HIBRU Midi umpang aming nua'ni wari Juda amingga' yokiamgu' 1:2 - Anutuning midi totangka ingaʼni

² A inga' sini' ka napa'napa' kabi'sini' biwanga tara' ganang ikem yara'ganang wa Anutu wari midi wa ananing mindingni ning mini ganang nininga nakem. Ka timinggi'sini' Anutu wari kama kunim mayap mayam a bam a napa'napa' kababi' u defata' u tugu' wa mindingni' ka u kamiinga tugu'. Abanga mindingni ka wa Anutu wari inga' adining napa'napa' dabik wara'ning tuang iik waraga' kuma' tipkasiregu'.

HIBRU Midi umpang aming nua'ni wari Juda amingga' yokiamgu' 1:2 ပူးပေါင်းရင်းမြစ်များ

MATYU Anutuning midi kareng Matyu wari yoku' 13:39

A aming ka feng tuang wara'ning digirap wa aming kadagang Setan waraga'sa' tongak. A feng wari kuraga tinga wit beng u dopma manggak ga' tongak wa kama ka kunim a kama yari bibi' wara'ning kama ari' wari kadofiinga Anutu wari naktangka aming inagikna waraga' sura tongak. A wit beng u mamanggak ning kane aming arantagim wa Anutuning kunung aming arantagim ensel waraga' tongak.

MATYU Anutuning midi kareng Matyu wari yoku' 17:5

Ka Pita wari midi u ko aratuguinga mungkong fafa' sini' ka diok da'ning wari kadofinga afanga tumukyapma ning tanga midi nua'ni wari mungkong wara'ning bining ganang u ning togu', aming ka i kaing ya naganing sabana kareng sini' na adita'sa' nakitik, adining kadapmang wa didimeng sini' katik wara' nasi' midi ka adi touta' wa sidi nakngam sa' tinting.

MATYU Anutuning midi kareng Matyu wari yoku' 21:38

Ka mokngang, adi mindingni wari anga kadofota' u kanga ning tonting, ai ananing mindingni sini' anabu abara' u kani'. Indi ugumak tanam. Ura ning tanga feng ya nanasa' uba katatoranga ikantam.

MATYU Anutuning midi kareng Matyu wari yoku' 26:63

Ka Jisas adi midi tubobu guk mo' anigu'. Adi mini isefinga midi map da'ning ade sa' tugu'. Ka pris girii wari nua'bu anigu', ai Anutu girii ka' iyak guk wara'ning wap ganang beng guk sini' ning gangkarik gu midi beng guksa' nine'. Ma' gu Anutuning mindingni Kasira Aming beng sini' wa.

MATYU Anutuning midi kareng Matyu wari yoku' 28:18

Ning tanga Jisas wari arantagim wara'sining du'ganang ararenga abanga midi ning yanggu', Anutu wari napa'napa' kunim a kamaganang ikiting u yaptatorasasu'na wara'ning girii kuma' nipmira'.

MATYU Anutuning midi kareng Matyu wari yoku' 3:17

Ning tinga midi nua'ni ka kunim ganang kuta kadofigu' wa ning togu', ya naganing sabana kareng na adining kadapmang u karengsa' kanga adita' siamo' nakitik ning togu'.

MAK Anutuning midi kareng Mak wari yoku' 1:1

Midi ka ya Anutuning mindingni Kasira Aming Jisas adining iikni wara'ning midi kareng.

MAK Anutuning midi kareng Mak wari yoku' 12:6

Kadapmang ka ningwara'sa' tanga anganga kane aming wari bisasu'neinga feng tuang wari kane aming ga' nafek tanga ananing mindingni kubaniksa' ka adita' siamo' nakota' ubu anigara ga' sura ning touta', a na kane aming yangkararik ka adi ning ting wara' na naganing sabana sini' ubu anigarotik. Ning tinga adi ananing nonda sini' kanga o ananing mindingni wari abara' ning tonga kagabi sa' tinting. Ning tonga ari'sini' wa ananing mindingni kareng kubaniksa' u anigareinga auta'.

