik, adi nasi' kane ni ka titiga' udep saninga wa sidi nakngam sa' tanga tinting.

Jems 2:23

Ka waraga' wa tim umpang ganang ning kuma' yoking, Ebraham adi Anutuning midi u naknga beng guk ning togu' wara' Anutu wari adining naktangka u kanga aming didimeng ning anigu'. Ning tinga adining kadapmang didimeng ka mindingni Aisak ganang u titiga' aigasa' tugu' wari midi ka Anutu wari aming didimeng ning anigu' u sareng sini' tipkadofigu'. Ka Abraham ning naktangka beng guk waraga' ka Anutu wari midi kigineng nua'ni togu' wa ning yoking, Ebraham wa Anutu wari amina ning undu' anigu', ning yoking.

1 Jon 5:3

Beng sini' midi ka aming wari Anutuga' ninak wara'ning ki sini' wa adi Anutuning midi kadapmang u ninaksa' tanga yarota'. Ka Anutuning midi wa mamareng mo' ararangeng karengsa'.