Ap 20:21 - Anutuning midi totangka ingaʼni

²¹ Na fikifiki midi kigineng ka Juda aming guk ka Grik aming guk dabiksa' indi Anutuga' kabakni' faranga kadagang u kabinga girini' Jisas ga' naktangka titi waraga' fatoruguk.

Ap 20:21 ပူးပေါင်းရင်းမြစ်များ

MATYU Anutuning midi kareng Matyu wari yoku' 3:2

Ka Jon wari midi ning tokadofigu', ai, aming wari Anutuning bining kareng ganang iik wara'ning kama wa kuma' kadofonga tara' yang. Ka aming dabiksa' sidi kabaksi' faranga kadagang tanga iking u kabisasu'na tini' ning fainarugu'.

MATYU Anutuning midi kareng Matyu wari yoku' 4:17

Ka kama ka wara'ganang Jisas wari Kapaneam yong u kadofinga Anutuning midi kareng u munumung sini' tokadofigu'. Ning ina yaregu', ai aming wari Anutuning bining ganang iik wara'ning kama wa kuma' kadofonga tara' yang. Ka sidi kabaksi' faranga kadagang u kabisasu'na tini' ning yanggu'.

MAK Anutuning midi kareng Mak wari yoku' 1:15

Ning togu', kama ka Anutu wari aming u manggara adining binging ganang gi' kukyabinga iik wara'ning wa kami kuma' kadofisamara' yang. Wara' aming sidi kadagangsi' u wadigi' kabisasu'nanga ning tanga abanga Anutuning midi kareng ingging sa' nakni', ning togu'.

MAK Anutuning midi kareng Mak wari yoku' 6:12

Jisas wari arantagimni u ning ina yangkareinga mugoging. Anga yong yong u kadofinga dera yangara midi ning ina yareging, o aming sidi kadagang tanga iking u kabinga kabaksi' farani'.

LUK Anutuning midi kareng Luk wari yoku' 13:3

Mokngang sini', aming dabik sidindu' kadagang guk ningsa' iking. Ka kami yara'ganang sidi kabaksi' faranga kadagangsi' u mo' kabinting wa sidindu' dabik ningsa' bisasu'nani'ga'.

LUK Anutuning midi kareng Luk wari yoku' 13:5

Beng guk sini' urang sanirik, sidindu' kadagang guk. Ka kami sidi kabaksi' guk mo' faranga sidining kadagang u mo' kabinting wa sidindu' u kumoging ningsa' kumara bisasu'nani'ga'.

LUK Anutuning midi kareng Luk wari yoku' 15:10

Ka Anutuning yongganang undu' ningsa' titing. Anutuning kunung aming ensel adi aming ka tim kadagang tota' wari kaba faranga tubobu abota' waraga' wa kabaksi' kareng girii sini' nakiting ning yanggu'.

LUK Anutuning midi kareng Luk wari yoku' 15:7

Ka beng sini' torik kadapmang ka u titing ningsa' ka Anutuning yongganang wa kunim aming adindu' ningsa' titing. Kunim aming adi aming kamaganangni ka kadapmang didimeng giri kuma' tanga ira kadagang guk mokngang ning ikiting wara'siga' wa adi kabaksi' kareng kabi'gi' nakiting. A aming ka tim kadapmang kadagang tanga ira kadagang guk ikita' wari kaba tubobu tipfaranga inga' kadapmang kareng ubu tota' waraga' wa kunim aming adi kabaksi' kareng siamo' naknga mesisiringa girii beng sini' titing ning yanggu'.

LUK Anutuning midi kareng Luk wari yoku' 16:28

Ning tinga adi kabaksi' faranga kadagang u kabinga karengsa' ikanting wara' adi inga' kagaya girii yara'guk mo' bemni' ning touta'.

LUK Anutuning midi kareng Luk wari yoku' 24:47

Ning tinga aming wari adining wap a midi u bema anga aming wari midi ka u naknga kabaksi' fareinga Anutu wari adisining kadagang u suknakubeyam waraga' ina yarani'ga' ning yoking.

JON Anutuning midi kareng Jon wari yoku' 20:31

Ka fam sa' ka kuma' yotik wa sidi indangira kanga o Jisas wa Kasira Aming girii a Anutuning mindingni beng sini' ning ba tonting. Ning tinga Jisas ning tangkunang girii wari wara'ganang yotangkasabinga sidi ka' fikifiki ningsa' iik waraga' sura wa midi ka i yotik yang.

JON Anutuning midi kareng Jon wari yoku' 3:36

Ka aming ka Anutuning mindingni ga' naktangka tota' wa adi ka' iik kareng ka fikifiki ningsa' iik wara'guk irota'. A aming ka adining mindingni ning midi wara'guk mo' yarota' wa adi ka' kareng bema iik ning guk mokngang. Adi Anutu wari kagaya amimi wara'ningsa' irota'.

