Ap 24:14 - Anutuning midi totangka ingaʼni

¹⁴ Ka na midi ka arantagim ka kadapmang nua'ni yaranga tubo kidagang tiging u tonging wara'ningsa' toutik u mera nake'. Beng sini' na kadapmang ka u yaranga itik de ka na Juda indining papane ning Anutu girii waraga'sa' naktangkanga ibang tugutik. Abanga Juda indining papani' Moses adining kadapmang tang a midi ka tim indining profet arantagim wari umpang ganang yora kabiging dabiksa' waraga' undu' ningsa' ko naktangkanga itik.

Ap 24:14 ပူးပေါင်းရင်းမြစ်များ

MATYU Anutuning midi kareng Matyu wari yoku' 10:32

Beng sini' aming ka aming fam ga' mutu guk mo' tanga midi ka o na girii Jisas ning arantagim ning u sirengsa' tonting wa nandu' aming ka wara'ning wap wa sibeng Anutu undu' sirengsa' anok.

MATYU Anutuning midi kareng Matyu wari yoku' 22:40

Beng sini' midi ki ka fama' warisa' Moses a profet arantagim ning kadapmang u defata' wara'ning tim iyak sini' ikitamu', midi tangkunang wara'ning nua'ni wari midi ki kiginesi fama' wara'guk mo' irafita', mokngang sini' ning anigu'.

MATYU Anutuning midi kareng Matyu wari yoku' 7:12

Beng sini' kadapmang kareng ka gu aming fam wari guta' tagam ga' nakitang ning wa gu aming fam ga' undu' ningsa' tiamotang wa karengsa'. Midi ka aming ga' kafakafa tiam wara'ning u torik wa midi kigineng sini' ka Moses ning kadapmang tang a midi fam ka profet arantagim wari tokadofiaging dabiksa' u defata' wara'ning ki sini'.

LUK Anutuning midi kareng Luk wari yoku' 1:70

Ka u tanimara' wa midi ka timinggi' Anutu ana adining midi togadofi aming profet u ininga wari kuma' togadofiging unggungsa' yaranga tanimara'.

LUK Anutuning midi kareng Luk wari yoku' 16:16

Ka kadapmang ka aming wari Anutuganang anga iik wara'ning wa tim Jon Baptis wari ko mo' kadofigu' u tanga wa Moses ning midi tang guk ka profet ning midi guk wari yagumu'. Ka inga' kama ka Jon Baptis wari kadofinga midi kareng ka aming wari Anutuning bining ganang iik wari kagadofi wara'ning u ituagu' u tanga ababanga kami naga kadofinga itawarik yara'ganang undu' aming kabi'mo' wari midi ka u naknga Anutuning bining ganang iikga'sa' naknga aming wari faba iming ganang urap tanga mamok ning tonga kura' urakayong guk urang tanga mamoting ningda'ning tanga mabing.

LUK Anutuning midi kareng Luk wari yoku' 16:29

Ka Ebraham wari ning anota', ka gu kuyage ga' sura torang udi giri. Ka adi Moses ning midi a profet ning midi wara'guk kuma' ikiting wara' adi u kuma' kanga nakedanga tanga ikanting.

LUK Anutuning midi kareng Luk wari yoku' 24:27

Ning ina ning tanga midi tangkunasi fam ka tim Anutu wari inga' Jisas ana kadofinga kane a kungkumak ka u tugu' waraga' tim Moses a profet fam ininga umpang tang ganang kuma' yoking wara'ning ki u yangdidimanga yaregu'.

LUK Anutuning midi kareng Luk wari yoku' 24:44

Ning tanga Jisas wari midi ning yanggu', ka sidi napa' ka nagaganang i kadofinaminga kaing yaraga' wa na sidigok kubap ira yangatam u tanga kuma'sa' sana abutik. Napa' yara'ning midi wa Moses ning midi kadapmang tang ganang a midi umpang ka profet fam wari yoking abanga midi dibing fam ka umpang wap ka Sam wara'ganang u yora yareging wari tuguting wa adi nagata'sa' sura yoking. Ka na midi ka wara'ning bengni wari kagadofi ga' urang sanitik wa kuma' kadofira' yang ning yanggu'.