MAK Anutuning midi kareng Mak wari yoku' 12:7

Anga kadofiinga undu' ningsa' aming ka feng u katatoranga ikanting wari ananing mindingni ning nonda u kanga ning tonting, ai feng tuang ananing mindingni wari ubu abara' sam indi ugumak tanam. Ning tanga feng yari tuang guk mo' ikinga indita' wadigi' sini' ubu bemnantam.

JON Anutuning midi kareng Jon wari yoku' 1:10

Ka beng sini' aming a napa'napa' wa anasa' tugu' wari kamaganangga' afugu' ka aming adi kigeda tanga o tuang ana ba abara' ning guk mo' toging.

JON Anutuning midi kareng Jon wari yoku' 1:14

Ka Midi ka wari afanga indining bining ganang i aming ubu igira kadofinga indigok ingging kubap yagum. Adining iik a midi wa didimeng kareng sini', ka adining kigineng girii wa kuma'sa' kagum. Adi Anutuning mindingni kubaniksa' beng sini' wara' adining kigineng wa beni Anutuning kigineng guk dabiksa'.

JON Anutuning midi kareng Jon wari yoku' 1:3

Ka kama kunim a napa' napa' fam dabiksa' wa kadapmang nua'ni ganang guk mo' kadofigu', mokngang sini', Anutu wari Midi beng guk ka wara'ganangsa' tasasu'negu'.

JON Anutuning midi kareng Jon wari yoku' 13:3

Ka Jisas adi beni Anutu wari napa' napa' u yaptatora wara'ning girii kamigu' wa kuma' nakedagu'. Abanga adi beni Anutu ka tim iya' kabinga abugu' wara'ganang tubobu mugo wara'ning undu' kuma' nakedagu'.

JON Anutuning midi kareng Jon wari yoku' 13:32

Ka kane ka wara'ganang wa Anutu ana mindingni naganing tangkunang u tipkadofiinga kaga waraga' tota'. Ka wa ko mo', inga' ingging kabi'sini' tota'.

JON Anutuning midi kareng Jon wari yoku' 15:15

Ka tim wa sidi naning kane aming sige slev arantagim sa' ningda'ning ikiting. Ka inga' yara'ganang wa sidi kane aming slev ning nua' mo' ikanting. Mokngang sidi naning amane sini' ning ubu kuma' iking. Ka kane aming slev ning kadapmang wa sidindu' kuma'sa' naking. Kane aming slev adi girini wari nasi' ni titiga' kapmo' surota' wara'guk mo' yangtintingneinga kating, mokngang. A sidi wa beng sini', nasi' nasi' midi a kadapmang ka sibeng wari nagasa' nanggu' wa na kuma'sa' sangsasu'neinga naking wara' sidi naganing amane ning ubu kuma' iking sabarik.

JON Anutuning midi kareng Jon wari yoku' 16:15

Beng sini' sibeng ning napa' napa' girisi wa naganing wara' na midi ka mini unggo wari naganing kigineng girii u sangtintingnota' ning urang tongak wa waraga' sura tongak.

JON Anutuning midi kareng Jon wari yoku' 17:2

Gu sabaga nagata' wap girii ka Amingning Tim Iyak aming iik u kuma' namgung wara' aming arantagim ka gu nagata' kuma' ibinamgung wa naga ka' iyak iminga adi ka' fikifiki ningsa' iik wara'ning.

JON Anutuning midi kareng Jon wari yoku' 3:16

Ka beng sini' Anutu adi aming kamaganangni dabiksa' wari kadaga titiga' mo' naku'. Mokngang adi aming wari kareng gi' giri iik waraga' siamo' naknga yotangkayap titi waraga' ananing mindingni kubaniksa' unggung kabiamgu'. Ning tinga aming ka adita' naktangka tinting wa kadaga guk mo' tini', mokngang adi kareng gi' giri ira fikifiki ka' ningsa' ikni'.