Ap 10:43

Ka tim profet kabi'mo' wari Anutuning midi ituanga abiging ganang undu' ning kuma' fatoyaging, aming wari Kasira Aming ga' naktangka tinting wara'ganangsa' wa Anutu wari adining kane kigineng waraga' sura adisining kadagangsi' u wadigi' suknakubeimota' ning fatoyaging wara'ganang didimengsa' kadofigu'.

Ap 11:18

Ning tinga Juda aming adi Pita ning midi u naknga nakdidima sini' wa inga' tanga midi nua'bu guk mo' aniging, adi kabaksi' kareng naknga o beng guk aming arantagim nua'ni wari kabaksi' faranga ka' iik waraga' kadapmang wa Anutu ana ba tiamara', ning tonga Anutuga' mesisiringa tiging.

Ap 16:31

Ka Pol ya wari ning anigumu', gu girii Jisas ga' naktangka te'. Ning tanga wa gi' giri irotang, ga a gu kurene dabiksa'.

Ap 17:30

Ka tim aming adi Anutuning ki u kaga waraga' kabi'guk sukiting. Ka Anutu adi waraga' kaba mamareng naknga ifakadaga guk mo' tanga iibi sa' tinga adi kadapmang kuni' kuni' ka anasining sasuk ganangsa' u yaranga tanga ikiting. Ka kami yara'ganang wa Anutu ka wari ning tora', aming kamaganangni ka kama yong yong dabiksa' wari kabaksi' faranga adisining kadagang u kabisasu'na tini'.

Ap 19:17

Ka Juda aming a Grik aming dabik ka Efesas yong u yaging wari wara'ning midi ne u naknga napa' girii ning kanga base tanga tonga yareging wari girii Jisas ning wap wari girii giragagu'.

Ap 2:38

Ka Pita wari ning yanggu', sidi sidining kadapmang kadagang u wadigi' kabinga abuinga indi Kasira Aming Jisas ning wap ganang ama isamtam. Ning tinga Anutu wari sidining kadagang u tanga kayonga suknakubesama ning tanga napa' kigineng ka adining mini unggo u sama ning tota'.

Ap 2:40

Ning tanga Pita wari midi yangnatam fam kabi'mo' nua'bu tanga midi tangkunang ning yangdidegu', o aming sidi aming arantagim ka sasuksi' kadagasi sa' tanga kadaga titi ning iking wara'siguk dabiksa' ma kadani'. Wara' sidi sidining kadagang u kabisasu'na tanga kareng gi' ubu ikanting.

Ap 20:23

Ka napa' kubaniksa' ka naga kama yong yong u yangatik ganang ka Anutuning mini unggo wari mamareng ka kalabus a mamareng fam wari kadofinam waraga' nanita' unggungsa' wa giri nakedarik.

Ap 20:24

Ka naning iikna ka ka' iik ka kami yara'ganang i tirik ya napa' girii ningsa' iikning ning mo' katik mokngang wara' na kafakafa gi' iikga' sasuk mimeng mo' totik. Na kane girii ka girii Jisas wari adining midi kareng ka Anutu wari kafakafa tinibita' wara'ning u namgu' u ituanga yaranga tasasu'na waraga'sa' wa giri kigineng sini' suktangkanga titik.

Ap 24:24

Ka kabi'ning iya' Rom ning kiap girii Filiks wari Pol ning midi kabi' nakngamonga tamni Drusila ka Juda taming wara'guk kubap agumu'. Anga Pol u katinganinga Pol wari midi ka nasi' kadapmang tanga aming wari Kasira Aming Jisas ga' naktangka fatiaging wara'ning u ituaima yaregu'.

Ap 26:18

Ka gu i anga aming ka Setan ning tangkunang wari tofiabinga kangkam ganang iking wara'sining dasi' u ifideinga adi kangkam u kabinga Anutuning iik sangang kareng ganang ubu iik waraga' gangkararik. Ning tanga adisining kadagang wari biam tinga adi aming arantagim ka nagata' naktangka tanga kuni' nua'ni sini' kuma' iking ningwara' ira adisigok dabiksa' ubu ikanting ning nanggu'.

Ap 26:20

Mokngang na ninaksa' tanga marara anga midi tim munumung ka Damaskas yong do unggung ituaguk. Ning tanga abanga Jerusalem yong girii a kama tubo Judia tara' dabiksa' u ituanga yaranga ning tanga aming arantagim nua'ni ka Juda mo' wara'siga' undu' ningsa' anga ituaimguk. Ka midi ka u ituaimguk wa ning, o aming sidi kabaksi' faranga kadagang tanga iking u kabinga Anutu ganang abanga kadapmang kareng ka naktangka aming wari titining u didimengsa' tinga Anutu wari karengsa' sabota'.

