JON Anutuning midi kareng Jon wari yoku' 1:19 - Anutuning midi totangka ingaʼni

¹⁹ Ka tim Jon Baptis wari Juda aming ga' midi tokadofigu' wa ning, Juda aming girisi ka Jerusalem yong u ikiaging wari Jon ning midi ne u naknga pris a Livai arantagim ning aming girisi fam u katiana ning tanga Jon u anga kadidima waraga' yangkareinga aging. Anga kadofinga Jon u ning anigaging, gu wa nisi' Anutuning Kasira Aming wa.

JON Anutuning midi kareng Jon wari yoku' 1:19 ပူးပေါင်းရင်းမြစ်များ

JON Anutuning midi kareng Jon wari yoku' 1:7

Ka diok wa Jon u mo', mokngang, adi Anutu wari kane ka diok wari kagadofi wara'ning midi ka aming u yangnataminga aming wari diok waraga' naktangka tanga iik waraga'sa' anikaregu'.

JON Anutuning midi kareng Jon wari yoku' 10:24

Ka Juda aming girisi wari u kanga anga Jisas u karamaknga adenga ning aniging, ai indi fikifiki guning midi waraga' tanga sasuk fama' guk fatem. Ka gu Kasira Aming sini' udep wa kami sarengsa' nine'. Ning tinga nakdidima sini' tanam ning aniging.

JON Anutuning midi kareng Jon wari yoku' 10:31

Ka Juda ning aming girisi wari Jisas ning midi ka u naknga banaksi' giptanga uuk tonga uningkim kwak do manggakyangaging.

JON Anutuning midi kareng Jon wari yoku' 11:19

Wara' Jerusalem aming kabi'mo' adindu' Mata iguyangguk Maria ya u yotangkaimonga kuma' abiging.

JON Anutuning midi kareng Jon wari yoku' 2:18

Ka Juda aming adi Jisas wari aming yangkagaregu' u kanga kabaksi' kadagang nakngama ning aniging, ai gu kadapmang ka ning guk wa nasi'ga' abanga tarang. Nisi' wari kane u titiga' gipmugu'. Ka indining dani'ganang kane tangkunang ni wa sa' tinga kanam.

JON Anutuning midi kareng Jon wari yoku' 2:20

Ka adibu ning toging, ai siring yak girii ya kane girii tanga kama paramu' sini' ka gurak foti siks ning ibinga inga' sini' tipkarendaging.

JON Anutuning midi kareng Jon wari yoku' 5:10

Ka Juda aming adi bagana aming wari mambong ka sabat ganang manggara agu' u kanga ning aniging, ai kami ya sande sabat kanga defakem. Ka indining kadapmang tangkunang wa sande ganang kane kabi'sini' guk mo' titi waraga' tapni tang titam. Ka gu kami ya mambong guk wa nasiga' manggara yentang.

JON Anutuning midi kareng Jon wari yoku' 5:15

Ning tinga aming adi Jisas udi wara'ganang kigedagu'. Ning tanga anga Juda aming u ning yanggu', aming ka kana urang nifikarendanga' wara'ning wapni wa Jisas wari tanama' ning yanggu'.

JON Anutuning midi kareng Jon wari yoku' 5:16

Ka Juda aming adi Jisas wari bagana aming ka sabat ganang tipkarendagu' wa sabat ganang kane tugu' ning kaging. Ning tanga kabaksi' kadagang naknga kadapmang kadagang tantaramik ga' suking.

JON Anutuning midi kareng Jon wari yoku' 5:18

Ka Juda aming adi Jisas ning midi u naknga kabaksi' kadagang sini' nua'bu naknga ning tanga sasuksi' kigineneg sini' ka uuk titi waraga'sa' tiging. Ka adi Jisas wari kama tapni sabat ganang aming tipkarendagu' a nua'ni ka midi ka Anutu wa naganing babangna ning togu' wa adi na Anutu guk dabik ningsa' ning tutugu ning ningda'ning kaging. Ning tanga adi Jisas wari adisining dasi'ganang napa' fama' u tugu' wa kadagang girii ning kaging wara' adita' kabaksi' kadagang nakngamging.

