Ap 5:21 - Anutuning midi totangka ingaʼni

²¹ Ning ininga naknga ning tanga anga kamindapking wa siring yak ganang amanga adenga ami taming ga' Anutuning midi kareng u faituaimging. Ka kamindapking pris girisi fam wari Isrel ning kaunsil girisi arantagim u dabiksa' fabanga kukyapma ning tanga aposel udi kalabus iyung ganang ko ba ning tonga inagikiama au titi waraga' plisman fam yangkareinga aging.

Ap 5:21 ပူးပေါင်းရင်းမြစ်များ

MATYU Anutuning midi kareng Matyu wari yoku' 5:22

Ka naganing kadapmang wa nua'ni ka kigineng sini' ka Moses ning midi kadapmang u tarafita'. Wa ning, aming midi ganang kangkami ning wa aming ka aming ning fugu ugumarota' unggungsa' mo', mokngang aming ka kuyangni ga' nakadangam ka kaba mang ganangsa' tota' undu' Anutuning kot kigineng ganang adeuta'. Abanga aming ka kuyangni nua'niga' kaba kadagang naknga anikadaga tota' undu' midi kigineng ka wara'ganang adeuta'. A aming ka kuyangni nua'niga' kaba kadagang naknga midi kadagang sini' anikigeuta' wa adining kadagang wara'ning mamareng kura'bu bimbem ning wa kudip kadagang ganang mugo wara'ningsa'.

LUK Anutuning midi kareng Luk wari yoku' 22:66

Ning tanga kama fagainga Juda ning kaunsil arantagim a pris girisi a sasuk aming ning wari bak tanga Jisas u bema midiganang kamiging.

JON Anutuning midi kareng Jon wari yoku' 18:35

Ka Pailat wari ning anigu', a na Juda aming mo' wara' nakeda tanga tounga. Ganing amige a ganing girisiga warisa' naganing kafana ganang ginagira tabanga gipming. Ka gu nasi' kadagang tugung wara' i ginagira abing.

JON Anutuning midi kareng Jon wari yoku' 8:2

Anga deia' kamindap gaa' sini' siring yak girii tempel ga' tubobu abugu'. Ka tempel gaga wara'ganang ka ami taming kabi'mo' wari adiganang bak nua'bu abanga kukinga mera yanggek fatugu'.

Ap 22:15

Ning tinga gu anga ami taming dabiksa' ka kama yong yong indeng iking u midi ka napa' tangkunang ka kaga tanga a ninak tanga ning u tangang wara'ning u yangsasu'nanga yarotang.

Ap 22:5

Midi ka i torik ya beng guksa', pris girii tim iyak guk ka kaunsil girisi arantagim guk dabiksa' adindu' fafong, kuma'sa' nabiting. Ka kane ka u titi waraga' wa aming girisi anasa' kuyase ka Damaskas yong do yaging wari naning kane ka aming manggakyap ning u nakdidima wara'siga' umpang yora naminga bema aguk. Anga aming girisa ga' umpang u tonga ima ning tanga yong wara'ni aming ka kadapmang inga'ni u yaranga yaging u manggara fabanga Jerusalem ingging dasiapma didipmi titi waraga' ning tonga aguk.

Ap 5:17

Ka pris girii tim iyak guk ka adining arantagim aming girisi fam wara'guk ka Satyusi arantagim guk wari aming kabi'mo' wari aposel ning kane u kanga adita'sa' naking u yapma aposel ga' kabaksi' kadagang sini' nakiamging.

Ap 5:27

Ning tanga aposel u inagira fonga kaunsil girisi arantagim wari bak kuma' tiging wara'ganang kukyabinga pris girii tim iyak wari ning ifangyanggu',

Ap 5:34

Ka Farisi arantagim ning sasuk aming girii nua'ni wapni Gamaliel ka ami taming kabi'mo' wari adining kane u karengsa' kanga adita' nakiaging wari marara aposel arantagim u fugang ga' yangkaregu'.

Ap 5:41

Ka aposel adi yak u kabinga fugang amanga fefiap titing waraga' sura ning toging, a indi kane kareng ga' tanga fefanibing waraga' wa kabakni' mamareng naknga sasuk mimeng mo' tantam. Mokngang indi Anutu wari aming arantagim ka Jisas ning wap u itua wara'ning mamareng girisa' bimbem ning ning kuma' nibara' wara' indi asekni' ning tonga mesisiringa sa' tantam ning tonga mugoging.