EFESAS Midi umpang Pol wari Efesas amingga' yokiamgu' 6:21 - Anutuning midi totangka ingaʼni

^21-22 Ka Pol na naktangka aming nua'ni ka indining kuyani' kareng nua'ni ka wapni Tikikas adi indigok girii ning kane aming sini' ning dabik ira kane kubap titam u anigarasamarik. Adi naganing iik ka yong ka yara'ganang wa indining da'ning itik wara'ning wa adi kuma' anga saninga naknga a sidining kuyase fam ka kubap dabik ikem wara'sining iiksi' wara'ning undu' anga saninga naknga sidining naktangka u sifatangka waraga' sura wa Tikikas u anigarasamarik wang.

EFESAS Midi umpang Pol wari Efesas amingga' yokiamgu' 6:21 ပူးပေါင်းရင်းမြစ်များ

Ap 20:4

Ka aming fam ka Pol guk kubap aging wara'sining wapsi' wa ning, Sopata ka Piras ning mindingni ka Beria yongni a Aristakas ya Sekandas ya ka Tesalonaika yongni a Gaias ka Debi yongni a Timoti abanga kama tubo Esia tara' wara'ni aming fama' ka Tikikas ya Trofimas ya ning wari Pol guk kubap mugoging.

1 Kor 4:17

Ka na sidining kabaksi' sifamarakinga sidi kadapmang kareng ka u titi waraga' sura wa na saba uyamang kareng Timoti u anigararik. Ka Timoti ka wa nagok girii ning kane titamuk ganang wa adi nasi' kane wa kaba guk kufara titisa' tanga naganing sabana kareng ning ikita'. Ka wari anga sidigok u ira nasi' nasi' kadapmang kareng ka Kasira Aming Jisas ning ka naga tanga ikitik waraga' sidining sasuksi' u nua'bu sifamarakota'. Ka sasuk a kadapmang kareng ka u sanggerota' wa naktangka aming arantagim ka naga kama yong fam ganang ikiting u yangara yanggekitik wara'guk dabik ningsa' sanggerota'.

FILIPAI Midi umpang Pol wari Filipai amingga' yokiamgu' 1:12

Ka kuyane sidi napa' mamareng ka naga kalabus tirik ya napa' kadagang ning kanga yaraga' sasuk mimeng mo' tinting, mokngang, sidi kafakafa ning nakedanting, iyung kane kalabus i tirik ya Anutuning midi kareng ning kane titi wara'ning kadapmang u udaga ning mo', ya Anutuning midi kane titi wara'ning kadapmang u sareng sini' tipkadofiinga midi wari girii giranga au wara'ning kadofara'.

KOLOSI Midi umpang Pol wari Kolosi amingga' yokiamgu' 1:7

Ka aming ka sidita' Anutuning midi ituasamgu' wa Epafras ka indining kuyani' kareng indi Anutuning kane aming dabiksa', fikifiki adi Timoti guk indi yotangkanima anga Kasira Aming ning midi kareng sidining bining ganang tipkadofi waraga' kane tang sini' tita'.

1 Timoti 4:6

Ka Timoti gu midi ka i yokamarik i bema kuyane fam u inotang. Gu ning totang wa gu Kasira Aming Jisas ning kane aming kareng sini' irotang. Ning tanga Anutuning midi kareng ka indi naktangkatam waraga'sa' sura ning tanga midi kiginesi ka aming yanggekitam wara'ning u yarotang wari gifitangkainga tangkunangsa' adeutang.

2 Timoti 4:12

A Tikikas wa na Efesas yongga' kuma' anigareinga agu'.

TAITAS 3:12

Ka na aming ka ni anigaragam ga' sutik, Atemas wa ma Tikikas u anigareinga auta'. Ka aming ka u anigarotik wari guganang u anga kadofinga wa gu u kanga nakeda tanga Nikapolis yongga' abe'. Ka kama ka wara'ganang wa kama ka gugubik kadagang wari kadofita' wara'ning wara' nandu' unggung anga gugubik kadagang wari bibi' waraga' kapmera irok wara'ganang unggung abanga nabe'.

FAILIMON Midi umpang Pol wari Failimon ga' yokngamgu' 1:16

Beng sini' tim Onisimas adi guning kane aming sige slev ningsa' yagu', ka inga' i auta' yara'ganang wa adi kane aming slev sa' mo' irota', mokngang, adi napa' tangkunang ka girii ga' naktangka ka gu tanga itang ningwara'guk kuma' ita' wara' guk kuyaga kareng ka adita' siamo' ninakning ning ubu kautang. Beng sini' adi naganing aming kareng sini', abanga adi napa' fama' guk ka guning kane aming kareng a girii Jisas ning naktangka aming ning ita', wara' gu waraga' sura kuyaga ning guk ubu anotang.

1 Pita 5:12

Ka na midi ka umpangganang u tonga abarik wa Sailas wari yotangkanama adining kafong warisa' yoknamara'. Sailas wa na ning fakarik ka indining kuyani' kareng sini'. Na sidining kabaksi' sifimarakinga sidi tangkunangsa' ira midi beng guk ka Anutu wari aming indita' ai'dap tinim wara'ning ka naga faituasamarik wara'ganangsa' iik waraga' sura umpang i yoksamarik.

2 Pita 3:15

Ka sidi girii wari kadapmang kugurang tanga kama kunim urap mo' tipmirira' u kanga ning sukanting, o beng sini' adi u tara' wa indi sasuk bema adita' kabakni' tipfaranga inga' kadaga guk mo' titi waraga' tinimara'. Ka indining kuyani' kareng Pol adindu' Anutu wari sasuk amiinga sidi yotangkasap waraga' iiksi' tipdidima wara'ning midi ka i yoksamarik ningyara' undu' kuma'sa' yoksamgu'.