JON Anutuning midi kareng Jon wari yoku' 1:1 - Anutuning midi totangka ingaʼni

¹ Ka timinggi' timinggi'sini' napa' ni guk mo' kadofigu' ganang ka Midi adi ningsa' itarugu'. Ka Midi ka wa Anutu guk kubap ikiagumu'. Midi ka undu' Anutu.

JON Anutuning midi kareng Jon wari yoku' 1:1 ပူးပေါင်းရင်းမြစ်များ

MATYU Anutuning midi kareng Matyu wari yoku' 1:23

Ka midi ka profet wari u tokadofigu' wa ning, <> (Ka midi wap ka Emanyuel wara'ning kini wa Anutu wari indiganang ita'.) Tim profet wari togu' wara'ning midi wa ningsa'.

LUK Anutuning midi kareng Luk wari yoku' 24:53

Anga kadofinga Jerusalem yongganang unggung ira fikifiki siring yak girii tempel ganang u amanga Anutuning wap bema aranga mesisiringa sa' tanga ikiaging.

JON Anutuning midi kareng Jon wari yoku' 1:14

Ka Midi ka wari afanga indining bining ganang i aming ubu igira kadofinga indigok ingging kubap yagum. Adining iik a midi wa didimeng kareng sini', ka adining kigineng girii wa kuma'sa' kagum. Adi Anutuning mindingni kubaniksa' beng sini' wara' adining kigineng wa beni Anutuning kigineng guk dabiksa'.

JON Anutuning midi kareng Jon wari yoku' 1:18

Ka aming indi Anutu kabi'guk mo' katam wara' indi adining iik a sasuk ning ki u sura nakeda ning guk mokngang sini'. Ka adining mindingni kubaniksa' ka anagok iiksi' kubaniksa' titamu' warisa' afanga nininga wa indi Anutuning iikning ki u nakedasasu'nem.

JON Anutuning midi kareng Jon wari yoku' 1:2

Beng sini' Midi adi Anutu guk timinggi' ningsa' ira abugumu'.

JON Anutuning midi kareng Jon wari yoku' 16:28

Beng sini' tim na sibeng anagok iya' kabinga afuguk wara' kami yara'ganang wa na kamaganang i kabinga sibeng kaunga tubobu mautik ning yanggu'.

JON Anutuning midi kareng Jon wari yoku' 17:5

O sibeng tim kama a kunim wari ko mo' kadofigu' ganang wa na gugok wap girii guk ningsa' ikiagumuk. Ka kami yara'ganang na gu ganang tubobu autik wa gu wap girii ka tim urang ikiagumuk ningsa' nua'bu tanaminga ikantamuk.

JON Anutuning midi kareng Jon wari yoku' 20:28

Ka Tomas wari u kanga inga' urapsa' naktangkanga ning togu', o gu naning girina a naning Anutu.

JON Anutuning midi kareng Jon wari yoku' 8:58

Ka Jisas wari ning yanggu', beng guk sini' ning sanotik, timinggi' timinggi' sini' Ebraham wari ko mo' kadofigu' ganang wa na ningsa' ira abutik.

ROM Midi umpang Pol wari Rom aming ga' yokiamgu' 9:5

Abanga papase girisi arantagim ka timinggi' ikinga Anutu wari napa'napa' karesi tiamarugu' wa adisining papase sini' wara'siga' tiamarugu'. Abanga napa' girii sini' ka inga' Anutu wari Kasira Aming girii wari aming ning fukni' sini' guk kadofinga iik waraga' undu' Juda adisining arantagim ganang sini' kagadofi waraga' togadofiamgu'. Ka Kasira Aming girii wa napa'napa' u defata' wara'ning tim iyak aming beng sini'. Adisa' adi Anutu beng aming wari fikifiki mesisiringa wa adita'sa' fatangam wara'ning. Beng.

EFESAS Midi umpang Pol wari Efesas amingga' yokiamgu' 3:9

Ka Anutu wari aming yotangkayap ning kadapmang kareng ka wa tim ana kama i munumung sini' tugu' ganang wa adi sasuk girii ka wara'guk kuma' yagu'. Ka adi sasuk girii ka wa urap mo' tipsarendagu', kapmo' ningsa' ira ababanga inga'sa' tipkadofigu'. Ning tanga adi sasuk ka u ituanga yara waraga' wa naga nipmiinga tanga itik yang.