JON Anutuning midi kareng Jon wari yoku' 6:41

Ka Juda aming adi midi ka Jisas wari na kunimganangni nana tangkunang wari afuguk ning togu' u naknga kabaksi' kadagang naknga anasa' arora yareging.

JON Anutuning midi kareng Jon wari yoku' 6:52

Ka Juda aming adi midi ka Jisas wari ananing fugu gom u nana ga' togu' u naknga kabaksi' kadagang sini' naknga anasa' ning toging, ai, aming ka ya fugu gom ka nana da'ning niminga nana ga' ba tora'.

JON Anutuning midi kareng Jon wari yoku' 7:1

Ka Jisas adi kama tubo Galili tara' u urap mo' kabinga agu'. Adi Juda ning aming girisi ka kama tubo Judia tara' wari uuk tonga kapmeking wara'ning midi u naknga unggung ningsa' ira ami taming yanggek kane tanga yagu'.

JON Anutuning midi kareng Jon wari yoku' 7:11

Ka Juda ning aming girisi ka sande girii u kaunga kura faging adi sasuk ka Jisas wari auinga katuanga bimbem wara'guk tanga kapmeking. Ka degisifa tanga ning toging, ai aming ka wa indeng sepma fata' sam.

JON Anutuning midi kareng Jon wari yoku' 7:15

Ka aming girisi wari adining midi u kuni' nua'ni sini' ning naknga base tanga ning toging, ai adi skul guk mo' urang tugu' udi, sasuk ka wa indeng bema tora'.

JON Anutuning midi kareng Jon wari yoku' 8:22

Ka aming girisi adi midi ka u naknga nafek tanga anasa' ning toging, ai kama ka naga autik wa sidi au ning guk mokngang ning guk wa nasiga' tora', ma ananing fugu udep uronga tora'.

JON Anutuning midi kareng Jon wari yoku' 8:48

Ka Juda ning aming girisi wari Jisas u midi tangkunang ning aniging, gu adi kuma' gapkedem Juda sini' mo', Sameria aming kadagasi wara'ni, mini unggo kadagang guk wari abanga torang.

JON Anutuning midi kareng Jon wari yoku' 8:52

Ka Juda aming adi midi ka u naknga ning toging, a midi ka u torang u naknga gapkeda sini' kuma' tem gu mini unggo kadagang guk beng sini'. Ka gu aming ka guning midi ninaksa' titi wa kungkumak titi guk mokngang ning torang. Ka indining aming girisi timini ka Ebraham a profet arantagim dabiksa' undu' kungkumak kuma' tiging.

JON Anutuning midi kareng Jon wari yoku' 8:57

Ka Jisas wari midi ka u tuguinga Juda aming wari u naknga anikige ning tiging, a gu aming timini mo' gabem. Ka gu Ebraham ning iik wa indining tanga kagung.

Ap 13:25

Ka Jon wari adining kane u tanga anganga ari' tipmironga aming u ning yanggu', sidi naga i napma o aming ka idi urang kapmefakitam unggungsa' udi ning mo' sukanting, mokngang aming ka wa mandang kabi'sini' kadofota'. Na adi ningwara' mo', adi girii a na aming sigesa' ning togu' Jon wari.

Ap 19:4

Ka Pol wari ning yanggu', kadapmang ka tim Jon Baptis wari tiamgu' wa ning, adi ami taming u ama iyama wa ning yanggu', sidi kabaksi' faranga sidining kadagang u kabiinga ama isamirik wara'ning kini wa aming girii nua'ni wari naganing mandang kadofota' waraga' kadapmang tipdidimangam wara'ning tirik. Wara' sidi didimeng gi' ira adita' naktangkasa' ubu tinting ning yanggu'. Aming ka Jon wari u yanggu' wa Jisas ga'sa' yanggu'.

1 Jon 1:5

Ka na midi fam ka aming ka wari tuguinga nakum u ituasamotik wa ning, Anutu girii adi iik kareng ka diok sangang da'ning wara'ning ki sini'. Adining iik ka wa kadagang kabi'sini' ka kama kangkam da'ning wara'guk mokngang sini'.