JON Anutuning midi kareng Jon wari yoku' 1:14 - Anutuning midi totangka ingaʼni

¹⁴ Ka Midi ka wari afanga indining bining ganang i aming ubu igira kadofinga indigok ingging kubap yagum. Adining iik a midi wa didimeng kareng sini', ka adining kigineng girii wa kuma'sa' kagum. Adi Anutuning mindingni kubaniksa' beng sini' wara' adining kigineng wa beni Anutuning kigineng guk dabiksa'.

JON Anutuning midi kareng Jon wari yoku' 1:14 ပူးပေါင်းရင်းမြစ်များ

MATYU Anutuning midi kareng Matyu wari yoku' 1:16

Jekop ning mindingni wa Josep. Ka Josep ning tamni wa Maria, wara' Maria wari saba kabasi' Jisas u ibegu'. Ka Jisas wara'ning wapni wa Anutuning Kasira Aming ning anitam.

LUK Anutuning midi kareng Luk wari yoku' 2:11

Ka midi kareng ka wa ning, kami tiim yara'ganangsa' wa yong ka Devit wari itarugu' ganang dota' taming nua'ni wari saba ami kuma' ibera'. Aming ka wa sidi tubobu manggara gi' kuksabinga iik wara'ning ka Anutu wari sidi yotangkasap waraga' kasiregu' wari kadofira'. Adi girii tim iyak a Kasira Aming beng sini'.

LUK Anutuning midi kareng Luk wari yoku' 9:32

Ka Pita se' adi dasi' dama naknga dama dekantam ning tonga aratiging ganang ka diok girii wari Jisas wari ibang fatogu' ganang do kadofigu' u kanga tong kaging wa aming fama' wari kadofinga Jisas guk dabik adenga midi aratoging.

JON Anutuning midi kareng Jon wari yoku' 1:1

Ka timinggi' timinggi'sini' napa' ni guk mo' kadofigu' ganang ka Midi adi ningsa' itarugu'. Ka Midi ka wa Anutu guk kubap ikiagumu'. Midi ka undu' Anutu.

JON Anutuning midi kareng Jon wari yoku' 11:40

Ka Jisas wari ning anigu', o taming gu tim ning urang ganak waraga' sure'. Gu naktangka totang wa Anutuning tangkunang girii u kautang ning anigu'.

JON Anutuning midi kareng Jon wari yoku' 14:6

Ka Jisas wari ning anigu', yong ka wara'ning kadapmang wa nagasa'. A midi beng guk ning ki a ka' iyak ning ki undu' nagasa'. Aming wari sibeng ganang kagadofi wara'ning kadapmang nua'ni guk mokngang, nagaganang sa' abanting.

JON Anutuning midi kareng Jon wari yoku' 14:9

Ka Jisas wari ning anigu', o Filip na sidigok wa kama paramu' sini' ira abem ka gu ko mo' ba napkedarang. Beng sini' torik aming ka naga kuma' nabara' wa sibeng kara'. Ka gu sibeng nua'bu sangtintingna guk wa indining nanarang.

JON Anutuning midi kareng Jon wari yoku' 17:22

Gu wap girii kareng ka nagata' namgung wa nagabu adisita' kuma' imirik. Ning tinga adi wap kareng ka wara'guk ira kabaksi' kubaniksa' ka sibeng gugok indi ikitamuk ningsa' ikanting.

JON Anutuning midi kareng Jon wari yoku' 17:24

O sibeng na aming arantagim ka gu nagata' kuma' ibinamgung ya yong ka naga marerotik wara'ganang nagok dabik marek ga' nakarik. Ning tinga adi naganing kigineng girii ka tim kama kunim guk mokngang ganang nagata' siamo' naknga namgung wara'ning ki sini' u sarengsa' kani'.

JON Anutuning midi kareng Jon wari yoku' 18:37

Ka Pailat wari u naknga ning anigu, a beng sini' ningwara' gu king nua'ni ba. Ka Jisas wari ning anigu', ga kuma' torang una, na king wari aderik. Ka na kamaganang i afuinga simeng wari nibegu' wa kane kubaniksa' ka midi beng guk itua waraga' afuguk. Ning tinga aming ka midi beng guk waraga' naking adi naganing midi u ninaksa' ting.

