GALESIA Midi umpang Pol wari Galesia amingga' yokiamgu' 1:11 - Anutuning midi totangka ingaʼni

¹¹ O kuyane sareng ning sanotik, midi kareng ka naga tim u anga ituasamguk wa aming kamaganangnisa' nua'ni wari sura tokadofigu' wara'ning mo' bema ituasamguk.

GALESIA Midi umpang Pol wari Galesia amingga' yokiamgu' 1:11 ပူးပေါင်းရင်းမြစ်များ

ROM Midi umpang Pol wari Rom aming ga' yokiamgu' 2:16

Ka beng sini' kama girii nua'ni ka Anutu wari kuma' sura kabigu' wara'ganang wa Anutu wari mindingni Kasira Aming Jisas u kamiinga kane kigineng ka aming aming ning iik a sasuksi' kapmo' u beng guksa' yapdidimanga tagagareyabo'ga'. Ka ki ka waraga'sa' tanga wa naga midi kareng u ituaima fiaretik wang.

1 Kor 11:23

Ka na midi kadapmang kareng ka Kasira Aming Jisas ning gom u tanga nana wara'ning ka tim girii ana arantagimni guk tanga naging wara'ning u namgu' wa nagabu sidita' kuma' tanga samguk. Ka wa ning, kama kibiri ka Judas wari aming wari Jisas u bimbem waraga' kadapmang kuma' tugu' wara'ganang didimeng ka arantagimni wari bak dabik kura mareking. Ka girii Jisas wari nana kafo baret kubanik u bema

1 Kor 3:4

Beng sini' sidi kadapmang ka naktangka aming sidasa' tubo kidagang tonga a indi Pol ning midi sa' nakantam, a aming fam ka a indi Apolos ning midi sa' nakantam ning fatoing, wara' na u naknga sidi aming kamaganangni ko iking ning sabarik.

1 Kor 9:8

Ka wa kamaga ka aming indi titam wara'ning u tanga torik. Ka aming indi titam waraga' naga kami inga'sa' mo' sura torik, mokngang, wa Anutuning kadapmang tang ganang undu' kadapmang ka ningwaraga' kuma'sa' togu'.

GALESIA Midi umpang Pol wari Galesia amingga' yokiamgu' 1:1

Pol na aposel kane tanga ira umpang i yoksamarik. Ka naga aposel kane tanga itik wara'ning ki wa aming anasining sasuk ganangsa' ninipmi wa ma tangkunang nama nangkara ningwara'ning mo', mokngang, Kasira Aming Jisas guk ka sibeng Anutu ka Jisas wari kumogu' u tubobu tipmaragu' wara'guk anasa' kane ka yaraga' nipmugumu'.

GALESIA Midi umpang Pol wari Galesia amingga' yokiamgu' 1:6

Ka na naktangka aming ka kama tubo Galesia tara' iking sidi Anutuning kadapmang kareng urapsa' kabing wara'ning midi u naknga base tirik. Tim Anutu wari ai'dap tanga kane ka Kasira Aming Jisas wari tugu' wara'ganang katisaninga adiganang kuma' yaging, ka inga' kabi'sini'sa' iya' nakarik wa sidi Anutuning midi kareng u kabinga midi sigening ka aming fam wari ya midi kareng ning fasaning ubu yaring.