Ap 4:27 - Anutuning midi totangka ingaʼni

²⁷ Ka beng guk sini' aming girisi kuni' kuni' ka Herot a Pontias Pailat ka aming arantagim nua'ni guk ka Isrel aming guk dabiksa' wari guning kane aming didimeng kareng sini' ka gu kasiregung Jisas u tipkadaunga Jerusalem yong girii yara'ganang bak tiging.

Ap 4:27 ပူးပေါင်းရင်းမြစ်များ

MATYU Anutuning midi kareng Matyu wari yoku' 14:1

Ka kama ka king Herot wari kama tubo Galili tara' u katatoranga mareiagu' wara'ganang ka adi Jisas wari kane tangkunasi mirakel fam tanga agu' wara'ning midi ne u naknga base tugu'.

MATYU Anutuning midi kareng Matyu wari yoku' 14:3

Ka tim king Herot wari Jon Baptis taramiku' wara'ning midi wa ning. Tim wa Herot adi ananing kuyang kabasi' Filip ning tamni wapni Herodias u iromkadara bema tonga sanagu' waraga' tanga Jon Baptis wari fikifiki Herot u ning anga fanirugu', gu kuyaga ning tamni iromkadagung wa kadagang tugung. Ka Herot adi midi ka u naknga bibi' naknga aming fam yangkareinga anga Jon u nagira tonga kalabus iyung dasiinga kalabus ganang unggung itarugu'.

MATYU Anutuning midi kareng Matyu wari yoku' 14:6

Ka kama nua'ni ganang Herot wari mengni wari ana ibegu' wara'ning kama u kataunga tangsana tugu'. Ning tanga amine fam u katiana abanga nana tangsana tugu' u mera naging. Ka Herot ning tamni Herodias ning ibingini sababa wari marara mime tugu'. Ka Herot wari u karengsa' kanga

MATYU Anutuning midi kareng Matyu wari yoku' 21:28

Ning tanga Jisas wari Juda ning aming girisi u midi nua'ni ning yanggu', ka midi nua'ni ubu sanotik u nakni'. Wa ning, aming nua'ni adi mindine fama' guk. Ka babangsi' wari mindingni nua'ni u ning anota', gu naning wain feng kane anga te'.

MATYU Anutuning midi kareng Matyu wari yoku' 23:37

Ka Jisas wari inga' Jerusalem yong girii wari kadaga waraga' sura nakedanga kaba mamareng naknga ning togu', o bibiri' sini' yong girii Jerusalem fikifiki gu Anutuning profet u dipmikumara ning tanga aming ka Anutu wari midi sangnatam ga' yangkareta' wa gu uningkim kwak wari dipmitang. Na kagare' meng wari nano u inagira fabanga firisi' kapmik dasinga munkupniap urang titing ningda'ning kafakafa sini' tasabotik ning tonga fatirik. Ka mokngang sidi kafakafa tasap ga' ninibi sa' mo' ting.

MATYU Anutuning midi kareng Matyu wari yoku' 27:2

Adi midi u totangkanga ning tanga Jisas ning kafong u iptanga nagira tonga Romni kiap girii wapni Pailat adining kafong ganang ubu kamiging.

MAK Anutuning midi kareng Mak wari yoku' 10:33

idi Jerusalem ga' urang marem. Aming wari Amingning Tim Iyak naga pris a sasuk aming girisi ganang nifikadofiinga wari bemnapma midiganang nipminga nugumak titi waraga' toni'ga'. Ning tanga ninagira tonga aming arantagim nua'nining kafasi'ganang ubu nipmini'ga'.

MAK Anutuning midi kareng Mak wari yoku' 15:31

Ning tinga pris a sasuk aming fam adindu' anikige tanga ning toging, a adi aming fam wa giri fayotangkaimita' a ananing fugu yotangkara' wa indeng.

LUK Anutuning midi kareng Luk wari yoku' 1:35

Ka ensel wari ning anigu', udi giri torang de ka wa aming wari mo' tota'. Mokngang wa Anutuning mini ungggo wari gu ganang kadofinga mini unggo ning kigineng girii warisa' mungkupnagapma saba u tipkadofota'. Wara' inga' saba wari kagadofi to' ganang wa aming adi saba kuni' nua'ni naro'sa' iikning ning kanga wap Anutuning mindingni ning anini'ga'.

LUK Anutuning midi kareng Luk wari yoku' 22:63

Ning tanga aming ka Jisas u bemging wari Jisas u kadagang taramikonga kwi' kugo' bema Jisas ning de u iptasefingama uuk tanga anigige ning tiging, a gu profet urang udi. Ka gu profet sini' ganang wa aming guguk tara' wara'ning wap u didimengsa' nininga naknam.