Ap 28:23

Ning tanga kama nua'ni ganang tubobu kuma' abanam. Ning aninga mugo tiging. Ka kamindap nua'ni ganang ka adisigok ka Rom yong wara'ni Juda aming kabi'mo' wara'siguk dabiksa' wari marara abanga yak ka Pol wari dekaragu' wara'ganang bak girii tiging. Ning tinga Pol wari nasi' nasi' midi ka adining iikni wa indining da'ning wara'ning u ina ning tanga midi kareng ka aming wari Anutuning bining ganang iik wara'ning ki sini' u ina ning tugu'. Ning tanga adi midi kigineng ka Anutuning midi ka Moses ning kadapmang tang ganang a profet arantagim wari yoking wara'ning bengni wa Jisas wari kadofigu' waraga' yanggu'. Ka Pol adi aming wari midi ka u naknga Jisas ga' naktangka titi waraga' sura midi ka u paramu' sini' ina anganga mayam de guk tipamogu'.

Ap 3:19

Ka inga' yara'ganang wa sidi kadagang ka u tiging waraga' suknatam tanga kadagang u kabinga kabaksi' ubu faranga Anutu wari sidining kadagang u ufafesam waraga' aninting. Ning tinga Anutu wari sidining kadagang u ufafesama adining tangkunang ka yotangkasap tinga ararangeng kareng iik wara'ning ubu samota'.

Ap 8:25

Ning tanga aposel fama' wari ami taming ga' nasi' kane a midi ka tim adi Jisas guk ira tinga kasasu'neging wara'ning u ina yaregumu'. Ning tanga yong ka u kabinga Jerusalem yong girii ga' tubobu anga Sameria ning yong fam wara'siga' Anutuning midi kareng u ina ina agumu'.

ROM Midi umpang Pol wari Rom aming ga' yokiamgu' 1:14

Ka beng sini' na Juda aming. Ka Anutu wari yotangkanapma kafakafa tanamgu' wara' na aming dabiksa' ka Juda a Juda mo' a sasuk aming Grik a aming skul guk mo' titisi basesa' ko ikiting a aming girisi a aming sige dabiksa' u yotangkayap wara'ning kane guk.

ROM Midi umpang Pol wari Rom aming ga' yokiamgu' 1:16

Ka na aming ga' Anutuning midi kareng ka u ituaim waraga' mutu guk mo' titik. Mokngang na midi kareng wara'ning tangkunang u kuma' kanga ning tugutik, beng sini' midi ka ya aming wari naknga waraga' naktangka tinga Anutu wari yotangkayapma fonga kukyabinga kareng gi' giri iik wara'ning kigineng girii. Ka Anutu wari midi kareng ka warisa' tim aming arantagim ka Juda indi yotangkanipku'. Ka inga' yara'ganang wa adi aming arantagim nua'ni ka Juda mo' sidindu' yotangkasabonga tara'.

ROM Midi umpang Pol wari Rom aming ga' yokiamgu' 10:9

Wa ning, aming ka ni Anutuning midi u naknga o beng sini' Jisas wa girii, ning u mini wari sareng tokadofinga a adining kaba wari naktangka ka Anutu wari Jisas u tubobu beng sini' tipmaragu' ning u tota' wa Anutu wari u kanga ana ganang bema kaminainga adi kareng gi' giri irota'.

ROM Midi umpang Pol wari Rom aming ga' yokiamgu' 2:4

Ka Anutu wari kadapmang kareng ka ai'dap a kugurang kafakafa tanip a aming wari kadagang tinga kagaya kura' tubobu urap mo' amimi ning u kabi'mo' tanga abuta' wa kuma'sa' katam. Ka gu u kanga a Anutu adi naganing kadagang kabi' wa mo' unda' kara' ning ma sure'. Mokngang gu kadapmang kareng u kanga ning sura nakedotang, o Anutu wari kadapmang kareng ka u tinimita' wa naga waraga' sura naknga naning kabakna tipdidimanga kadagang u kabisasu'nanga didimeng iik waraga'sa' tinimita' ning toutang wa giri.

ROM Midi umpang Pol wari Rom aming ga' yokiamgu' 4:24

Mokngang adi naktangka aming arantagim ka inga' yara'ganang ikem indita' undu' sura midi u togu'. Indi Anutu kigineng ka girini' Jisas u tipmaragu' adining midi u naknga waraga' naktangka tem wa Anutu wari wap aming didimeng ning wa indita' undu' kuma' ninara'.