JON Anutuning midi kareng Jon wari yoku' 1:45

Ka Jisas wari Filip u aniinga Filip adibu naknga anga amingni nua'ni Nataniel ubu anigu'. Ning anigu', ai amina, aming ka wari kagadofi wara'ning midi ka Moses wari umpang ganang yoku' a profet arantagim wari urang yoking wa kami kuma' kayam. Aming ka wa Josep ning mindingni Jisas, Nasaret yongni.

Ap 10:43

Ka tim profet kabi'mo' wari Anutuning midi ituanga abiging ganang undu' ning kuma' fatoyaging, aming wari Kasira Aming ga' naktangka tinting wara'ganangsa' wa Anutu wari adining kane kigineng waraga' sura adisining kadagangsi' u wadigi' suknakubeimota' ning fatoyaging wara'ganang didimengsa' kadofigu'.

Ap 13:15

Ka Juda ning aming girisi wari Anutuning midi umpang ka Moses ning kadapmang tang a profet ning midi u aranga indangira indangira biinga ning tanga Pol ya u yapma ning yangging, kuyane sidi Anutuning midi karesi fam ka aming ning kabaksi' ifitangka wara'ning guk udep bema abugumu' undu' girisa' abanga ituaniminga nakantam ning yangging.

Ap 15:5

Ka Farisi arantagim ning aming fam ka inga' Jisas ga' naktangka ubu tiging wari marara ning toging, ka udi giri toyamu' ka adi aming arantagim nua'ni wara' adi fuksi' giknim dudop ka Juda indi titam ning tinting. Abanga Moses ning kadapmang tang undu' yaranga wara'guk dabiksa' tinting wa giri naktangka aming sini' ikanting.

Ap 19:23

Ka Pol wari u yagu' ganang wa girii ning kadapmang kareng wari kigineng kadofinga auinga mamareng girii nua'ni wari wara'ganang kadofigu'.

Ap 19:9

Ka Juda aming fam adi midi ka waraga' bibi' naknga naktangka guk mo' tanga girii Jisas ning kadapmang kareng waraga' aming bak tiging wara'sining dasi'ganang u togige tanga yareging. Ka Pol adi u yapma aming ka adining midi ga' naktangka tiging unggungsa' inagira siring yak u kabiama ning tanga anga aming nua'ni ka wapni Tiranas adining yak ka sasuk fam yanggek wara'ning wara'ganang famanga kukyapma fiangetarugu'.

Ap 22:14

Ning tinga ning nanggu', Juda indining papane ning Anutu girii wari gu adining sasuk u kanga a adining kane aming didimeng sini' u kanga ning tanga adining midi mini sanom ganang sini' ninak waraga' kuma' suktangkagu' ganang didimeng tagamara'.

Ap 24:22

Ka Rom ning kiap girii Filiks adi aming wari naktangka ka kadapmang inga'ni waraga' tiging wara'ning kadapmang u kuma'sa' kanga yagu' wara' adi midi ka Pol animbeging wara'ning ki wa naktangka ning kadapmang unggungsa' tonga yoking u naknga ning yanggu', o sidining midi kuma' naksamarik, kuma' bira'. Inga' soldia ning girii Lisias wari afuinga nua'bu kuma' katisana naksamok.

Ap 24:5

Ka indi aming ka ya ning fakayam ka adi aming digirap tipkadofi tuang. Adi Juda aming ka kama ka indeng iking u yangara kabaksi' ifakadagainga gi' guk mo' ikiting. Abanga indining arantagim fam ka tubo kidagang kuma' tanga indibiging ka wapsi' Nasaret wara'ning tim iyak aming ita'.

Ap 25:8

Ka Pol adi midi tubobu wa ning togu', na Juda ning kadapmang tang a siring yak girii tempel u tipkadaga waraga' napa' kadagang ni guk mo' sini' tuguk mokngang. Abanga Rom ning girii Sisa waraga' manda ukngam wa ma bibi' nakngam wara'ning kane kadagang ni guk mo' sini' titik ning togu'.

