JON Anutuning midi kareng Jon wari yoku' 10:28 - Anutuning midi totangka ingaʼni

²⁸ Ning tanga na adisita' ka' iyak kareng ka fikifiki ningsa' iikning u kabiaminga adi kadaga guk mo' tini'. Abanga aming nua'ni wari nua'bu nuromkubuna ning guk mokngang.

JON Anutuning midi kareng Jon wari yoku' 10:28 ပူးပေါင်းရင်းမြစ်များ

MAK Anutuning midi kareng Mak wari yoku' 13:22

Beng sini' kama ka wara'ganang wa mandaga' aming kabi'mo' wari kadofinga abani'ga'. Abanga ning toni', na Anutuning Kasira Aming a fam ka na midi togadofi aming profet girii ning tonga napa'napa' tangkunasi' fam u beng sini' da'ning tanga yarani'ga'. Ning tinga aming arantagim ka Anutu wari ifakasirineinga adita' naktangka kuma' tanga ikni' adindu' bengsa' ba ning tonga manga iwak sa' titiga' da'ning tini'ga'.

LUK Anutuning midi kareng Luk wari yoku' 23:46

Ning tanga Jisas wari kungkumak tonga ku ning katigu', o sibeng naganing urana guning kafaga ganang kuma' kabirik wang. Ning tonga kungkumak wadigi' tugu'.

JON Anutuning midi kareng Jon wari yoku' 10:29

Ka naning sibeng ka u ibinamgu' wa kigineng girii sini' guk ikita' wara' napa' ka adi naganing kafana ganang kuma' ibinamgu' wa sibeng ana yaptatoreinga iking. Wara' aming nua'ni wari nua'bu udayap ning guk mokngang.

JON Anutuning midi kareng Jon wari yoku' 11:25

Ka Jisas wari ning anigu', beng sini' torik aming wari tubobu mamarak wara'ning ki wa naga yang. Abanga ka' iyak ning ki undu' nagasa'. Aming ka nagata' naktangka kuma' tanga irota' adi kungkumak udi giri tota' ka adi ka' tubobu kuma'sa' irota'.

JON Anutuning midi kareng Jon wari yoku' 14:19

Ka na kabi'sini' mautik. Ning tinga aming ka kamaganangni ga'sa' sura iking adi nua' mo' napminting. Ka sidi giri, tubobu kuma'sa' napni'ga'. Ka na ka' ningsa' iik wara'ning. Ka sidindu' nagaganang yorafanga iking wa ka' ningsa' ikanting. Ka sidi naga ka' ningsa' irok wa kuma' napni'ga'.

JON Anutuning midi kareng Jon wari yoku' 17:2

Gu sabaga nagata' wap girii ka Amingning Tim Iyak aming iik u kuma' namgung wara' aming arantagim ka gu nagata' kuma' ibinamgung wa naga ka' iyak iminga adi ka' fikifiki ningsa' iik wara'ning.

JON Anutuning midi kareng Jon wari yoku' 18:9

(Ka Jisas adi midi ka arantagimni ga' u togu' wa tim beni Anutuga' ibang tonga ganang ka arantagim ka gu namgung ya ni ka kadaga guk mo' tara' ning urang togu' wara'ning wa gi'sa' ibiinga mugo ga' u yanggu' wang.)

JON Anutuning midi kareng Jon wari yoku' 3:36

Ka aming ka Anutuning mindingni ga' naktangka tota' wa adi ka' iik kareng ka fikifiki ningsa' iik wara'guk irota'. A aming ka adining mindingni ning midi wara'guk mo' yarota' wa adi ka' kareng bema iik ning guk mokngang. Adi Anutu wari kagaya amimi wara'ningsa' irota'.

JON Anutuning midi kareng Jon wari yoku' 4:14

A aming ka ama ka naga amotik u topnota' wa adi inga' ama ga' mini nua'bu guk mo' pamparangauta'. Mokngang adi ama ka wari amanga kaba ganang do ira ama de da'ning fikifiki ningsa' fakadofota'. Ning tanga aming u yotangkangaminga adi fikifiki ka' ningsa' ira auta'.

