GALESIA Midi umpang Pol wari Galesia amingga' yokiamgu' 2:3 - Anutuning midi totangka ingaʼni

^3-5 Ka tim Banabas guk indi Juda ning kadapmang tapni sa' yaranga yagumuk, ka inga' indi naktangka tanga girii Jisas ganang sini' ubu ira Juda ning kadapmang kuni' kuni' dabiksa' wara'ning kapmik ganang nua'bu mo' ikitamuk, waraga' tanga inga' midi bak u tugum ganang wa aming fam wari inga' abanga indining sasuk ka Juda ning kadapmang tapni ning u ko udep tanga ikiamuk ning waraga' nipdidimonga wa indindu' naktangka aming ning u sige tonga abanga indining bining ganang u meking. Ka Banabas guk indi kuma' yapkedagumuk, adi indita' mamareng nua'bu ninim ga' ning tonga tiging. Adi aming ka Juda mo', arantagim nua'ni Grik wara'ni ka Taitas u nagira agumuk u kanga fuksi' giknim ka Juda arantagim ana Anutu wari kareng iyap ga' ning tonga dobiting ning tangam ga' ning tonga abanga toging. Ka aposel arantagim fam adi midi ka Taitas ning fugu giknim dopmam ning waraga' kabi'guk mo' ningging wara' indi aming ka mandaga' gikneging wara'sining midi wa nakyam guk mo' tugukm. Ning tanga Taitas ning fugu giknim undu' mo' dopmamgum. Beng sini' timinggi Galesiani naktangka aming sidi Juda ning kadapmang ning kapmik ganang iikga' guk mo' sanggum wara' inga' Jerusalem yongganang do agumuk ganang undu' indi midi ka tim togum u kabinga kadapmang nua'ni nua'bu titiga' kabi'guk mo' sukumuk. Wara' adi midi ka Juda ning kadapmang tapni yaranga titining waraga' toging wa indi bibi' nakiama aiga guk mo' tugumuk.

GALESIA Midi umpang Pol wari Galesia amingga' yokiamgu' 2:3 ပူးပေါင်းရင်းမြစ်များ

Ap 15:24

Ka indi midi ka aming fam ka indi ganang yari indigok mo' yabinga anga anasining sasuksa' tanga midi tangkunang ka kadapmang fam ka mo' titining u titi waraga' sangdidenga sidining naktangka tipkadasamonga ting wara'ning wa kuma'sa' nakem.

Ap 16:3

Ka Pol adi Timoti u kanga adigok kane kubap tanga au waraga' nanagik ga' suku'. Ning tanga Pol adi sasuk ka Juda aming ka kama tubo u ira yariaging adi Timoti ning beni wa Juda mo' aming arantagim nua'ni wara'ni, ning u kuma' naksasu'nanga ikiaging wara' adi kadapmang ka Pol wari Timoti nagiku' u kadagang ning kanga Pol ning midi ga' bibi' ninak waraga' sura Juda ning kadapmang yaranga Timoti ning fugu giknim ubu dopmamgu'.

2 Kor 2:13

ka na yong ka wara'ganang wa kuyana Taitas ning nonda guk mo' kanga irosi tanga base tuguk. Ning tanga Troas ning naktangka aming u midi kabi' ka kabaksi' kugurang ikni' ningsa' ina ibinga kama tubo Masedonia tara' waraga' mugo tuguk.

GALESIA Midi umpang Pol wari Galesia amingga' yokiamgu' 2:1

Ka inga' na kama paramu'sini' ka gurak 14 ning kuma' ibinga Banabas guk indi Jerusalem yongga' tubobu aregumuk. Ka indi kuyani' nua'ni ka Taitas undu' nagira ning tanga adigok kubap dabik aregum.

2 Timoti 4:10

Yotangkanap titining aming ka Dimas adi napa' kamaganangni ga' siamo' naknga manda uknama Tesalonaika yongga' kuma' nibinga mugogu'. A Kresens adi kama tubo Galesia ga' kuma' mugogu'. Abanga Taitas wa kama tubo Dalmesia ga' mugogu'.

TAITAS 1:4

Ka Taitas gu naktangka dabiksa' ka indi tanga ikem ningsa' tanga ira naganing sabana ning itang wara' na guta' midi umpang i yokamirik. Sibeng Anutu a yotangkanip aming Kasira Aming Jisas wari ai'dap tagama kabaksi' kugurang gaminga sibim kareng ganang kugurang gi' ningsa' irotang.