JON Anutuning midi kareng Jon wari yoku' 3:25

Ka Jon ning arantagimni guk ka Juda aming girii nua'ni guk adi Juda anasining kadapmang ka fuksi' a gafa napa' wara'guk dabik yotikinga aming karesi iyak wara'ning waraga' tonga naking.

JON Anutuning midi kareng Jon wari yoku' 5:26

Ka sibeng Anutu adi ka' iikning ki sini' wara' adi mindingni nandu' anagok ka' dabik ningsa' iik waraga' nipmugu'.

JON Anutuning midi kareng Jon wari yoku' 5:27

Ka mindingni na Amingning Tim Iyak ning itik wara' sibeng adi aming aming ning iik a kabaksi' u yapdidimanga tagagareyap wara'ning girii nipmugu'.

JON Anutuning midi kareng Jon wari yoku' 9:29

Moses wa giri, Anutu wari adiganang midi guk anigu' wara' indi Moses ning arantagim. A aming ka wa indeng kadofinga abugu' wara'guk mo' sini' nakem.

Ap 10:36

Ka sidi midi ka Anutu wari Isrel arantagim indita' nimgu' wa kuma'sa' naking. Midi ka wa kareng sini' ka Kasira Aming Jisas wari aming kamaganangni dabik indining girini' ning ira ning tanga indi Anutuning digirap ikitam u udanga fabanga Anutu guk kabakni' kubaniksa' iik wara'ning kadapmang ubu tinimara' wara'ning.

Ap 2:17

<

ROM Midi umpang Pol wari Rom aming ga' yokiamgu' 1:4

Adi aming sini' yagu' de ka Anutuning mini unggo ka kadapmang didimeng tuang wari adiganang ira yotangkangam tugu'. Ka inga' adi kungkumak tanga tubobu seranga maragu' wara' aming indi u kanga ning tugutam, o adi Anutu wari kigineng sini' yotangkangamgu' wara' adi Anutuning mindingni beng sini'. Ka aming ka wa indining girini' ka wapni Kasira Aming Jisas wang.

ROM Midi umpang Pol wari Rom aming ga' yokiamgu' 8:17

Ka indi wap kigineng ka Anutuning mindine wara'guk ikem wa indi aming ka inga' babangse ning mambong dibing manggakna ning wap guk urang ikiting ning ikem. Ka indining girini' Kasira Aming Jisas undu' Anutuning mindingni sini'. Ka tim mamareng girii wari adiganang kadofiinga adi waraga' mutu tanga mamareng bimbem ga' bibi' guk mo' naku'. Mokngang adi bimbem sa' tugu' wara' Anutu wari adita' wap girii amigu'. Ka indindu' Anutu ananing mindingni wara'guk mindine sini' ning kuma' ikem wara' indi mamareng fam ka adi bemgu' ningwari kadofaniminga wa bimbem sa' tantam. Ning tinga inga' Anutu wari napa' kareng ka Jisas guk wap girii u nimo'ga'.

1 Kor 2:7

Ka midi sasuk kareng guk ka wa inga' indi Anutu ananing iik kareng wara'ganang iik waraga' sura timinggi' tinimggi'sini' kama kunim guk mokngang ganang kuma' kamitangkagu', ka sareng mo' kapmo' itarugu'.

1 Kor 8:6

Ka aming ka naktangka tanga ikem indi kuma'sa' nakedem Anutu wa kubaniksa' ka babangni' girii unggungsa' anitam. Anapmo' kubaniksa' wa napa'napa' dabik wara'ning tuang wara' aming indi adita'sa' sasuk wara'ning. Abanga girii undu' kubaniksa' ka Kasira Aming Jisas unggungsa'. Anasa' napa'napa' u tasasu'negu' wara' adining kigineng warisa' tanga wa aming indi ka' iyak titam.