LUK Anutuning midi kareng Luk wari yoku' 23:1

Ning tanga Juda ning aming girisi wari Jisas wari midi ka na Anutuning mindingni ning tutugu ningda'ning togu' midi kadagang ning u naknga Jisas u nagira Romni kiap Pailat ganang ubu aging.

LUK Anutuning midi kareng Luk wari yoku' 4:18

<

LUK Anutuning midi kareng Luk wari yoku' 9:22

Ka Jisas wari ning yanggu', beng sini' urang sanirik kadapmang ka Amingning Tim Iyak nagaganang kadofinam ning wa ning, inga' aming girisi a pris girisi a sasuk aming arantagim wari nagata' bibi' naknga manda uknama kadagang naramira nugumak tini'ga'. Ning tinga kama famineng ibinga Anutu wari tubobu nifimararo'ga'.

JON Anutuning midi kareng Jon wari yoku' 1:11

Abanga adi yong nua'ni ganang mo' kadofigu'. Mokngang adi ananing amine ning yong ki ganang sini' kadofigu'. Ka amine adi adita' naknga kafakafa guk mo' tanga bema kamiging.

JON Anutuning midi kareng Jon wari yoku' 10:36

Ka na profet sa' ka u yanggu' ningwara' mo'. Na aming kuni' nua'ni ka sibeng wari nagapmo' naro'sa' nifikasiranga nangkaregu' wara' na Anutuning mindingni ning torik wang. Ka sidi na Anutuning wap tipkadarik ning tonga ba nangbeing.

JON Anutuning midi kareng Jon wari yoku' 18:28

Ning tanga aming wari Jisas u nagira tonga pris girii Kaiafas ning yakganang kamiging u nua'bu nagira anga Romni kiap girii Pailat wara'ning yak girii wara'ganang ubu tonga kamiging. Ka kamindap gaa' fabubureng sini' ka Juda aming wari Pasova ning tangsana wara'ning kama fagagu' wara'ganang nagira aging. Wara' adi aming arantagim nua'ni ka Juda mo' wara'ning yakganang amanga geng nua'bu tanga Pasova guk mo' ma nanam ning tonga sura Pailat ning yak iyung bane ganang guk mo' amoging. Mokngang adi fugang ningsa' anga adeging.

JON Anutuning midi kareng Jon wari yoku' 18:29

Ning tinga Pailat warisa' afanga fugang adenga aming u ning yangkagu', aming ya nasi' kadagang tugu' kanga midiganang kamonga nagira abing.

JON Anutuning midi kareng Jon wari yoku' 19:34

Ka soldia nua'ni wari u kanga suguk bema Jisas ning gagaa u yoku'. Yokinga amaa guk ka fugu ameng guk wari urapsa' kadofinga kwasinegu'.

Ap 10:38

Ka Jisas Nasaretni ka wa Anutu wari kasiranga ananing mini unggo guk ka kigineng girii guk u amiinga tanga yaregu'. Ning tanga adi kama yong yong yangara ami taming kabi'mo' u yotangkayapma yaregu'. Ning tanga Anutu wari aming ka wara'ganang ikinga adi aming kabi'mo' ka aming kadagang Setan wari kuma' ifakadagagu' u ifakarendasasu'nanga yaregu'. Ka u tugu' wara'ning midi ne wa sidindu' kuma'sa' naknga iking.

Ap 2:27

Ka na kungkumak titi undu' gu ninibi titi ning guk mokngang. Na guning kane beng sini' tanga itik wara' gu ninibi tinga fukna undu' kadaga guk mo' tota'.

Ap 4:30

Ning tanga gu indita' tangkunang niminga indi guning kane aming didimeng kareng sini' ka Jisas wara'ning wap ganangsa' tanga bagana aming u ifakarenda a kane tangkunasi fam undu' kigineng sini' tanga yarantam. Ning tinga aming wari u kanga guning kigineng wara'ning ki ga' sukanting, ibang wa ning toging.

HIBRU Midi umpang aming nua'ni wari Juda amingga' yokiamgu' 7:26

Ka Jisas adi indining pris girii kareng beng guk sini' wara' adi indi mamareng guk a napa'ga' nafek tantam u nipma wa adi bengsa' kuma' yotangkanimota'. Adi kadagang kabi'guk mo' tita', mokngang sini', adi kadapmang didimeng sini' sa' tita'. Ka aming indi kadagang guk, wara' Anutu wari aming fafandangeng kareng kubaniksa' unggungsa' bema kunimganang kuta naro' kamiinga adi napa'napa' dabiksa' u ikem wara'ning tim iyak aming girii kuni' nua'ni sini' ikita'.