EFESAS Midi umpang Pol wari Efesas amingga' yokiamgu' 6:18 - Anutuning midi totangka ingaʼni

¹⁸ Ka sidi Anutuning mini unggo wari yotangkasaminga ira fikifiki Anutuga' ibang tangkunang tonting. Ning tanga sidi Anutuga' ibang ka kadapmang kuni' kuni' wara'ganang tongama katingangting. Ning tanga sidi digirapsi' wari kadofisam waraga' wa suknakube da'ning guk mo' tinting, mokngang, sidi fikifiki sasuk guk ningsa' ira ibang sa' tonga ira anting. Abanga sidi Anutu wari naktangka aming ka kama yong fam dabik ka indeng ira yaring u yotangkayap waraga' undu' ibang fikifiki toimting.

EFESAS Midi umpang Pol wari Efesas amingga' yokiamgu' 6:18 ပူးပေါင်းရင်းမြစ်များ

MATYU Anutuning midi kareng Matyu wari yoku' 17:21

(Ka sidi masi' unggo kadagasi tanga iguk ning tangkunang guk mokngang ning toing waraga' wa ning sanotik, napa' girii sini' ka mini unggo kadagang tanga kayoning ningwara' wa sige siasa' guk mo' tanga kayoutang. Mokngang gu Anutuga' ibang ka kabaka guk kufara nana tapni sini' tanga toutang wa napa' tangkunang sini' ka ning u tinga beng guksa' kadofigamota' ning yanggu'.)

MATYU Anutuning midi kareng Matyu wari yoku' 26:41

Sidi ka'sa' marekni', napa' sansaramik titining wari kadofinga siramakinga kadaga ma tini' wara' sidi ka'sa' mera ibang tangkunang toni'. Beng sini' kabaksi' wa napa' kareng titining sa' ka fuksi' warisa' baraganeng naking ning yanggu'.

MAK Anutuning midi kareng Mak wari yoku' 13:33

Ka sidi kama ka naga afufu wara'ning wara'guk mo' nakeding wara' sidi tugunung tanga sidining kadapmangsi' u tipdidimanga nipmekanting.

MAK Anutuning midi kareng Mak wari yoku' 14:38

Ning tanga famineng dabiksa' ubu yanggu', sidi dama mo' dekanting mamareng kadofota' mangfu ma tini', som tangkunang tanga ibang toni'. Beng sini' kabaksi' wa giri yotangkanap ga' suking de ka fuksi' warisa' tanga baragana ting.

LUK Anutuning midi kareng Luk wari yoku' 21:36

Ka sidi waraga' sura fikifiki Anutuga' ibang tangkunang tonga ira anting. Ning tinga Anutu wari yotangkasap tinga sidi tangkunang guk giri ikanting wara' napa' mamareng ka u torik wari mo' sifikadauta'. Ning tanga inga' sidi Amingning Tim Iyak naganing dimina ganang ararangeng karengsa' naknga sasoeng sa' adeni' sabok ning yanggu'.

LUK Anutuning midi kareng Luk wari yoku' 22:46

U yapma yubusega tanga ning yanggu', ai mamarak tini' dama guk wa nasi'ga' defaking. Mamarak tanga kigineng adenga ibang tangkunang toni', napa' mamareng ka sansaramik sa' titining wara'ganang ma kadani' ning yanggu'.

LUK Anutuning midi kareng Luk wari yoku' 3:26

Nagai ning beni wa Meat. Meat ning beni wa Matataias. Matataias ning beni wa Semen. Semen ning beni wa Josek. Josek ning beni wa Joda.

LUK Anutuning midi kareng Luk wari yoku' 3:37

Lemek ning beni wa Metusala. Metusala ning beni wa Inok. Inok ning beni wa Jeret. Jeret ning beni wa Mahalalil. Mahalalil ning beni wa Kenan.

Ap 1:14

Ka aming arantagim ka wara'guk ka taming ka Jisas ning mengni Maria anagok ka taming fam guk abanga Jisas ning kuyane arantagim wara'guk dabik adi fikifiki kabaksi' kubaniksa' kufara Jisas ga' sura bak kura ira ibang fatoyaging.

Ap 10:2

Adi Rom aming de, ka adi kurene dabiksa' adi Juda ning Anutu girii ning midi ninak ga'sa' nakiaging. Abanga adi Juda aming ka napa'ga' nafek tanga ikiaging u yotangkayapma Anutuga' ibang tonga ning tanga ikiaging.