ROM Midi umpang Pol wari Rom aming ga' yokiamgu' 5:1

Ka indi girini' Kasira Aming Jisas ga' naktangka tinga Anutu wari u nipma wap aming didimesi ning ubu kuma' nininga ikem. Ning tanga Jisas ning kane kigineng wari iik ka tim kadagang guk ira adining digirap ning yagum u udaniminga Anutu guk kabakni' kubaniksa' ubu kufura kagaya bimbem ga' mutu guk mo' tanga ikem.

1 Kor 1:22

Ka wara'ning wa ning, aming arantagim ka Juda adisining dasuk wa Anutu wari napa' tangkunang ni dasi'ganang sini' tinga kanga wara'ganang naktangka waraga'sa' fating. A aming ka Juda mo', Grik adi Anutuga' guk mo' sura nasi' nasi' sasuk wara'ning ki wa adisining sasuk gananga' sura yaptua waraga'sa' nakiting.

2 Kor 7:10

Beng sini' mamareng ka Anutu wari tipkadofita' wa napa' kareng, aming ning kaba tipfareinga gi' iik wara'ning. Wara' aming ka kadapmang ka ningwara' tota' adi a mamareng ka wa kadagang kadofinamara' ning guk mo' surota', mokngang, adi napa' kareng ning kanga waraga' mesisiringa sa' tota'. A mamareng ninak ka aming ka kamaganangni ga'sa' nakiting wari titing wa aming ning sasuk tipfara ning guk mokngang, ifakadaga titi wara'ningsa'.

GALESIA Midi umpang Pol wari Galesia amingga' yokiamgu' 2:20

Wara' inga' yara'ganang na ka' nua'bu itik wa naganing tangkunang ganang mo' itik, mokngang wa Kasira Aming warisa' nagaganang ira yotangkanabinga ka' itik yang. Ning tanga na ning torik, naning iikna dabiksa' wa Anutuning mindingni Jisas ka nagata' siamo' naknga naga yotangkanap ga' sura iibisa' tinga uking adita' naktangka sa' tirik warisa' tanga wa ka' itik yang.

GALESIA Midi umpang Pol wari Galesia amingga' yokiamgu' 3:22

Ka mokngang, kadapmang tapni wa aming yotangka ning tangkanang guk mokngang wara' waraga' sura midi umpang ganang ning kuma' yoking, kadagang ning kigineng girii wari aming kamaganangni dabiksa' u kuma' mungkupniapsasu'neinga ikiting. Wara' indi ning nakedantam, midi totangka ka Anutu wari aming ka kadapmang ka naktangka sa' titining u yotangkayap ga' tugu' wa kadapmang tapni wa mo', mokngang, wa aming ka Kasira Aming Jisas ga' naktangka tinting waraga'sa' togu'.

EFESAS Midi umpang Pol wari Efesas amingga' yokiamgu' 1:15

Ka Pol na Anutu wari sidita' kafakafa tasaminga kareng sini' iking, abanga sidi girii Jisdas ga' naktangka tanga naktangka aming kuyase fam ga' siamo' naknga kafakafa tiabiting wara'ning midi u naknga kabakna karengsa' naknga Anutuga' mesisiringa sa' tanga ikitik. Na Anutuga' ibang tugutik ganang wa sidi mo' sibitik, mokngang, na sidita' sura sidi yotangkasap ga' undu' kuma'sa' tugutik.

KOLOSI Midi umpang Pol wari Kolosi amingga' yokiamgu' 2:5

Ka beng sini' na sidigok unggung kubak mo' ikem, kamani naro' itik de ka sidi nagok Kasira Aming Jisas ga' naktangka dabik tem wa na sidigok kubap dabik unggung iikning ningda'ning sura fanakarik. Ning tanga na sidi naktangka tanga sidining bining ganang u kadapmang didimengsa' titi waraga' kabaksi' kubaniksa' kufara iking u naknga kabakna karengsa' naknga mesisiringa fatirik.

FAILIMON Midi umpang Pol wari Failimon ga' yokngamgu' 1:5

Beng sini' na guning midi ka aming fam wari guning kadapmang kareng ka gu naktangka aming fam ga' kabaka guk naknga kafakafa tiapma yotangkayap tanga fatarang a gu girini' Jisas ga' naktangka tanga itang u gapma abanga fananing wa na kabakna karengsa' naknga Anutuga' mesisiringa fatangamarik.

1 Jon 5:1

Ka beng sini' aming ka Jisas adi Anutuning Kasira Aming beng guk sini' ning naktangkating adi Anutuning mindine ning ikiting. Ka sidi kuma'sa' naking, aming ka aming nua'niga' nakota' wa adining mindine arantagim ga' undu' nakita'.

1 Jon 5:5

Beng sini' kuyane aming wari kamaganangning kadagang u tipmikurata wara'ning ki wa ning, aming ka Jisas adi Anutuning mindingni beng guk sini' ning tonga naktangkating warisa' wa tangkunang guk ira kamaganangning kadagang u tarakayonga tarafikiting.