Ap 26:22

Ka beng sini' urang torik, Anutu warisa' yotangkanapma ababanga wa kami aming sige a aming girisi dabiksa' sidining dasi'ganang adenga midi ituasaminga naking. Ka na midi ka i torik ya ka' nua'ni guk mo' bema torik. Mokngang sini' midi ka ya tim profet arantagim a Moses wari kuma' tonga abiging wara'ganang didimengsa' kadofigu' wara'ning unggungsa' yaranga torik.

Ap 26:27

Ka king gu midi ka tim profet wari urang toging udi beng guk ning sutang wa. A na kuma' gabarik gundu' waraga' naktangka tarang udi.

Ap 26:4

Ka naning midi wa ning, tim na kabasi' ganang naning arantagim guk yaknang ki Tasas yong u ira anganga inga' Jerusalem yong kuta ubu aranga yaguk ganang undu' Juda aming adi naganing iikna ning ki wa kuma'sa' kasasu'neging.

Ap 26:6

Ka adi midiganang i nipmiinga aderik ya ki kubaniksa' wa napa' Anutu wari midi tangkunang ka Juda indining papane arantagim 12 ning irisi' dabiksa' indita' tinim ga' togu' wari kagadofi u kapmera tiim sidii fikifiki ibang tongama ira abutam unggungsa'. Ka beng sini' king Agripa nandu' waraga' naktangka titik waraga'sa' tanga wa midiganang nipming yang.

Ap 28:22

Ka indi midi ka arantagim ka Juda indining kadapmang sini' u kabinga arantagim naro' tipmaraking ka aming yong yong wari urang yapguridanga fatoing wara'ning ka ga waraga' wa indining sutang undu' ningdidimainga ninak ga' nakem.

Ap 28:23

Ning tanga kama nua'ni ganang tubobu kuma' abanam. Ning aninga mugo tiging. Ka kamindap nua'ni ganang ka adisigok ka Rom yong wara'ni Juda aming kabi'mo' wara'siguk dabiksa' wari marara abanga yak ka Pol wari dekaragu' wara'ganang bak girii tiging. Ning tinga Pol wari nasi' nasi' midi ka adining iikni wa indining da'ning wara'ning u ina ning tanga midi kareng ka aming wari Anutuning bining ganang iik wara'ning ki sini' u ina ning tugu'. Ning tanga adi midi kigineng ka Anutuning midi ka Moses ning kadapmang tang ganang a profet arantagim wari yoking wara'ning bengni wa Jisas wari kadofigu' waraga' yanggu'. Ka Pol adi aming wari midi ka u naknga Jisas ga' naktangka titi waraga' sura midi ka u paramu' sini' ina anganga mayam de guk tipamogu'.

Ap 3:13

Mokngang, aming u karendara' wara'ning kini wa ning, Anutu girii ka Juda aming indining papane ka Ebraham a Aisak a Jekop u yotangkayabarugu' warisa' wa adining kane aming kareng ka Jisas wara'ning wap u tipgaraga waraga' tara'. Aming ka wa sidi bema aming arantagim nua'ni ga' yamging. Ka adisining girii Pailat wari kagabi tinga mugo ga' giri kuma' togu' de ka sidi bibi' naknga a wa indining girini' mo', aming kadagang ning tonga manda ukngama ugumak titi ga'sa' urang toging wang.

Ap 5:30

Ka wara'ning wa ning, sidi Jisas u bema firi ganang kuma' ugariging. Ka Anutu ka tim indining papane yotangkaimarugu' warisa' tubobu tipmaragu'.

Ap 7:32

ai Moses na Anutu ka guning papage Ebraham a Aisak a Jekop u yaptatoretik wari ira ganarik ning anigu'. Ka Moses adi midi ka u naknga paparap senga firi u kaga ga' mutu tanga mungkupna sa' tanga adegu'.

Ap 9:2

Ning tinga pris girii wari Juda aming girisi ka siring yak fam ka Damaskas yong girii do yaptatoranga ikiaging wara'siga' midi umpang kabi' yora amigu'. Ka midi ka wa ning yokiamgu', Sol u anigararik wari anga yabota'. Ka ami wa ma taming fam wari kadapmang inga'ni u yaranting wa adi manggakyap tanga Jerusalem yong i kalabus iyung fabanga dasiap waraga' inagira abo' ning yokiamgu'.