Ap 12:5

Ka Pita wari kalabus iyung defagu' ganang wa naktangka aming adi Pita ga' sura Anutu wari yotangkangam titi waraga' ibang tangkunang fatongamging.

Ap 6:4

Ning tinga aposel indi kane didimeng kubanik ka ibang a midi kareng itua wara'ning unggungsa' tantam ning yangging.

ROM Midi umpang Pol wari Rom aming ga' yokiamgu' 12:12

Sidi sasuk ka Anutu wari inga' sidita' kafakafa tasam waraga' suktangkanga iking wa sidi kabaksi' ararangeng kareng guk naknga ikanting. Ka mamareng wari sidiganang kadofisaminga wa sidi kabaksi' kugurang guk ira bimbem sa' tinting. Abanga sidi kadapmang ka ibang fikifiki tutugu ning undu' kagabi guk mo' tinting, tang ningsa' tanga ira anting.

ROM Midi umpang Pol wari Rom aming ga' yokiamgu' 8:15

Beng sini' tim indi Anutuning mindine ning mo' yagum. Mokngang indi Anutu wari indining kadagang waraga' kagaya ninim waraga' sura yagum wara'ning mutu girii wari tofanibinga indi wara'ning kane aming sige slev ning yagum. Ka inga' Anutu wari indining sasukni' u indifitangkainga indi Anutuga' mutu nua'bu mo' titam. Mokngang indi Anutuning mindine ubu ira kabakni' kugurang kareng naknga Anutu wa o indining sibeng ning ubu anem.

GALESIA Midi umpang Pol wari Galesia amingga' yokiamgu' 4:6

Ka sidi a indi dabik indi Anutuning mindine ning kuma' ikem, wara' Anutu wari ananing mindingni ning mini unggo u kaminiminga mini unggo wari indining kabakni'ganang u ira yotangkanibinga indining sibeng ning kuma' anitam.

EFESAS Midi umpang Pol wari Efesas amingga' yokiamgu' 2:22

Ka aming arantagim nua'ni sidi a naktangka aming fam indi Kasira Aming Jisas ganang ira kabakni' kubaniksa' kufara ikem wa yak wari kareng sini' kadofiinga Anutuning mini unggo wari yak ka wara'ning tuang ning irota'.

EFESAS Midi umpang Pol wari Efesas amingga' yokiamgu' 3:18

Abanga sidi a naktangka aming fam ka kama indeng ira yaring wara'guk dabik sidi Kasira Aming Jisas adi kabakni' ka aming fam ga' siamo' ninak wara'ning ki sini' wara' adi indita' siamo' nakita' waraga' sura nakedanting. Beng sini' adining tangkunangni ka indita' siamo' nakita' wa kabasi' mo', girii sini' ka ari'ni guk mokngang wara' aming kamaganangni indi wara'ning kini u nakedasasu'na ning guk mokngang. Ka tangkunang ka wa Anutu ana ganang tona sini' tanga ikita' wara' na Anutu wari tangkunang ka u saminga tona sini' tanga iik waraga' ibang fatorik.

EFESAS Midi umpang Pol wari Efesas amingga' yokiamgu' 3:8

Ka na ning toutik, na kadapmang kadagang ka naga tim tanga yaguk waraga' sukitik wa na aming ka Anutuning arantagim ganang yaging wara'ning wap guk mokngang beng sini' yaguk. Ka Anutu adi naga adining sasuk kareng ga' nafek sini' tanga yaguk u bibiri' napma tangkunang naminga tangkunang ka wara'ganangsa' kane i tanga itik. Ka kane ka i tanga itik ya aming arantagim nua'ni ka Juda mo' sidi Kasira Aming Jisas ning ai'dap kareng ka aming wari midi wara'ning ari'ni u kaga ning guk mokngang waraga' saninga ninak wara'ning tanga itik.

EFESAS Midi umpang Pol wari Efesas amingga' yokiamgu' 6:19

Ka sidi Anutu wari naga yotangkanap waraga' undu' ibang tonamting. Ning tinga Anutu wari adining midi kareng ka tim kapmo' fiderugu' u naminga u itua ning kadapmang guk kanga wa na mutu guk mo' totik, na itua sa' totik.