FILIPAI Midi umpang Pol wari Filipai amingga' yokiamgu' 2:6

Ka wa ning, Kasira Aming Jisas adi Anutu guk dabik ningsa', ka adi kamaganang i afugu' ganang wa adi wapni kigineng ka Anutu wara'guk ningsa' iik waraga' mo' suku'.

KOLOSI Midi umpang Pol wari Kolosi amingga' yokiamgu' 1:15

Beng sini' aming indi Anutu guk mo' katam ka Anutu ananing mindingni anagok dabiksa' anasa' kadofinga ningtintingneinga kagum. Adisa' nasi' nasi' Anutu wari ifikadofita' u yaptatora wara'ning tim iyak aming sini' ikita'.

KOLOSI Midi umpang Pol wari Kolosi amingga' yokiamgu' 1:17

Jisas adi timinggi' timinggi' ningsa' iikning, a napa'napa' wa adining mandang ganang inga' kadofigu'. Kadofinga gapmamsi' ganang didimeng gi' ningsa' iking wa ananing tangkunang ganangsa' iking.

1 Timoti 3:16

Beng sini' midi ka indi Anutuning kadapmang kareng yaranga ikem wara'ning ki wa kigineng a mang sini' ikita'. Abanga Jisas ka indi adita' naktangka tinga naktangka aming indining girini' ikita' adining ki undu' girii sini'. Ka midi dibing ka adining iik wara'ning wa ning, <>

TAITAS 2:13

Ning tanga sasuk ka Anutu girii ka yotangkanip aming Kasira Aming Jisas wari sareng sini' kadofiinga adining tangkunang kareng girii sini' u kaga waraga'sa' sura ikantam.

HIBRU Midi umpang aming nua'ni wari Juda amingga' yokiamgu' 13:8

Ka Kasira Aming Jisas ning iik wara'ning ki wa ning, adining iikni a sasukni wa girigik nua'bu titining guk mokngang, adi timinggi' a kami a inga' sini' undu' kuma' ikita' ningsa' ira au wara'ningsa'.

HIBRU Midi umpang aming nua'ni wari Juda amingga' yokiamgu' 7:3

Abanga adining mengni beni papane arantagim a nasi' kama ka mengni wari iibe tugu' u ma kungkumak tugu' wara'ning guk mo' nakiaging wara' wara'guk mo' tuguinga nakitam. Ka indi u kanga ning nakedantam, o beng sini' adi pris kuni' nua'ni ka fikifiki ningsa' iik ka Anutuning mindingni wari tanga ikita' ningsa' ko tanga ikita'.

2 Pita 1:1

Ka Saimon Pita na Kasira Aming Jisas ning kane aming sige slev a aposel ning tanga itik ka na aming arantagim ka Anutu wari yotangkasabinga naktangka kareng ka aming indi tanga ikem ningsa' tanga iking sidita' sura umpang i yoksamarik. Naktangka ka wa Kasira Aming Jisas ka indining Anutu girii a indining aming ka yotangkanip tanga tubobu manggaknip ning adining kane didimeng ning kigineng wara'ganangsa' tipkadofiniminga naktangkanga ikem.

1 Jon 5:20

Abanga indi kuma'sa' nakem, Anutuning mindingni wari afanga indita' sasuk nimiinga Anutu beng guk u kuma'sa' nakedanga ikem. Ning tanga ira indi adining mindingni Kasira Aming Jisas ganang sini' yorafanga ikem wa indi Anutu beng guk adiganang sini' ikitam. Anutu ka wa anapmo' kubaniksa' beng guk sini'. A iik kareng ka Anutu wari naktangka aming indita' niminga ikem wa bibi' titining guk mokngang, fikifiki ningsa' iik wara'ning.

1 Jon 5:7

Beng sini' Kasira Aming ning ki u nakeda wara'ning wa napa' ka famineng ka mini unggo a ama ingamging a Jisas ananing amaa kwasinegu' ning wari kuma' ningtintingeinga katam. Ka napa' famineng wara'ning kini wa kubaniksa' ka Jisas wa Anutuning mindingni wara'ga'sa' tuguta'.