GALESIA Midi umpang Pol wari Galesia amingga' yokiamgu' 4:4

Ka inga' kama ka Anutu wari indi aming sini' ningda'ning iikga' kuma' sura kabigu' wari kadofiinga wa Anutu wari adining mindingni u anigaranimgu'. Anigareinga afanga taming kamaganangni wari ibeinga kadofinga Juda ning kadapmang tapni ning kapmik ganangsa' ira kadapmang unggungsa' yaranga tanga giragagu'.

EFESAS Midi umpang Pol wari Efesas amingga' yokiamgu' 1:10

Ka Anutuning sasuk mang ka wa ning, Anutu adi aming a napa'napa' u indifididimanga anganga kama ari' ka inga' adi kuma' sura kabigu' wara'ganang wa adi aming kamaganangni dabik a kunim aming u fabanga bak dabiksa' kuknipma indining niptatora aming girini' ka Kasira Aming Jisas u kaminiminga niptatoro'ga'.

EFESAS Midi umpang Pol wari Efesas amingga' yokiamgu' 3:9

Ka Anutu wari aming yotangkayap ning kadapmang kareng ka wa tim ana kama i munumung sini' tugu' ganang wa adi sasuk girii ka wara'guk kuma' yagu'. Ka adi sasuk girii ka wa urap mo' tipsarendagu', kapmo' ningsa' ira ababanga inga'sa' tipkadofigu'. Ning tanga adi sasuk ka u ituanga yara waraga' wa naga nipmiinga tanga itik yang.

HIBRU Midi umpang aming nua'ni wari Juda amingga' yokiamgu' 1:5

Ka indi mindingni ning wap kigineng wari ensel ning wap u tarafita' wara'ning u sura nakeda waraga' ka Anutu wari midi nua'ni togu' u yoking wa ning, <> Abanga waraga' unggung ka midi nua'ni ka ning togu', <> Ka ning togu' waraga' sukantam, Anutu adi midi ka u togu' wa adi kunim aming ga' mo' sura togu', mokngang, adi ananing mindingni didimeng waraga'sa' togu'.

HIBRU Midi umpang aming nua'ni wari Juda amingga' yokiamgu' 1:8

Ka Anutu adi mindingni ga' wa ning togu', <

HIBRU Midi umpang aming nua'ni wari Juda amingga' yokiamgu' 11:3

Ka indi Anutuga' naktangka titam warisa' tanga ning katam, Anutu adi kama a kunim a napa' fam wa adi midi togu' wara'ganangsa' kadofiging. Wara' indi kuma'sa' nakedem, napa' ka sareng yabitam wa kigineng ka kaga titining guk mokngang warisa' tanga ifikadofigu'.

HIBRU Midi umpang aming nua'ni wari Juda amingga' yokiamgu' 2:3

Ka tim Anutu adi kagaya wa aming ka ensel ning midi mo' nakiaging unggung kabiamarugu', a kami yara'ganang wa midi kareng sini' ka kane kigineng ka Jisas wari tubobu manggaknip ga' tugu' wara'ning ka girii Jisas ananing mini wari sini' afanga togu', a inga' undu' aposel ka adining midi u naking wari ituanima o midi ka wa beng guksa' ning kuma' ningging. Wara' indi midi ka indi manggaknip wara'ning waraga' manda ukngamtam wa wara'ning kagayani wa girii sini', indi kagaya u tatarafik ning kadapmang nua'ni guk mokngang, bimbem sa' titi wara'ning.

HIBRU Midi umpang aming nua'ni wari Juda amingga' yokiamgu' 3:6

Ka Jisas undu' adi beni Anutu wari adining aming arantagim u yaptatora wara'ning tim iyak aming girii kamigu'. Ning tinga adindu' didimengsa' tugu'. Ka adi kane aming sa' mo', adi Anutuning mindingni sini' ning ira tugu' wara' kane amingsa' Moses wara'ning wap u tarafata'. Ka Anutuning arantagim wa naktangka aming indi yang, wara' indi kadapmang kareng ka Anutu wari inga' ningtintingna ga' togu' waraga' sura kabakni' kubaniksa' kufakantam. Kufara ning tanga napa'niga' mutu guk mo' tanga tangkunang sa' ikantam wa indi adining arantagim beng sini' ikantam.