JON Anutuning midi kareng Jon wari yoku' 2:11

Ka Jisas wari ama marang guk ka Kena yong Galili tara' ganang u tipigiku' wa Jisas wari adining tangkunang wari kane tangkunang mirakel munumung sini' tugu'. Ning tinga aming adi Jisas wari adining tangkunang yangtintingnegu' u kaging. Ka adining arantagimni adi u kanga a dita' naktangka tiging.

JON Anutuning midi kareng Jon wari yoku' 3:16

Ka beng sini' Anutu adi aming kamaganangni dabiksa' wari kadaga titiga' mo' naku'. Mokngang adi aming wari kareng gi' giri iik waraga' siamo' naknga yotangkayap titi waraga' ananing mindingni kubaniksa' unggung kabiamgu'. Ning tinga aming ka adita' naktangka tinting wa kadaga guk mo' tini', mokngang adi kareng gi' giri ira fikifiki ka' ningsa' ikni'.

JON Anutuning midi kareng Jon wari yoku' 3:18

Wara' aming ka adita' naktangka tinting adi Anutu ganang midi ni guk mokngang. A aming ka adita' naktangka guk mo' tinting wa Anutu ganang midi guk wari iking. Beng sini' adi Anutuning mindingni kubaniksa' waraga' naktangka guk mo' ting wara' adi midi guk.

JON Anutuning midi kareng Jon wari yoku' 6:51

Ka nana tangkunang ka' iyak titining ka kunim ganangni ka u torik wa nagasa' yang. Ka aming wari nana ka u nauta' wa ka' fikifiki ningsa' irota'. Nana ka u torik wa naganing fukna gom ka aming dabiksa' wari nanga ka' ningsa' iik waraga' kabiamotik waraga' torik.

JON Anutuning midi kareng Jon wari yoku' 8:32

Ning tanga midi beng guk ning ki u nakeda sini' tinga midi beng guk wari yotangkasapma kadagang ning kigineng girii wari tofisabinga iking u udasaminga ararangeng karengsa' ubu naknga ikanting.

ROM Midi umpang Pol wari Rom aming ga' yokiamgu' 8:3

Beng sini' kadapmang tapni ka tim Anutu wari nimgu' wa yotangkanip titi wara'ning. Ka indining kabakni' ganang wa sasuk timini ka kadagang titiga' indifimarak ning wara'guk ko yagum wara' kadagang wari kadapmang tapni lo ning kigineng u tipkurainga kadapmang tapni wari indi yotangkanip ning tangkunang guk mokngang ning yagum. Ka Anutu wari kadapmang nua'ni tanga mindingni u anigaranimgu'. Anigaraniminga afanga fugu ka aming kamaganangni indi bema ira kadagang titam ningwara' u bema indi yotangkanipma tanga kumogu'. Ning tinga Anutu wari kagaya girii ka indi indining kadagang ga' tanga bimbem wara'ning wa mindingni wara'ganang gufarangaminga warisa' kuma' bemgu'. Ning tanga Anutu wari kane kigineng ka u tanga ning togu', kadagang ning kigineng ka aming ning kabaksi' ifakadaga ning tanga fiareta' wa kami wadigi' kuma' tipmiririk.

ROM Midi umpang Pol wari Rom aming ga' yokiamgu' 9:5

Abanga papase girisi arantagim ka timinggi' ikinga Anutu wari napa'napa' karesi tiamarugu' wa adisining papase sini' wara'siga' tiamarugu'. Abanga napa' girii sini' ka inga' Anutu wari Kasira Aming girii wari aming ning fukni' sini' guk kadofinga iik waraga' undu' Juda adisining arantagim ganang sini' kagadofi waraga' togadofiamgu'. Ka Kasira Aming girii wa napa'napa' u defata' wara'ning tim iyak aming beng sini'. Adisa' adi Anutu beng aming wari fikifiki mesisiringa wa adita'sa' fatangam wara'ning. Beng.

1 Kor 15:47

Ka aming ka kamaganang munumung kadofigu' wa kama wari tugu' wara' wa kamaganangning sa', a aming ka mandang inga' kadofigu' wa kunimganang kadofinga afugu'.