JON Anutuning midi kareng Jon wari yoku' 5:24

Beng guk sini' urang sanarik, aming ka naning midi u ninaksa' tanga sibeng ka nangkara tinga afuguk waraga' undu' naktangka tota' wa giri, adi ka' fikifiki ningsa' iik wara'ning. Adi Anutuning midi kigineng ganang guk mo' adewa', mokngang adi bagi ka kungkumak titi wara'ning u kabinga ka' iikning ganang ubu kuma' ita'.

JON Anutuning midi kareng Jon wari yoku' 6:27

Ka beng sini' ning sanotik, sidi kane tangkunang ka nana ka tangkunang guk mokngang urapsa' kuma' bataga ning waraga' mo' sura tinting. Mokngang sidi nana tangkunang guk kareng ka yotangkasap tinga ka' fikifiki ningsa' iik wara'ning waraga'sa' wa giri sukanting. Ka nana tangkunang ka wa sibeng Anutu wari Amingning Tim Iyak naga girisa' iyamning ning napma nagata' tangkunang kuma' namgu' wara' nana ka wa nagasa' sansam wara'ning.

JON Anutuning midi kareng Jon wari yoku' 6:37

Beng sini' aming dabiksa' ka sibeng wari nagata' nanam ning wa nagata' naktangka tanga nagaganang iik wara'ning. Ka aming nagananang kuma' ikanting wa na tubobu yangkagare ning guk mokngang sini', adi nagok kafakafa gi' ningsa' ira au wara'ning.

JON Anutuning midi kareng Jon wari yoku' 6:47

Ka beng guk sini' urang sanarik, aming ka nagata' naktangka tota' adi ka' iyak kareng ka fikifiki ningsa' bema irota'.

JON Anutuning midi kareng Jon wari yoku' 6:68

Ka Saimon Pita wari ning anigu', o girii indi gu i gibinga anga wa nisi' ganang ironga. Mokngang gapmo' kubaniksa' wa ka' iyak titi wara'ning midi kareng guk nimarang.

Ap 7:59

Ka adi Stiven u arauking ganang ka Stiven adi ibang ning togu', o girii Jisas gu naganing urana i beme'.

ROM Midi umpang Pol wari Rom aming ga' yokiamgu' 5:17

Ka aming kubaniksa' Adam wari kadagang tugu'. Ka kadagang ka wari kungkumak tipkadofiinga kungkumak warisa' aming aming u niptatorasasu'negu'. Ka inga' kane kareng ka aming kubaniksa' ka Kasira Aming Jisas wari tugu' wara'ganang wa Anutu wari adining ai'dap a bibiri' girii warisa' tanga kadagang ning kigineng u tipmirisasu'nanga wap ka aming didimeng ning u nininga ikem. Ning tanga indi wap ka wara'guk ira girii Jisas guk tim iyak tanga ka' ira adigok napa'napa' dabik u yaptatoranam ga'.

ROM Midi umpang Pol wari Rom aming ga' yokiamgu' 5:2

Ka iik kareng ka Anutu wari ai'dap kareng tanimgu' wara'ganang u ikem wa girii Jisas kubaniksa' wari tanimgu'. Ka indi u kanga iik inga'ni kareng sini' ka inga' Anutu guk adining yongganang anga ira adining tangkunang girii guk iknam waraga' suktangkanga ira kabakni' karengsa' naknga mesisiringa sini' tanga ikem.

ROM Midi umpang Pol wari Rom aming ga' yokiamgu' 5:21

Tim kadagang wari girii ning ira aming yaptatoreinga aming adi mamareng a kudip kadagang ganang kungkumak wara'ning mutu girii guk yaging. Ka kadagang wari u yaptatoregu' ningsa' inga' yara'ganang undu' kane kareng ka girini' Kasira Aming Jisas wari tugu' warisa' tanga Anutuning ai'dap wara'ning kigineng girii wari aming u niptatorasasu'neinga indi adining arantagim ka wap aming didimesi ning wara'guk ira ka' fikifiki ningsa' ira au wara'ning.