HIBRU Midi umpang aming nua'ni wari Juda amingga' yokiamgu' 4:14

Ka indi aming ka indi yotangkanipma Anutu wari indining kadagang u ufafenim waraga' anini wara'ning girii sini' wapni ka pris giri wara'guk kuma'iknimara'. Adi kamaganang i iya' kabinga aranga Anutuganang didimengsa' anga ikiamu'. Ka pris girii ka wa Anutuning mindingni Jisas, wara' indi waraga' sura adita' naktangka tem wara'ning kadapmang kareng wa ningsa' surotangkanga ikantam.

HIBRU Midi umpang aming nua'ni wari Juda amingga' yokiamgu' 5:8

Adi Anutuning mindingni wara' adi mamareng girii ka u kadofingamgu' wa girisa' tarakayoning, ka mokngang, adi kagabi sa' tinga mamareng wari adiganang abuinga bimbem sa' tugu' wari adining kaba u tiptangkanga tanga anganga aming beni ning midi ninaking ning kadofigu'.

HIBRU Midi umpang aming nua'ni wari Juda amingga' yokiamgu' 7:28

Ka pris girisi arantagim ka Moses ning kadapmang tang ning bining ganang ira titing adi amingsa' wara' adindu' kadagang guk, a Jisas wa kadagang guk mokngang fafandangeng karengsa' ikita'. Ka Moses ning kadapmang tapni wara'ning inga'ganang wa Anutu wari kadapmang inga'ni ka aming indi yotangkanip waraga' wa ananing mindingni u pris girii kane ka u tanga ikiting ningwara' u tanga iik waraga' wa midi totangka kigineng guk tanga kamigu'. Ka warisa' tanga wa adi pris girii ning kadapmang didimeng beng guksa' tanga ira fikifiki ningsa' ikita'.

HIBRU Midi umpang aming nua'ni wari Juda amingga' yokiamgu' 7:3

Abanga adining mengni beni papane arantagim a nasi' kama ka mengni wari iibe tugu' u ma kungkumak tugu' wara'ning guk mo' nakiaging wara' wara'guk mo' tuguinga nakitam. Ka indi u kanga ning nakedantam, o beng sini' adi pris kuni' nua'ni ka fikifiki ningsa' iik ka Anutuning mindingni wari tanga ikita' ningsa' ko tanga ikita'.

1 Pita 1:20

Ka Kasira Aming ka indi yotangkanip ga' kane u tugu' wa timinggi'sini' kama kunim ko mo'tugu'ganang wa Anutu wari kane ka u titi waraga' kuma' kasiranga kabigu'. Ka inga' sini' i ikem yara'ganangsa' wa indi yotangkanim, ga' tanga sareng kadofiinga kagum.

2 Pita 3:3

Ka midi girii nua'ni ka naga sangnatamotik wa ning, kama ka i ikem ya napa'napa' wari bisasu'na wara'ning kama wari kabi'sini' kadofota'. Ka wara'ganang wa aming ka anasining kabaksi'ning sasuk ka napa'napa' kamaganangni u titiga'sa' nakiting wari ifikadainga ikiting wari kabi'sini' kadofinting. Kadofinga sidita' mamareng samonga midi ning sangkigeni'ga',

JUT Midi umpang Jut wari yoku' 1:18

Ka adi ning sangging, kama yari ari' biunga to'ganang wa mandaga' aming fam wari kadofinga abanga Anutuning kadapmang kareng waraga' midi tokige tini'ga'. Ning tanga adisining kabaksi' wa kadapmang kadagang waraga'sa' marara tanga yarani'ga', ning sangging.