2 Kor 12:9

ka mokngang, Anutu adi tangkayonam guk mo' tugu'. Adi ningsa' kabinga ning nanggu', naganing tangkunang kareng ka naga gamitik wari tanga wa gu damdang giri ira napa'niga' nafek guk mo' titang. Ning tang kama ka gu tang guk mokngang ning nakitang ganang wa naning tangkunang warisa' gu ganang ira kane tangkunang sini' tita'. Anutu wari ning togu' wara' na mesisiringa wa naning napa' karesi fam waraga' mo' tirik, mokngang, na mesisiringa wa mamareng wari tanga fukna tangkunang guk mo' ikinga Kasira Aming ning tangkunang warisa' mungkupnanap waraga'sa' sura tirik.

GALESIA Midi umpang Pol wari Galesia amingga' yokiamgu' 4:4

Ka inga' kama ka Anutu wari indi aming sini' ningda'ning iikga' kuma' sura kabigu' wari kadofiinga wa Anutu wari adining mindingni u anigaranimgu'. Anigareinga afanga taming kamaganangni wari ibeinga kadofinga Juda ning kadapmang tapni ning kapmik ganangsa' ira kadapmang unggungsa' yaranga tanga giragagu'.

EFESAS Midi umpang Pol wari Efesas amingga' yokiamgu' 3:8

Ka na ning toutik, na kadapmang kadagang ka naga tim tanga yaguk waraga' sukitik wa na aming ka Anutuning arantagim ganang yaging wara'ning wap guk mokngang beng sini' yaguk. Ka Anutu adi naga adining sasuk kareng ga' nafek sini' tanga yaguk u bibiri' napma tangkunang naminga tangkunang ka wara'ganangsa' kane i tanga itik. Ka kane ka i tanga itik ya aming arantagim nua'ni ka Juda mo' sidi Kasira Aming Jisas ning ai'dap kareng ka aming wari midi wara'ning ari'ni u kaga ning guk mokngang waraga' saninga ninak wara'ning tanga itik.

KOLOSI Midi umpang Pol wari Kolosi amingga' yokiamgu' 1:19

Anutu wari napa'napa' kamaganang i ikem a kunimganang a aming ka adining kapmik ganang iikga' bibi' naknga naro' ira digirap ikiting u abiksa' manggara fabanga narum tofanga adiganang kuknip waraga' suku' wara'ning tangkunang a napa'napa' sasuk u mindingni ganang tipkadofisasu'negu'. Tipkadofiinga mindingni wari firi ugari ganang kumara adining amaani kwasinegu' wari' kadapmang kadagang ka aming wari adita' manda ukngam ning u udanga tipmirisasu'nanga fabanga adining kapmik ganangsa' kuknibinga adigok kabakni' kubaniksa' ubu ira kugurang karengsa' ikem.

KOLOSI Midi umpang Pol wari Kolosi amingga' yokiamgu' 2:3

Beng sini' Anutuning sasuk kareng kapmo' kuni' kuni' wa Kasira Aming Jisas ganangsa' ita' wara' adisa' ningtintingneinga kaga ning.

KOLOSI Midi umpang Pol wari Kolosi amingga' yokiamgu' 2:9

Ka Kasira Aming ning ki sini' wa ning, adi kamaganang i fugu sini' guk kadofigu' ganang wa adi Anutuning iik kareng wara'ning sasuk a tangkunang wara'guk beng sini' kadofigu'.

1 Timoti 3:16

Beng sini' midi ka indi Anutuning kadapmang kareng yaranga ikem wara'ning ki wa kigineng a mang sini' ikita'. Abanga Jisas ka indi adita' naktangka tinga naktangka aming indining girini' ikita' adining ki undu' girii sini'. Ka midi dibing ka adining iik wara'ning wa ning, <>

HIBRU Midi umpang aming nua'ni wari Juda amingga' yokiamgu' 1:3

Anutuning kigineng girii wa mindingni wara'ganang ikita' wara' indi adining iik u kanga Anutuning kigineng u kayam. Abanga nasi' kadapmang a sasuk kareng ka Anutuning kaba ganang wa mindingni wari tanga ningtintingneinga kuma' kasasu'nem. Ka mindingni wa beni guk dabik ningsa' wara' napa'napa' ka kunim furo'ning a kamaganang i iking dabiksa' wa adining midi wara'ning kigineng warisa' yotangkayabinga iking. Ka adi kamaganang i ira kane ka indining kadagang u tanga kayoniminga indi fafandangeng karengsa' iik wara'ning u tipmiringa ning tanga aranga king girii Anutu adining kafong kareng ganang u mera girii tim iyak beng sini' ita'.