ROM Midi umpang Pol wari Rom aming ga' yokiamgu' 5:9

Beng guk sini' Jisas wari indi yotangkanip ga' tanga sura kumura adining amaani kwasinegu' warisa' tanga wa indining kadagang u yotiknimsasu'negu'. Ning tinga Anutu wari wap aming didimesi ning u ninara'. Wara' indi ning nakantam, Jisas adi yotangkanip titiga' kane kigineng kuma' tugu' wara' adi inga' undu' kabi'mo' kuma'sa' yotangkanibinga indi Anutuning kaba kagaya ka Anutu wari indining kadagang wara'ning toni kura'bu ninim waraga' sukita' wara'guk mo' bemnam ga'.

ROM Midi umpang Pol wari Rom aming ga' yokiamgu' 6:23

Beng sini' aming ka kadapmang kadagang ning kapmik ira wara'ning kanesa' tanga irota' wa adi kane wara'ning toni ka kungkumak sa' katauta'. A aming ka Anutuning kapmik ganang ikem indi napa' girii kareng ka Anutu wari ananing ai' dap kareng tubosa' tanima indi dabik u fabanga girini' Kasira Aming Jisas guk bak kuknibinga adigok ka' fikifiki ningsa' iik u ninim wara'ningsa'.

ROM Midi umpang Pol wari Rom aming ga' yokiamgu' 8:1

Ka beng sini' ami taming ka Kasira Aming Jisas ga' naktangka tanga adiganang sa' garanga ikem indiganang wa midi ka ni ka indining kadagang waraga' kagaya bimbem waraga' guk mo' tuguta', mokngang sini'.

ROM Midi umpang Pol wari Rom aming ga' yokiamgu' 8:29

Wa ning, Anutu adi aming kubanik kubanik indi anata' manggaknip waraga' timinggi' kuma' indifikasiranagu' wa adi ning sura indifikasiregu', o adi aming didimesi karesi ka naganing sabana ningyara' ubu ikinga naning sabana adi kadapmang didimeng wara'ning tim iyak aming ning ikiamota' ning tonga indifikasiregu'.

FILIPAI Midi umpang Pol wari Filipai amingga' yokiamgu' 1:6

Ka beng sini' sidining kadapmang kareng waraga' wa ning toutik, kadapmang ka wa Anutu anasa' tipmaragu' wara' adi sisibi guk mo' tota', mokngang, adi yotangkasap tinga sidi kadapmang kareng ko ningsa' tanga ira anganga inga' kama ari' ka kama kunim wari bibi' tonga tinga aming wari o Kasira Aming Jisas adi girii beng sini' ning toni' wara'ganangsa' kabani'ga'.

2 TESALONAIKA 2:13

Ka kuyane sidi aming kadagasi arantagim ka ningwara' mo', mokngang, sidi aming arantagim ka Anutu wari sidita' siamo' nakita' wara' indi sidita' sura fikifiki Anutuga' mesisiringa sa' titi wara'ning ning kuma' ikem. Anutu adi sidita' ananing mini unggo saminga sidi adining midi beng guk u naknga ning tanga adining arantagim didimeng kareng ning ira kareng gi' giri ningsa' iik waraga' timinggi' kuma' suku' ganangsa' sifikasiregu'. Ka indi waraga' sura Anutuga' mesisiringa sa' fatem.

1 Timoti 1:16

Ka Kasira Aming Jisas adi aming urapsa' mo' dipmita', mokngang, adi kabaksi' fara waraga' ipmera kafakafa sa' tiabita', wara' Anutu adi aming fam ka ana kuma' sura kabita' wari inga' adining ai'dap ning kadapmang ka u sareng kanga nakeda sini' tanga naktangkanting. Ning tanga iik kareng ka ka' fikifiki ningsa' u bema iik waraga' sura wa tim munumung sini' wa aming kadagang ning tim iyak aming nagaganang u tanamgu' wang.

2 Timoti 1:12

Ka na kalabus tanga itik yara'ning mamareng wa Anutuning kane ka waraga'sa' tanga bemitik. Ka na mamareng waraga' tanga naning sasuk kigineng ka Anutuga' naktangka ning wa kugura guk mo' tita', mokngang. Na ning suktangkanga ikitik, Anutu ka adita' naktangka titik adining kigineng wa girii sini' wara' adisa' kuma' yotangkanamota'. Ning tanga kane ka adi u kabinaminga titik undu' anasa' kuma' katatoreinga kadaga kabi'guk mo' tanga tangkunang ningsa' ira anganga inga' kama girii ari' ka girii Jisas wari abo' wara'ganangga'sa' ira auta'.

