GALESIA Midi umpang Pol wari Galesia amingga' yokiamgu' 5:16 - Anutuning midi totangka ingaʼni16 Ka ning sanotik naktangka aming sidi mini unggo ga' aigangaminga mini unggo warisa' sangtintingneinga tanga ikanting. Ning tinting wa sidi sasuk kadagang timini waraga' nua'bu guk mo' sukanting. အခန်းကိုကြည့်ပါ။ |
O beng sini' kuyane, na aming indining iik ka kamaganang i iikning wa paramu' mo' pumpurumsa' kuma' biuta' waraga' sura wa midi ka u torik wang, wara' i ikem wa sasuk kubanik ka girii Jisas ning kane tang sa' tanga iik waraga'sa' tantam. Ka ning sutik, aming ka taming guk wa adi sasuk fam u kabinga ning tanga amikasa' ningda'ning sigesa' ubu ira girii ning kanega' sasuk guk ka ka'sa' iikning ningda'ning ikanting.
Ka kuyane naktangka aming sidigok ka indigok dabiksa' indi midi totangka kareng ka Anutu wari adigok iikga' u togu' waraga' sura indi kadagang ka fukni' a urini'ganang ira indifikadaga tita' u wadigi' tanga kayonga fafandangeng kareng sini' ikantam. Ning tanga indi Anutu kigineng girii waraga' mutu tanga indining iikni' wa fikifiki tipdidima tipdidima tanga ira antam.
Ka midi ka u torik wara'ning kini wa ning, Anutu wari Ebraham guk midi totangka u timinggi' kuma' tanga kama paramu'sini' ira ababanga gurak 430 ning kabinga Anutu wari Moses ga kadapmang tapni wa inga' amigu'. Ka kadapmang tapni ka inga' kadofigu' wari Anutuning midi totangka ka timinggi' Ebraham guk tugumu' u mo' udagagu', a inga' yara'ganang undu' mo' udara', mokngang, tangkunang ningsa' ko fidera'.
Ka aming indining iikni' undu' ningsa', aming ka ananing sasuk kadagang timini sa' yaranga tanga irota' wa inga' undu' kadagang wara'ning bengni ka kungkumak unggungsa' katuawa'. A aming ka Anutuning mini unggo ning kadapmang didimeng waraga'sa' sura tanga irota' wa adi kadapmang didimeng wara'ning bengni ka ka' iik kareng ka fikifiki ningsa' iikning u katuawa'.
Ka aming arantagim nua'ni sidisa' mo', tim Juda aming indindu' ningsa', indi aming arantagim ka Anutuning midi guk mo' naknga iikning ning yagum. Ira ning tanga kabakni'ganang wa sasuk kamaganangnisa' tanga yagum. Kadapmang kadagang ka wara'ganang yagum wa aming ka kadapmang kadagangsa' urang tanga ikiting wara'siguk dabik ningsa' kuma' yagum wara' Anutu adi adisigok dabik kagaya girisa' ninim ning.
Ka sidi Jisas ganang sini' yorafanga ikinga Jisas wari sidining sasuk kamaganangni kadagasi ka kabaksi'ganang u kuma' tanga yuguksamgu'. Ka u tasamgu' wa aming wari Anutuning arantagim iikga' sura napa' usingsa' ka fuksi' giknim urang dopma yugukiamiting ningwara' mo' tasamgu', mokngang, adi napa' beng guk sini' tasamgu' wara' sidi Anutuning de ganang wa adining arantagim fafandangesi kareng beng guk ning iking.
Beng sini' tim sidi anutuning midi u kabi'guk mo' naknga ira sidining sasuk ka kabaksi' wari kadagang titiga' maraksap ning unggungsa' yaranga tanga yaging, a kami yara'ganang wa kadapmang ka tim tanga yaging wari nua'bu mo' saptatoreinga ikanting, mokngang, sidi aming arantagim ka Anutuning midi ninakisi ningsa' ikanting.
Ka sidi Jisas ning midi beng u naknga kabaksi' guk kufara yarasa' ting warisa' sidining kabaksi' u sifigidibainga sidi kabaksi' ka naktangka aming kuyase famga' siamo' naknga yotangkayap titining wara'guk ubu kuma' iking. Ka sidi adisita' siamo' ninak wa mandaga' mo' giknanting, mokngang, sidi kabaksi' guk beng sini' kufara tinting.
Ka Anutu adi aming dabiksa' ning kadapmang u yapdidimanga kareng a kadagang ning tonga tarayap wara'ning ki sini', wara' adi aming indi kadapmang karengsa' tanga iikga' sura aming fam yangkareinga abanga adining midi kareng u ituanima yareting. Ka aming fam ka tikm Anutuning midi kareng i kuma' naknga aming karesi ning ira kumoging adi fuksi' warisa' batagainga urasi' wa ka' fikifiki ningsa' iyak ka Anutu wari tanga ikita' ningsa' ikiting.