HIBRU Midi umpang aming nua'ni wari Juda amingga' yokiamgu' 1:5

Ka indi mindingni ning wap kigineng wari ensel ning wap u tarafita' wara'ning u sura nakeda waraga' ka Anutu wari midi nua'ni togu' u yoking wa ning, <> Abanga waraga' unggung ka midi nua'ni ka ning togu', <> Ka ning togu' waraga' sukantam, Anutu adi midi ka u togu' wa adi kunim aming ga' mo' sura togu', mokngang, adi ananing mindingni didimeng waraga'sa' togu'.

HIBRU Midi umpang aming nua'ni wari Juda amingga' yokiamgu' 10:5

Wara' Kasira Aming wari ofa inga'ni u tonga afufu ga' dudure tugu' ganang wa adi midi nua'ni ka beni Anutu u anigu' wara'ning ka ning yoking, <

HIBRU Midi umpang aming nua'ni wari Juda amingga' yokiamgu' 2:11

Ka aming ka indining kadagang tanga kayonimgu' wara'guk ka aming kadagang u tanga kayoniminga fafandangeng karengsa' ikem indigok indi babangni' wa kubaniksa' Anutu. Wara' Jisas adi aming arantagim nua'nining ning mo' nibita', adi ananing kuyane sini' ning nipma o naning kuyane karesisa' ning u kaba guk marara susoeng sa' ninita'.

HIBRU Midi umpang aming nua'ni wari Juda amingga' yokiamgu' 5:5

Ka Kasira aming girii Jisas adindu' adi aming wari adining wap girii bema ara waraga' sura na pris girii irotik ning wa anasa' mo' togu', mokngang, Anutu warisa' kamigu'. Ka Anutu adi mindingni u kamonga wa midi ning togu', <>

1 Jon 4:14

Ka sibeng Anutu wari aming kamaganangni dabiksa' indi yotangkanipma indining kadagang ning mamareng u tangkayoniminga kareng gi' giri iik waraga' sura mindingni u anigareinga afugu' wa indi kuma'sa' kanga wara'ning midi u ituanga fiaretam.

1 Jon 4:9

Ka Anutu adi indita' siamo' ninak wara'ning wa napa' girii ka ananing mindingni kubaniksa' unggung anigareinga afanga kane girii tinga indi adining kane wara'ganangsa' ka' iik kareng bema ikem u tinimgu' u kuma' kagum.

2 Jon 1:7

Ka beng sini' aming kabi'mo' adi midi ka Kasira Aming Jisas wari aming fugu guk afanga yagu' waraga' naktangka guk mo' tanga kama kama u yangara midi mandaga' sige tipfaranga yanggera fiaring. Aming arantagim ka wa mandaga' giknanga fiareting wara' adi Kasira Aming ning digirap ning ikiting.

REVELESEN Anutu wari Jon ga' Girii Jisas ning ki anatintingneinga kagu' 19:13

Ka adining fugu ganang wa kwi' paramu' ka amaa adi' u kamagu'. Ka aming wara'ning wapni wa Anutuning midi ning aniting.

REVELESEN Anutu wari Jon ga' Girii Jisas ning ki anatintingneinga kagu' 21:3

Yong ka wari afuinga nakuk wa midi bang nua'ni ka tare kareng ka aming girii wari mareiagu' wara'ganang u kadofigu' wa ning togu', kunim ganangni yong ka u afara' wa Anutu wari yong ka wara'ganang ikita' wari afara' wa wang. Wara' Anutu wari aming guk ira adisining Anutu ikinga aming adi adining arantagim ning kadofinga ikanting.