ROM Midi umpang Pol wari Rom aming ga' yokiamgu' 1:9

Ka na ibang tugutik ganang wa fikifiki Anutu wari sidi yotangkasap waraga' undu' tugutik. Ka Anutu girii ka naga adining mindingni ning midi kareng ning kane u tangam ga' kabakna guk siamo' ka u nakngamitik adi kuma'sa' nabara' beng guksa' urang torik.

ROM Midi umpang Pol wari Rom aming ga' yokiamgu' 3:21

Ka tim Anutu wari adining midi tapni wa Moses ga' amigu'. Ka aming wari Moses ning midi tapni ka u dabiksa' yarasasu'nanga didimengsa' kuma' tota' wa Anutu wari aming wap didimeng wa aming ka unggungsa' anota' ning turugu'. A kami inga' i ikem yara'ganang wa Anutu wari kadapmang beng guk kareng nua'ni ka aming indi aming didimesi ning nipma nining wara'ning u tanimgu'. Ka kadapmang ka u tanimgu' wa Moses ning lo wara'ning mo'. Mokngang undu' nua'ni ka timinggi' Moses guk ka profet arantagim fam guk wari kagadofi ga' fatoyaging u tanimgu'.

1 Kor 11:19

Ka beng sini' naktangka aming ning arantagim kubanik ganang wa aming fam ka kadapmang didimeng tinga fam ka didimeng mo' titi ningwari tanga kadapmang ka tubo kidagang titining undu' kuma'sa' ifakadofiting. Ning tanga aming ka Anutuning kadapmang didimengsa' tota' wa ma didimeng mo' tota' wa wara'ganangsa' kadofasirendainga yapkedatam.

GALESIA Midi umpang Pol wari Galesia amingga' yokiamgu' 5:20

abanga murak mandaga' animamangna, a aming nua'ni se uuk, a digirap iik, a aming nua'niga' kaba kadagang nakngam, a banaksi' gipta, a kamamare, a fugu bema ara, a arok tanga naro' naro' iik,

2 Timoti 1:3

Ka na Anutu ka tim naganing papane wari adining kapmik ganang ira tangamiaging a inga' nandu' adining kane wa kadapkang didimeng ganangsa' tangamitik waraga' ibang tugutik ganang wa na fikifiki adi yotangkangaminga karengsa' tanga itang waraga' sura Anutuga'sa' mesisiringa siamo' fatirik.

TAITAS 3:10

A aming ka naktangka aming arantagim ning bak kuguk kareng u tipkadaunga tinga wa gu tipdidima titi wara'ning midi fam anotang. Ka adi ninak guk mo' tinga wa nua'bu anotang. Ka adi ninak guk mo' tanga nua'bu tinga wa gu wadigi' kabotang.

1 Pita 1:11

Profet adi Kasira Aming ning mini unggo wari adiganang ira midi ka nasi' mamareng ka inga' Jisas wari bemgu' a mamareng u bema tarakayoinga Anutu wari wap girii amiiinga ita' waraga' ininga naknga o kama ka wa dari sini' kadofo'ga', a nasi' kadapmang ganang sini' kadofo'ga' ning tonga yaging. Ka mokngang, urap mo' kadofigu'.

REVELESEN Anutu wari Jon ga' Girii Jisas ning ki anatintingneinga kagu' 19:10

Ning tuguinga na adining midi u naknga adita' mandakna upma mesisiringam totik ning tonga tuguk ka nangsefi tanga ning nanggu', a mokngang mokngang sini' gu mesisiringa wa nagata' guk mo' tanamotang, na Anutuning kane amingsa'. Ka gu a guning kuyaga arantagim fam ka tim girii Jisas ning midi kareng ininga naknga naktangka tiging wara'guk dabik indi Anutuning kane amingsa'. Jisas ning midi kareng ka Jisas ana tipkadofiamara' wa inga'ni mo', timinggi' profet arantagim ininga midi ka wa profet arantagim wari kuma' tokadofiging unggung inita'. Wara' profet arantagim a sidi a naga indi dabiksa' indi Anutu girii ning kane amingsa' wara' gu mandaka upma mesisiringa tonga wa Anutu girii ga' kubaniksa' tangamotang wa didimeng ning nanggu'.