FILIPAI Midi umpang Pol wari Filipai amingga' yokiamgu' 4:6

Ka sidi napa' fam ga' sura kabaksi' mamareng mo' nakanting, mokngang, sidi Anutuga' ibang sa' tongama ning tanga adining kadapmang kareng waraga' undu' sura asekna ning tonga mesisiringa sa' tanga ikanting.

KOLOSI Midi umpang Pol wari Kolosi amingga' yokiamgu' 1:3

Indi sidi Kasira Aming Jisas ga' naktangka tang tanga kuyase fam ga' siamo' naknga yotangkayap ting wara'ning midi u naknga kabakni' karengsa' naknga fikifiki sidita' ibang tounga wa Anutu ka girini' Kasira Aming Jisas ning beni adita' mesisiringam tanga asekni' ning fatoyamuk.

KOLOSI Midi umpang Pol wari Kolosi amingga' yokiamgu' 4:2

Sidi kadapmang ka fikifiki ibang u tangkunang ningsa' tanga ira au wara'ning wa tangkunang surotangkanga tinting. Ka sidi ibang tounga wa sidi kafakafa sura yaranga ki guk tonting. Ning tanga Anutu wari napa' kareng tasamita' waraga' undu' kabaksi' kareng naknga asekni' ning aninting.

1 TESALONAIKA 5:17

Ning tanga Anutuga' ibang fikifiki tonting.

1 Timoti 2:1

Ka midi ka aming yanggek wara'ning u ganggang ga' torik wa tim munumung sini' ka ning ganotik, sidi Anutuga' ibang tounga wa sidi ibang ka Anutu wari aming sige a aming wap guk ka king a gavman dabiksa' u yotangkayap waraga' undu' tonting. Ning tanga adisining kane kareng waraga' undu' Anutuga' ibang ka kabaksi' kareng naknga mesisiringa titi ning u tonting. Ning tinga Anutu wari yotangkayabinga kafakafa sa' niptatoreinga kugurang karengsa' ira ning tanga Anutuning kadapmang didimeng unggungsa' yaranga tanga ikantam.

2 Timoti 1:3

Ka na Anutu ka tim naganing papane wari adining kapmik ganang ira tangamiaging a inga' nandu' adining kane wa kadapkang didimeng ganangsa' tangamitik waraga' ibang tugutik ganang wa na fikifiki adi yotangkangaminga karengsa' tanga itang waraga' sura Anutuga'sa' mesisiringa siamo' fatirik.

FAILIMON Midi umpang Pol wari Failimon ga' yokngamgu' 1:5

Beng sini' na guning midi ka aming fam wari guning kadapmang kareng ka gu naktangka aming fam ga' kabaka guk naknga kafakafa tiapma yotangkayap tanga fatarang a gu girini' Jisas ga' naktangka tanga itang u gapma abanga fananing wa na kabakna karengsa' naknga Anutuga' mesisiringa fatangamarik.

HIBRU Midi umpang aming nua'ni wari Juda amingga' yokiamgu' 5:7

Ka tim Jisas adi aming sini' ira kamaganang i yagu'ganang wa adi kagaya girii bema kungkumak tonga mamareng naknga beni Anutu adi yotangkangam titining tangkunang guk giri ning kanga beni Anutuga' ibang wa mak guk kara togu'. Wara' Anutu adi mindingni wari nasi' kane adi titiga' amigu' wa adi adining sasukni bema afanga nasi' kane u titisa' tugu' u kanga adining ibang wa nakngam sa' tugu'.

1 Pita 4:7

Beng sini' kuyane kama ka kama a kunim wari bibi'ning wa paramu' mo' pumpurumsa' adera', wara' sidi sasuk kareng guk ira Anutuga' ibang tounga wa ki guk didimeng sura tonting.

JUT Midi umpang Jut wari yoku' 1:20

Ka amane karesi sidi aming ka u torik ningwara' mo'. Abanga kadapmang ka Anutu wari sidi yara waraga' tasamara' wa nua'ni sini', wara' sidi sasuk ka kadapmang kareng ka waraga'sa' tanga ikinga sidining naktangkasi' wari tangkunang sini' kadofota'. Ning tanga ibang ning kadapmang undu' Anutuning mini unggo wari sangtintingneinga didimengsa' yaranga tonting.