HIBRU Midi umpang aming nua'ni wari Juda amingga' yokiamgu' 7:25

Ka girii Jisas adi pris kane u tanga beni Anutuning du'ganang fikifiki ningsa' ira indi yotangkanim waraga' beni anini ning tanga ikita', wara' aming indi Jisas ning kungkumak waraga' sura Anutu wari yotangkanibinga gi' giri iikga' anintam wa yotangkanim titining kadapmang guk girisa', wara' kami a inga' undu' Jisas adi kuma'sa' yotangkanimota'.

1 Pita 1:5

Ka iik kareng ka inga' bema iikning ka wa aming arantagim ka Anutuga' naktangka tinga Anutuning tangkunang wari mungkupnasabinga karengsa' giri iking sidining. Ning tinga napa'ni wari mo' sifikadagainga gi'sa' ira anganga kama ari' ka Anutu wari manggaknip titi waraga' kuma' tugunungnanga kabigu' wara'ganang didimengsa' kadofini'ga'.

1 Jon 1:2

Adi indining bining ganang sini' kadofinga ikinga indi adining iikni wa sarengsa' kuma' kagum wara' indi midi ka adining ka' fikifiki ningsa' iik wara'ning u ituatam. Ka adining iik kareng ka u kagum wa tim beni Anutu guk yagumu' u tipkadofiniminga kagum.

1 Jon 2:19

Ka mandaga' aming ka ningwara' wa tim indigok kubap undu' kuma' yagum. Ka adi indining arantagim sini' mo' waraga' tanga adi kuma' indibanga anga naro' ubu iking. A adi indining arantagim sini' ganang wa adi indigok ingging kubap ko ikianam. Ka adi indibi tiging wara' indi a adi indining arantagim sini' mo' ning u sarengsa' kuma' yapkedem.

1 Jon 2:25

Ning tanga sidi napa' tangkunang ka tim Kasira Aming Jisas wari Anutu guk ka' fikifiki ningsa' iikga' u ninim waraga' kuma' totangkagu' u saminga ikanting.

1 Jon 5:11

Ka midi beng guk kareng ka Anutu wari u ituanimita' wa napa' girii sini' ka naktangka aming indita' ka' fikifiki ningsa' iik u kuma' niminga ikitam. Ka ka' iik ka u nimita' wa ananing mindingni ganangsa' ikita' u nimita'.

JUT Midi umpang Jut wari yoku' 1:1

Ka Jut na Kasira Aming Jisas ning kane aming sini' ka kane aming sige slev urang ningda'ning tanga ikitik, ka na Jems ning kuyangni naga aming arantagim ka Anutu wari katisaninga adining midi ninaksa' tanga ikinga sidita' siamo' nakita'. Ning tinga Kasira Aming Jisas wari kafakafa tasabinga sidi gi'sa' ikiting sidita' sura umpang i yoksamarik.

JUT Midi umpang Jut wari yoku' 1:21

Beng sini' Anutu adi indita' siamo' nakita' wara' sidi waraga' sura sidining iiksi' u kafakafa katatoranga tanga ikanting. Ning tanga sidi sasuk ka inga' girini' Kasira Aming Jisas wari ai'dap tanima ka' iik kareng ka fikifiki ningsa' ira auning u nimo' wara'ning kama u kapmek wara'ning sasuk guksa' ira anting.

JUT Midi umpang Jut wari yoku' 1:24

Ka Anutu adi tangkunang girii guk beng sini' ikita'. Adisa' wa yotangkasap tinga sidi tangkunang ningsa' ira sidining naktangkasi' wa kadaga kabi'guk mo' tota'. Ning tinga sidi karengsa' giri ira anganga inga' Anutuning diok kigineng girii ganang sarengsa' adeni'ganang wa sidi kadagang kabi'guk mokngang karengsa' ira mesisiringa sa' tanga adeni'.