EFESAS Midi umpang Pol wari Efesas amingga' yokiamgu' 6:13 - Anutuning midi totangka ingaʼni

¹³ Ka sidi wari saramikinga adiogk ami' titi wara'ning kama wa mo' nakeding, wara' sidi aming ami'ning wari fuksi' tasase napa' tangkunasi warisa' urang tanga adeting ning wa Anutuning midi kareng a adining napa' karesi warisa' tatangkanga adenting. Sidi napa'napa' u kuma' tatangkanga adenting wara' adi saramirota' ganang wa sidi adigok ami' u tanga adi mo' sarafirota', mokngang, sidisa' tarafira tipmikurata tinting.

EFESAS Midi umpang Pol wari Efesas amingga' yokiamgu' 6:13 ပူးပေါင်းရင်းမြစ်များ

LUK Anutuning midi kareng Luk wari yoku' 21:36

Ka sidi waraga' sura fikifiki Anutuga' ibang tangkunang tonga ira anting. Ning tinga Anutu wari yotangkasap tinga sidi tangkunang guk giri ikanting wara' napa' mamareng ka u torik wari mo' sifikadauta'. Ning tanga inga' sidi Amingning Tim Iyak naganing dimina ganang ararangeng karengsa' naknga sasoeng sa' adeni' sabok ning yanggu'.

LUK Anutuning midi kareng Luk wari yoku' 8:13

A wit mindip ka kama pamparangeng uningkim guk ganang mangfanting ning tongak wa aming ka Anutuning midi kareng u naknga kabaksi' munumung ganangsa' wa giri marakiting. Ka adi naktangka sini' guk mo' tanga kabi'sini' ning ikinga mamareng fam wari adiganang kadofiaminga adi mamareng waraga' tanga Anutuning midi kareng u urapsa' kabiting. Adi uningkim ga' tanga ke wari kama mang guk mo' urang amoting ningda'ning titing.

ROM Midi umpang Pol wari Rom aming ga' yokiamgu' 13:12

Beng sini' torik, kama kangkam wari biinga sidii wari ubu kuma' kadofonga tara' wara' sidi kadapmang kadagang ka kama kangkam ganang iik ningda'ning tanga iking u kabisasu'nanga ning tanga kama sidii ning napa' tangkunang kareng ka kadapmang inga'ni ka ami'ning aming soldia wari ami'ga' aunga tugunung tanga fuksi'ganang ain siot urang ipmating ningda'ning u kaminga adenting.

2 Kor 10:4

Abanga kwak ka indi ami' u titi waraga' bemitam wa adi manggeting ningwara' mo', mokngang, indi kwak wa Anutuning kigineng girii ka digirap kadagang Setan ning kadapmang kadagasi' kuni' kuni' girisa' utapasasu'na wara'ning wari titam.

EFESAS Midi umpang Pol wari Efesas amingga' yokiamgu' 5:16

Kami i ikem yara'ganang wa aming arantagim girii wari kadapmang kadagasi kabi'mo' tanga iking wara' sidi napa' kareng titining kadapmang kabi'guk kuma' kanga wa ko da' mo' tinting, kaga'sa' tinting.

EFESAS Midi umpang Pol wari Efesas amingga' yokiamgu' 5:6

Beng sini' aming ka kadapmang ka ningwara' tanga ira Anutuning midi ga' ukngamiting wa Anutu wari inga' kadapmang kadagang wara'ning toni wa kagaya girii sini' kabiamo'ga'. Wara' sidi aming ka ningwara' wari a kadagang sini' mo' girisa' titining, ning saninga wa mo' sini' nakyamting, sidi naro'sa' ikanting.

KOLOSI Midi umpang Pol wari Kolosi amingga' yokiamgu' 4:12

Ka Epafras ka sidining yong dabik adindu' girii Jisas ning kane aming ka adindu' sidita' kaba kareng naknga tora'. Ka na adining kadapmang wa kuma'sa' kadidimanga itik wara' na beng guk ning sanotik, adi Anutu wari Kolosi sidi a aming ka Leodisia yong a Hirapolos yong iking sidi yotangkasap ga' sura kane girii tanga ibang ka sidining sasuk wari girii kadofinga kadapmang kareng titining tangkunang guk ira ning tanga nasi' nasi' Anutu wari sidi titiga' nakita' u nakedasasu'na waraga' ibang tangkunang fatosamara'.

Jems 4:7

Wara' sidi waraga' sura nasi' midi Anutu wari sanota' wa ninaksa' tanga aiga tanga adining kapmik ganangsa' ikanting. Ning tanga sidi napa'napa' ka aming kadagang Setan wari sifikadaga titiga' ning tonga tasamota' wa tarakayo tinting. Ning tinga Setan adi sibinga bima tota'.

1 Pita 4:1

Ka Kasira Aming Jisas wa aming wari kagaya girii aminga ugumoging wara' naktangka aming sidindu' Anutuning kane titiga' wa sasuksi' tangkunang ka adi tanga kumogu' ningsa' tinting. Ning tinga adi kagaya samting wa sidi bimbem sa' tinting. Wa ning, aming ka kadagang ga' manda sini' ukngamota' wa adi fugu ganang wa kagaya bimbem ning wara' adi kagaya bemota'.

REVELESEN Anutu wari Jon ga' Girii Jisas ning ki anatintingneinga kagu' 3:10

Ka tim na ning sangguk, sidi naning midi urapsa' mo' suknakubenting. Ka sidi ninaksa' tanga tangkunang sa' suronga ira abuting wara' na ning torik, inga' mamareng girii wari aming dabik ning kabaksi' tagatagayap waraga' kadofo' wara'ganang wa na yotangkasap tinga mamareng ka wari mo' sifakadawa'.

REVELESEN Anutu wari Jon ga' Girii Jisas ning ki anatintingneinga kagu' 6:17

Indi kami yara'ganang kuma' kayam, kama ka ya adisining kabaksi' kagaya wari sareng sini' kadofasarendara' wara' indi adisining kabaksi' kagaya u tatarafik ning kadapmang nua'ni guk mokngang sini'. Wara' kama bubo sidi yotangkanip tanga danga abanga indifisasu'na tini' ning toging.