REVELESEN Anutu wari Jon ga' Girii Jisas ning ki anatintingneinga kagu' 1:11

Ka midi ka togu' wa ning, gu napa' ka i gangtintingneinga yabarang a ganirik ya umpang ganang dabiksa' yoksasu'nanga manggara naktangka aming bak ka yong seven ning wara'ganang iking wara'siga' ima yarotang. Yong seven ning ka wara'sining wapsi' wa ning, Efesas a Samena a Pegamam a Taiataira a Sadis a Filadelfia a Leodisia ning waraga' ima yarotang ning nanggu'.

REVELESEN Anutu wari Jon ga' Girii Jisas ning ki anatintingneinga kagu' 1:17

Ka na u kanga iguk mutu tanga adining kayong ganang u mangfanga aming kungkumong da'ning defaguk. Ka adi kafong kareng wari suronapma ning nanggu', gu mutu mo' totang. Na timinggi' sini' yaguk a na mandang inga' sini' undu' ko ningsa' irokga' nagasa' aderik.

REVELESEN Anutu wari Jon ga' Girii Jisas ning ki anatintingneinga kagu' 1:2

Midi ka i yotik ya Jon naganing midi mo'. Mokngang ya Anutu girii ning midi a adining mindingni Kasira Aming Jisas ning iik wara'ning midi beng guk ka adi nangtintingniamu' unggungsa' kanga wara'ganangsa' yaranga yotik.

REVELESEN Anutu wari Jon ga' Girii Jisas ning ki anatintingneinga kagu' 1:8

Anutu girii ka kigineng girii guk adi ananing iikning ki waraga' wa ning tora', nagasa' na tim sini' a mandang sini' ning ikitik. Beng sini' girii ka wa adi timinggi' ira abugu' a kami yara'ganang ita' a inga' undu' girii ka warisa' tubobu abo'.

REVELESEN Anutu wari Jon ga' Girii Jisas ning ki anatintingneinga kagu' 19:13

Ka adining fugu ganang wa kwi' paramu' ka amaa adi' u kamagu'. Ka aming wara'ning wapni wa Anutuning midi ning aniting.

REVELESEN Anutu wari Jon ga' Girii Jisas ning ki anatintingneinga kagu' 2:8

Ka gu midi ka i toutik ya umpang ganang yora bema naktangka aming bak ka yong Samena u yaptatoranga ikita' wara'ning ensel waraga' amotang. Midi ka wa ning, naning wapna wa tim sini' a mandang ari' sini'. Na tim kuma' kumoguk de ka tubobu marara ka' ningsa' ikitik naga midi u kamiamirik.

REVELESEN Anutu wari Jon ga' Girii Jisas ning ki anatintingneinga kagu' 21:6

Ning tonga ning togu', na kane u kuma' tasasu'nanga naganing kane wara'ning ki wa sareng kuma' kadofara'. Timinggi' timinggi'sini' napa'napa' wari ko mo' kadofiging ganang wa na unggung ningsa' yaguk a inga' sini' undu' ko ningsa' irokga'. Beng guk sini' aming ka ni amaga' mini pamparangauta' wa na ama u kuma' amotik. Na ama waraga' tonap titiga' guk mo' amotik. Mokngang sini' na ai'dap tanga sige tubosa' amotik. Ama ka u amiinga topnota' wa adi ama wari tanga fikifiki ka' ningsa' irota'.

REVELESEN Anutu wari Jon ga' Girii Jisas ning ki anatintingneinga kagu' 22:13

Beng sini' timinggi' sini' napa'napa' wari mo' kadofigu' ganang wa na girii ningsa' yaguk a inga' sini' undu' na girii ningsa' ko irokga' beng, ning tuguta'.

REVELESEN Anutu wari Jon ga' Girii Jisas ning ki anatintingneinga kagu' 3:14

Ka gu midi ka i ganotik ya yora bema yaptatora aming ensel ka naktangka aming bak ka Leodisia yong ikiting u yaptatoreta' wara'ning waraga' amotang. Midi ning yokngamotang, naganing wapna wa beng guksa'. Abanga na napa'napa' ka Anutu wari ifakadofisasu'negu' wara'ning ki sini' ikitik. Na Anutuning sasuk a midi wa ni ka kapmo' guk mo' sebitik. Mokngang na didimengsa' kuma'sa' ituatik.